AbaseRoma 7:5 - iBhayibhili Elingcwele 1978

⁵ Kwathi sisaphila ngokwabantu, inkanuko zethu ezimbi ezavuswa ngomlayo zasebenza ezithweni zethu ukuthelela ukufa izithelo.

IBhayibhili Elingcwele LesiNdebele

⁵ Ngoba sisabuswa yimvelo elesono, izinkanuko zesono ezavuswa ngumthetho zazisebenza emzimbeni yethu, okwenza sathelela ukufa izithelo.

AbaseRoma 7:5 ပူးပေါင်းရင်းမြစ်များ

UMatewu 15:19

Ngoba enhliziyweni kuvela imicabango emibi, lokubulala, lobufebe, lokuphinga, lokweba, lokufakaza amanga, lokunyeya.

UJohane 3:6

Lokho okuzelwe yinyama kuyinyama; lalokho okuzelwe nguMoya kungumoya.

AbaseRoma 1:26

Ngenxa yalokho uNkulunkulu wabayekela enkanukweni ezimbi. Abesifazana babo baphendula ukwenza kwemvelo kwaba ngokuphambene lemvelo.

AbaseRoma 3:20

Ngoba ngemisebenzi yomlayo kakho ozakulungisiswa phambi kwakhe, lokhu ngomlayo kuvela ukwazi isono kuphela.

AbaseRoma 4:15

Ngoba umlayo uletha ulaka; kodwa lapho kungekho khona umlayo, kakukho lakweqa.

AbaseRoma 5:20

Umlayo waba khona ukuba isiphambeko sande; kodwa lapho kwanda isono khona, umusa wanda kakhulukazi,

AbaseRoma 6:13

Linganikeli izitho zenu esonweni, zibe yizikhali zokungalungi; kodwa zinikeleni lina kuNkulunkulu njengabavusiweyo kwabafileyo abaphilayo, linikele izitho zenu kuNkulunkulu zibe yizikhali zokulunga;

AbaseRoma 6:19

Ngikhulumisa okwabantu ngenxa yobuthakathaka benu. Ngoba njengalokho lanikela izitho zenu ukuba zikhonze amanyala lobubi, kube khona ububi obukhulu, ngokunjaloke zinikeleni izitho zenu khathesi ukuba zikhonze ukulunga, kube khona ubungcwele.

AbaseRoma 6:21

Lazuza umvuzo bani na? Kalizuzanga lutho, kuphela lokho osekulithelela inhloni; ngoba ukucina kwakho kuyikufa.

AbaseRoma 6:23

Ngoba inkokhelo yesono iyikufa, kodwa isiphiwo somusa sikaNkulunkulu siyikuphila okungapheliyo kuKristu Jesu iNkosi yethu.

AbaseRoma 7:23

kodwa ngibona ezithweni zami omunye umlayo olwayo lomlayo wengqondo yami, ungithumbela emlayweni wesono osezithweni zami.

1 AbaseKhorinte 15:56

Udonsi lokufa yisono; lamandla esono ngumlayo.

2 AbaseKhorinte 10:3

Ngoba lanxa sikhona emhlabeni kasilwi impi yasemhlabeni;

AbaseGalathiya 3:10

Kodwa bonke abathemba imisebenzi yomlayo baqalekisiwe; ngoba kulotshiwe ukuthi: Baqalekisiwe bonke abangemi njalo kukho konke okulotshiweyo encwadini yomlayo ukuba bakwenze.

AbaseGalathiya 5:24

AbakaKristu Jesu babethele umzimba kanye lokuhugeka lezinkanuko zawo.

Abase-Efesu 2:11

Ngakhoke khumbulani ukuthi kwake kwaba khona isikhathi lapho elalingabezizwe, elalibizwa yilabo abasokileyo ngokuthi lingabangasokanga, ukusoka okwenziwa ngezandla emzimbeni.

Abase-Efesu 2:3

Thina sonke sake sahlala phakathi kwabo enkanukweni yomzimba, silandela izifiso zomzimba lenhliziyo; ngakhoke ngokwemvelo sasingabantwana bolaka njengabanye bonke.

AbaseKholose 3:5

Ngakhoke bulalani inkanuko zenu zasemhlabeni, ukuphinga lokungcola, inkanuko ezimbi, ukufisa okubi, lomhawu oyikukhonza izithombe.

UThithu 3:3

Ngoba lathi kade sasiyiziphukuphuku, singalaleli, sikhohliswa, sifuywe yizinkanuko lokuzithokozisa okunenginengi, sihlezi ebubini langomhawu, sizondeka ebantwini bonke, sizondana.

UJakhobe 1:15

kuthi lapho inkanuko isiyomule, ibelethe isono; lesono lapho sesikhulile, sizala ukufa.

UJakhobe 4:1

Kuvelaphi ukulwa lokuxabana phakathi kwenu na? Kakuveli ezinkanukweni zenu ezilwayo ezithweni zenu na?

1 UJohane 3:4

Ilowo lalowo owenza isono weqa umlayo; isono siyikweqa umlayo.