AbaseRoma 6:4 - iBhayibhili Elingcwele 1978

⁴ Ngalokhuke sambelwa laye ngokubhaphathizelwa ekufeni ukuba, njengoba uKristu wavuswa kwabafileyo ngobukhosi bukaYise, ngokunjalo lathi sihambe ekuphileni okutsha.

IBhayibhili Elingcwele LesiNdebele

⁴ Ngakho sangcwatshwa laye ngokubhaphathizelwa ekufeni, ukuze kuthi njengoba uKhristu wavuswa kwabafileyo ngobukhosi bukaYise, lathi siphile ukuphila okutsha.

AbaseRoma 6:4 ပူးပေါင်းရင်းမြစ်များ

UJohane 11:40

UJesu wathi kuye: Kangitshongo yini kuwe ukuthi: Uba ukholwa, uzakubona inkazimulo kaNkulunkulu na?

UJohane 2:11

Lokho ukuqala kwezibonakaliso uJesu wakwenza eKana elaseGalili ebonakalisa ubukhosi bakhe, okwenza abafundi bakhe bakholwa kuye.

Imisebenzi 2:24

yena uNkulunkulu wamvusa esethukulule ubuhlungu bokufa, ngoba kwakungelakwenzeka ukuba abanjwe yikho.

Imisebenzi 2:32

UJesu lo, uNkulunkulu wamvusa, singofakazi balokhu thina sonke.

AbaseRoma 6:19

Ngikhulumisa okwabantu ngenxa yobuthakathaka benu. Ngoba njengalokho lanikela izitho zenu ukuba zikhonze amanyala lobubi, kube khona ububi obukhulu, ngokunjaloke zinikeleni izitho zenu khathesi ukuba zikhonze ukulunga, kube khona ubungcwele.

AbaseRoma 6:3

Kalazi yini ukuthi, thina esabhaphathizelwa kuKristu Jesu, sabhaphathizelwa ekufeni kwakhe na?

AbaseRoma 6:8

Kodwa uba sifile kanye loKristu, siyakholwa ukuthi sizakuphila futhi kanye laye.

AbaseRoma 6:9

Siyazi ukuthi uKristu, esevusiwe kwabafileyo, kasoze afe futhi; ngoba ukufa kungebe kusabusa phezu kwakhe.

AbaseRoma 7:6

Kodwa khathesi sesikhululiwe emlayweni, sifile mayelana lalokho esasibanjiwe yikho, ukuba sikhonze uNkulunkulu ekuphileni okutsha kukaMoya, singakhonzi ngokudala okulotshiweyo.

AbaseRoma 8:11

Uba uMoya walowo owavusa uJesu kwabafileyo ehlala kini, yena owavusa uKristu Jesu kwabafileyo uzakuphilisa lemizimba yenu efayo ngoMoya wakhe ohlala kini.

1 AbaseKhorinte 6:14

UNkulunkulu owavusa iNkosi, uzakusivusa lathi ngamandla akhe.

2 AbaseKhorinte 13:4

Ngoba lanxa ebuthakathakeni wabethelwa, kanti uyaphila ngamandla kaNkulunkulu. Lathi sibuthakathaka kuye, kodwa ekuliphatheni kwethu sizakuphila kanye laye ngamandla kaNkulunkulu.

2 AbaseKhorinte 5:17

Uba umuntu ekuKristu, usedalwa kutsha; okudala sekudlule; khangela, sekuvele okutsha.

Abase-Efesu 4:17

Ngakhoke ngiyaqinisa, ngifakaza lokhu eNkosini, ngithi lingabe lisahamba ngokuhamba kwabezizwe ebuzeni bengqondo yabo.

Abase-Efesu 5:8

Ngoba lalingumnyama, kodwa khathesi liyikukhanya eNkosini. Hambani njengabantwana bokukhanya,

AbaseKholose 3:10

selambethe omutsha owenziwa kutsha ekwazini ukuze afuze lowo owamenzayo.

AbaseKholose 4:1

Makhosi, yenzelani izigqili zenu okulungileyo lokufaneleyo, lazi ukuthi lani lileNkosi ezulwini.

1 UPhethro 3:21

Lawomanzi angumfanekiso wobhaphathizo elisiliswa ngalo lina khathesi. Ukubhaphathizwa kakusikho ukugezisa ingcekeza yomzimba, kodwa kuyikucela kuNkulunkulu isazela esihle ngokuvuka kukaJesu Kristu,

1 UJohane 2:6

lowo othi uhlala kuye, ufanele yena ahambe njengalokhu ahamba uKristu.