AbaseRoma 6:6 - iBhayibhili Elingcwele 1978

⁶ Siyazi ukuthi umuntu wethu omdala wabethelwa kanye laye ukuba umzimba wesono ubhujiswe, ukuze singabi yizigqili zesono,

IBhayibhili Elingcwele LesiNdebele

⁶ Ngoba siyakwazi ukuthi ubuntu bethu obudala babethelwa laye ukuze umzimba wesono ulahlwe, khona singezukuba yizigqili zesono futhi,

AbaseRoma 6:6 ပူးပေါင်းရင်းမြစ်များ

2 AmaKhosi 5:17

UNamani wasesithi: Uba kungenjalo, akungivumele ukuba ngithathe umhlabathi olingana lemithwalo emibili yembongolo. Ngoba angisayikunikela iminikelo yokutshiswa lemihlatshelo komunye unkulunkulu kuphela eNkosini uNkulunkulu.

U-Isaya 26:13

Nkosi Nkulunkulu wethu, amanye amakhosi ngaphandle kwakho ake asibusa, kodwa libizo lakho kuphela esilidumisayo.

AbaseRoma 6:12

Ngakhoke kasingabusi isono emizimbeni yenu efayo, lize lilalele izinkanuko zawo.

AbaseRoma 6:22

Kodwa khathesi, njengoba selikhululiwe esonweni laba ngabakhonzayo uNkulunkulu, lizuza umvuzo oletha ubungcwele, lasekucineni ukuphila okungapheliyo.

AbaseRoma 7:14

Siyazi ukuthi umlayo ungowomoya; kanti mina ngingowenyama, ngithengisiwe njengesigqili esonweni.

AbaseRoma 8:13

Ngoba uba lihamba ngokwabantu, lizakufa; kodwa uba libulala imisebenzi yomzimba ngoMoya, lizakuphila.

2 AbaseKhorinte 5:14

Ngoba uthando lukaKristu luyasiqhubezela, sibona lokhu ukuthi munye owafela bonke; ngakhoke bonke sebafa.

AbaseGalathiya 2:20

Ngibethelwe kanye loKristu; kakuseyimi ophilayo, kodwa uKristu uphila kimi; ukuphila engikuphila khathesi ngikuphila ngokukholwa iNdodana kaNkulunkulu eyangithandayo, yazinikela ngenxa yami.

AbaseGalathiya 5:24

AbakaKristu Jesu babethele umzimba kanye lokuhugeka lezinkanuko zawo.

AbaseGalathiya 6:14

Kodwa kimi kakungabi khona lakanye ukuzincoma, kuphela ngesiphambano seNkosi yethu uJesu Kristu, okubethelwe ngaso umhlaba kimi, lami kuwo umhlaba.

Abase-Efesu 4:22

ukuba lilahle isimo esidala esokonakeleyo ngezinkanuko zenkohliso, esingesokuhamba kwenu kokuqala,

AbaseKholose 3:5

Ngakhoke bulalani inkanuko zenu zasemhlabeni, ukuphinga lokungcola, inkanuko ezimbi, ukufisa okubi, lomhawu oyikukhonza izithombe.

UThithu 3:3

Ngoba lathi kade sasiyiziphukuphuku, singalaleli, sikhohliswa, sifuywe yizinkanuko lokuzithokozisa okunenginengi, sihlezi ebubini langomhawu, sizondeka ebantwini bonke, sizondana.