AbaseRoma 8:3 - iBhayibhili Elingcwele 1978

³ UNkulunkulu ukwenzile lokho okwahlula umlayo, ngoba umlayo waba buthakathaka ngenxa yesimo somuntu; ngokuthuma iNdodana yakhe ilesimo esifana lesomuntu esibi, ibe ngumhlatshelo wesono, walahla isono kulesosimo,

IBhayibhili Elingcwele LesiNdebele

³ Ngoba lokho umthetho owawungelamandla okukwenza ngoba waxegiswa yimvelo elesono, uNkulunkulu wakwenza ngokuthuma iNdodana yakhe ngesimo somuntu olesono ukuba ibe ngumnikelo wesono. Ngakho isono yasilahla emuntwini olesono,

AbaseRoma 8:3 ပူးပေါင်းရင်းမြစ်များ

AmaNani 21:9

UMose wenza inyoka yethusi, wayiphanyeka esigodweni. Kwathi lapho inyoka imluma umuntu, uba ekhangele inyoka yethusi, asile.

AmaNani 28:22

linikele njalo lempongo eyodwa ibe ngumnikelo wesono, ukuze kwenzelwe lina indlela yokubuyisana.

UMakho 15:27

Kwabethelwa kanye laye abaphangi ababili, omunye ngakwesokunene sakhe lomunye ngakwesokhohlo sakhe. [

UJohane 1:14

ULizwi waba yinyama, wahlala phakathi kwethu, sabona inkazimulo yakhe injengeyozelwe yedwa kaYise, egcwele umusa leqiniso.

UJohane 9:24

Bambizake ngokwesibili lowomuntu owayeyisiphofu, bathi kuye: Dumisa uNkulunkulu; thina siyazi ukuthi lowomuntu uyisoni.

Imisebenzi 13:39

ngaye ilowo lalowo okholwayo uzalungisiswa kukho konke abengelungisiswe kukho ngomlayo kaMose.

AbaseRoma 3:20

Ngoba ngemisebenzi yomlayo kakho ozakulungisiswa phambi kwakhe, lokhu ngomlayo kuvela ukwazi isono kuphela.

AbaseRoma 6:6

Siyazi ukuthi umuntu wethu omdala wabethelwa kanye laye ukuba umzimba wesono ubhujiswe, ukuze singabi yizigqili zesono,

AbaseRoma 7:18

Ngoba ngiyazi ukuthi kimi, ngitsho enyameni yami, kakuhlali okuhle; ngoba kukhona kimi ukuthanda ukwenza okuhle, kodwa ukukwenza kakukho.

AbaseRoma 8:32

Yena ongayigodlanga eyakhe iNdodana, kodwa wayinikelela thina sonke, angehluleka kanjani ukusinika konke kanye layo na?

AbaseRoma 9:3

Ngoba ngingafisa ukuba mina uqobo ngahlukaniswe loKristu ngenxa yabazalwane bami, abangabakithi ngokwenyama.

2 AbaseKhorinte 5:21

Ongasazanga isono uNkulunkulu wamenza isono ngenxa yethu, ukuze kuye senziwe sibe yikulunga kukaNkulunkulu.

AbaseGalathiya 3:13

UKristu wasihlenga ekuqalekisweni komlayo, yena waqalekiswa ngenxa yethu; ngoba kulotshiwe ukuthi: Baqalekisiwe bonke abalengiswa esihlahleni.

AbaseGalathiya 3:21

Phoke, umlayo uphambene lezithembiso zikaNkulunkulu na? Phinde! Ngoba uba wawunikiwe umlayo olamandla okuphilisa, ukulunga ngabe kukhona ngomlayo isibili.

AbaseFiliphi 2:7

kodwa wazidela, wathatha isimo senceku, waba ngumuntu.

AmaHebheru 10:12

Kodwa uKristu esenikelele isikhathi sonke umhlatshelo waba munye ngenxa yezono, wahlala phansi ngakwesokunene sikaNkulunkulu,

AmaHebheru 10:14

Ngoba ngomnikelo munye uphelelisile okwesikhathi sonke labo abenziwe baba ngcwele.

AmaHebheru 2:14

Ngakhoke njengoba abantwana behlanganyela inyama legazi, laye uqobo wahlanganyela khona lokho, ukuze ngokufa amchithe yena obelamandla okufa onguSathane,

AmaHebheru 2:17

Ngakhoke kwamfanela ukuba abe njengabafowabo kukho konke, ukuze abe ngumpristi omkhulu olesihawu lothembekileyo enkonzweni kaNkulunkulu, ukuba abe yinhlawulo yezono zabantu.

AmaHebheru 4:15

Ngoba kasilaye umpristi omkhulu ongelakuzwelana lobuthakathaka bethu, kodwa owalingwa kukho konke njengathi, kanti kalasono.

1 UPhethro 2:24

Yena wathwala izono zethu emzimbeni wakhe esiphambanweni, ukuze kuthi sesifile esonweni siphile ekulungeni. Lisilisiwe ngamanxeba akhe.