AbaseRoma 8:23 - iBhayibhili Elingcwele 1978

²³ Kakusikho okudaliweyo kuphela, kodwa lathi uqobo lwethu esinikwe ingqabutho zikaMoya, siyabubula ngaphakathi kwethu, silindele ukwamukelwa sibe ngabantwana bakaNkulunkulu lokukhululwa kwemizimba yethu.

IBhayibhili Elingcwele LesiNdebele

²³ Akunjalo kuphela, kodwa lathi uqobo esilezithelo zakuqala zikaMoya, siyabubula ngaphakathi silindile ngokutshiseka ukwamukelwa njengamadodana, ukuhlengwa kwemizimba yethu.

AbaseRoma 8:23 ပူးပေါင်းရင်းမြစ်များ

2 ImiLando 31:5

Lowomlayo usumenyezelwe endaweni zonke, abantu bakoIsrayeli banikela kakhulu ngokwesivuno sokuqala, okwamabele lokwewayini, lokwamafutha, lokwenyosi, zonke izithelo zamasimu abo; baletha okwetshumi kwazo zonke izinto, kwaba kunengi.

ULukha 20:36

ngoba bangephinde bafe; banjengezithunywa zasezulwini; bangabantwana bakaNkulunkulu, bahlanganyela ekuvukeni kwabafileyo.

ULukha 21:28

Nxa kuqala ukwenzeka lezizinto, lulamani, liphakamise amakhanda enu, ngoba kusondele ukukhululwa kwenu.

AbaseRoma 5:11

Kakusikho lokhu kuphela, kodwa sizincoma futhi ngoNkulunkulu ngeNkosi yethu uJesu Kristu, esesamukelisiwe ngaye ukubuyisana.

AbaseRoma 5:3

Kakusikho lokhu kuphela; futhi asithokoze langenhlupheko zethu sazi ukuthi ukuhlupheka kuveza ukuphikelela,

AbaseRoma 5:5

Ithemba kalidanisi, ngoba uthando lukaNkulunkulu lutheliwe enhliziyweni zethu ngoMoya oNgcwele esimuphiweyo.

AbaseRoma 7:24

Hawu, mina muntu ososizini! Ngubani ozakungikhulula kulumzimba wokufa na?

AbaseRoma 8:19

Ngoba okudaliweyo kulindele ngokulangatha okukhulu ukwambulwa kwabantwana bakaNkulunkulu.

1 AbaseKhorinte 1:7

Ngakho kalisileli lasinye isiphiwo somusa, lisalindele ukwambulwa kweNkosi yethu uJesu Kristu,

2 AbaseKhorinte 1:22

owabeka uphawu lwakhe kithi, wasinika uMoya wakhe enhliziyweni zethu ukuba yisibambiso.

2 AbaseKhorinte 7:5

Lasekufikeni kwethu eMakedoniya kasibanga lakuphumula, kodwa sakhathazeka inxa zonke; ngaphandle kwakukhona ingxabano ezinengi, lasenhliziyweni zethu ukwesaba.

AbaseGalathiya 5:5

Ngoba thina ngaye uMoya silindele ngokukholwa ithemba lokulunga.

Abase-Efesu 1:14

oyisibambiso selifa lethu, size samukeliswe lona, lapho uNkulunkulu esehlengile abantu bakhe, kube ludumo lwakhe lobukhosi bakhe.

Abase-Efesu 4:30

Lingamdabukisi uMoya oNgcwele kaNkulunkulu elabekwa uphawu ngaye kuze kube lusuku lokuhlengwa.

Abase-Efesu 5:9

ngoba izithelo zokukhanya zikukho konke okulungileyo lokuhle lokuliqiniso.

2 uTimothi 4:8

Sengibekelwe umqhele wokulunga ezakunginika wona ngalolosuku iNkosi, umthonisisi olungileyo, kungesimi ngedwa ozakuwunikwa, kodwa bonke labo abathanda ukubonakala kwayo.

UThithu 2:13

silindele ithemba elibusisiweyo lokubonakala kwenkazimulo kaNkulunkulu wethu omkhulu loMsilisi wethu uJesu Kristu.

AmaHebheru 9:28

ngokunjalo loKristu, esenikelwe kanye ukuba athwale izono zabanengi uzakubonakala ngokwesibili, engasaqondani lesono, kodwa ukuba asilise labo abamlindeleyo.

1 UPhethro 1:7

ukuze ubuqotho bokukholwa kwenu, okuligugu okwedlula igolide eligugayo loba lihlolwe ngomlilo, bulethe ukubonga lobukhosi lodumo ekwambulweni kukaJesu Kristu.

1 UJohane 3:2

Bathandekayo, khathesi singabantwana bakaNkulunkulu; kakukabonakali esizakuba yikho, kodwa siyazi ukuthi, nxa esefikile, sizakuba njengaye, ngoba sizakumbona njengoba enjalo.