AbaseRoma 7:7 - iBhayibhili Elingcwele 1978

⁷ Phoke, sizakuthini na? Umlayo uyisono na? Phinde! Kodwa bengingayikusazi isono uba bekungekho umlayo. Bengingayikuwazi umhawu uba umlayo ubungatshongo ukuthi: Ungabi lamhawu.

IBhayibhili Elingcwele LesiNdebele

⁷ Ngakho sizakuthini na? Umthetho uyisono na? Ngempela kawusiso! Ngeqiniso mina ngangingasoze ngazi ukuthi isono siyini kungesiwo umthetho. Ngoba ngangingayikwazi ukuthi ukuhawukela ngempela kuyini aluba umthetho ungatshongo ukuthi, “Ungahawukeli.”

AbaseRoma 7:7 ပူးပေါင်းရင်းမြစ်များ

UGenesisi 3:6

Ngakhoke lapho owesifazana ebona ukuthi isihlahla silungele ukudliwa lokuthi siyabukeka emehlweni, lokuthi isihlahla sikhwabithisa ukuhlakanipha, wakha izithelo zaso, wazidla; wanika lendoda yakhe, layo yadla.

2 USamuyeli 11:2

Kwathi ngolunye usuku kusihlwa uDavida wavuka embhedeni wakhe, wahambahamba phezu kophahla lwendlu yenkosi, wabona esophahleni owesifazana egeza; wayemuhle kakhulu, ebukeka.

AmaHubo 119:96

Ngiyazi ukuthi zonke izinto zilokuphela, kodwa umlayo wakho kawulamkhawulo.

U-Eksodasi 20:17

Ungabi lamhawu ngendlu kamakhelwana wakho, lomkakhe, lenceku yakhe, lencekukazi yakhe, lenkabi yakhe, lobabhemi wakhe, langolunye ulutho lwakhe.

UMikha 2:2

Bahawukela amasimu, bawathathe ngodlakela, lezindlu bayazithatha; bathathela umuntu umuzi wakhe, bamthathele lelifa lakhe.

UMatewu 5:28

Kodwa mina ngithi kini: Ilowo lalowo okhangela owesifazana amkhanuke, usefebile laye enhliziyweni yakhe.

ULukha 12:15

Wasesithi kibo: Xwayani, liqaphele ubuhwaba bonke, ngoba ukusila komuntu kakuyi ngobunengi bempahla yakhe.

ULukha 20:16

Uzakuza, ababhubhise labobalimi, anikele isivini kwabanye. Bekuzwa lokhu bathi: Phinde!

Imisebenzi 20:33

Kangihawukelanga isiliva legolide lezambatho zamuntu;

AbaseRoma 13:9

Ngoba limithetho ethi: Ungafebi, ungabulali, ungebi, ungabi lamhawu; loba kukhona omunye umlayo, yonke ihlanganiswa kulelilizwi elithi: Wothanda umakhelwana wakho njengalokhu uzithanda wena.

AbaseRoma 3:20

Ngoba ngemisebenzi yomlayo kakho ozakulungisiswa phambi kwakhe, lokhu ngomlayo kuvela ukwazi isono kuphela.

AbaseRoma 3:5

Kodwa uba ukungalungi kwethu kubonakalisa ukulunga kukaNkulunkulu, sizakuthini na? UNkulunkulu kalunganga yini ngokwehlisela ulaka phezu kwethu na? Ngikhulumisa okomuntu.

AbaseRoma 4:1

Phoke, sizakuthini ngoAbrahama ukhokho wethu ngokwenyama na?

AbaseRoma 4:15

Ngoba umlayo uletha ulaka; kodwa lapho kungekho khona umlayo, kakukho lakweqa.

AbaseRoma 5:20

Umlayo waba khona ukuba isiphambeko sande; kodwa lapho kwanda isono khona, umusa wanda kakhulukazi,

AbaseRoma 6:15

Phoke? Sizakona ngoba singekho ngaphansi komlayo kodwa singaphansi komusa na? Phinde!

AbaseRoma 7:11

ngoba isono sathola ithuba ngomthetho, sangikhohlisa, sangibulala ngawo.

AbaseRoma 7:13

Pho, okuhle kwaletha ukufa kimi na? Phinde! Kodwa isono, ukuba sibonakaliswe ukuthi siyisono, singibangele ukufa ngakho okuhle, ukuze isono ngawo umlayo sibe yisono esikhulu.

AbaseRoma 7:5

Kwathi sisaphila ngokwabantu, inkanuko zethu ezimbi ezavuswa ngomlayo zasebenza ezithweni zethu ukuthelela ukufa izithelo.

AbaseRoma 7:8

Kodwa isono sathola ithuba ngomthetho, sasebenza kimi umhawu wonke. Ngaphandle komlayo isono sifile.

1 AbaseKhorinte 15:56

Udonsi lokufa yisono; lamandla esono ngumlayo.

Abase-Efesu 5:3

Kodwa ubufebe, lakho konke ukungcola, lomhawu, kakungaphathwa lakanye phakathi kwenu, njengokuba kufanele abangcwele.

UDutheronomi 5:21

Ungahawukeli umfazi kamakhelwane; ungafisi indlu kamakhelwane lensimu yakhe lenceku yakhe lencekukazi yakhe lenkabi yakhe lobabhemi wakhe lokunye okwakhe.

AbaseKholose 3:5

Ngakhoke bulalani inkanuko zenu zasemhlabeni, ukuphinga lokungcola, inkanuko ezimbi, ukufisa okubi, lomhawu oyikukhonza izithombe.

1 AbaseThesalonika 4:5

Lingabuswa yinkanuko njengabangakholwayo abangamaziyo uNkulunkulu;

AmaHebheru 7:19

ngoba umlayo kawuzanga wenze ulutho luphelele; sekungeniswa ithemba elingcono, esisondela ngalo kuNkulunkulu.

UJoshuwa 7:21

kwathi ngibona phakathi kwempango ingubo yaseBabiloni enhle, lamashekeli esiliva angamakhulu amabili, lomgqala wegolide ubunzima bawo bungamashekeli angamatshumi amahlanu, ngakuhawukela, ngakuthatha; ngikuthukuzile phansi ethenteni lami, lesiliva singaphansi.