AbaseRoma 6:16 - iBhayibhili Elingcwele 1978

¹⁶ Kalazi yini ukuthi lowo elizinikela kuye ukuba libe yizigqili zokumlalela, liyizigqili zakhe elimlalelayo, loba ezesono okusa ekufeni, loba ezokulalela okuletha ukulunga na?

IBhayibhili Elingcwele LesiNdebele

¹⁶ Kalazi yini ukuthi nxa lizinikela komunye umuntu ukuba njengezigqili ezilaleyo, liyizigqili kulowo elimlalelayo, langabe liyizigqili zesono, okuholela ekufeni, loba ezokulalela, okuholela ekulungeni na?

AbaseRoma 6:16 ပူးပေါင်းရင်းမြစ်များ

UGenesisi 4:7

Angithi uba usenza kuhle, uzakwamukeleka na? Kodwa uba ungenzi kuhle, isono siyakucathamela ngasemnyango sikunxwanele, kodwa umele ukusibusa.

UMatewu 20:4

lakubo wathi: Yanini lani esivinini; lokho okufaneleyo ngizakulinika khona.

UMatewu 6:24

Kakho ongakhonza amakhosi amabili. Ngoba uzakuzonda enye athande enye, ingabe uzakubambelela kwenye adelele enye. Lingekhonze uNkulunkulu lenotho.

UJohane 8:34

UJesu wabaphendula wathi: Ngiqinisile, ngiqinisile ngithi kini: Ilowo lalowo owenza isono uyisigqili sesono.

AbaseRoma 11:2

UNkulunkulu kabalahlanga abantu bakhe abazi ngaphambili. Kalazi yini ukuthi umbhalo uthini ngoElija ukuba esola uIsrayeli kuNkulunkulu,

AbaseRoma 12:1

Ngakhoke, bazalwane, ngiyalincenga ukuba, ngesihawu sikaNkulunkulu, linikele imizimba yenu ibe ngumnikelo ophilileyo, ongcwele, owamukelekayo kuNkulunkulu, kube yikukhonza kwenu okuqotho.

AbaseRoma 6:17

Kodwa kabongwe uNkulunkulu ngokuthi lina elake laba yizigqili zesono, selilalela ngenhliziyo indlela yesifundiso elanikelwa kuyo,

1 AbaseKhorinte 3:16

Kalazi yini ukuthi lina lilithempeli likaNkulunkulu, lokuthi uMoya kaNkulunkulu uhlala kini na?

1 AbaseKhorinte 5:6

Kakukuhle ukuzincoma kwenu. Kalazi yini ukuthi imvubelo encinyane ibilisa inhlama yonke na?

1 AbaseKhorinte 6:2

Kalazi yini ukuthi abangcwele bazakuthonisisa umhlaba na? Uba umhlaba uzakuthonisiswa yini, kalifanele ukuthonisa amacala amancinyane na?

1 AbaseKhorinte 6:3

Kalazi yini ukuthi thina sizakuthonisisa izithunywa na? Pho, kungalahlula kanjani ukuthonisa izindaba zalokhukusila na?

1 AbaseKhorinte 6:9

Kalazi yini ukuba abangalunganga kabayikulidla ilifa lombuso kaNkulunkulu na? Lingakhohliswa; iziphingi, labakhonza izithombe, lezifebe, labesilisa abalalanayo,

1 AbaseKhorinte 9:13

Kalazi yini ukuthi labo abasebenza ethempelini badla okwethempelini, lalabo abakhonza ealtareni bahlanganyela lealtare na?

1 AbaseKhorinte 9:24

Kalazi yini ukuthi bonke abagijima ngokuncintisana bagijima bonke, kodwa munye owamukela umvuzo. Ngakhoke gijimani ngokunjalo, ukuze lamukele umvuzo.

UJoshuwa 24:15

Uba lingafuni ukuyikhonza iNkosi, khethani lamhla lowo elizamkhonza, onkulunkulu abakhonzwa ngokhokho benu elizweni elingaphetsheya komfula iYufrathi, loba onkulunkulu bamaAmori elihlala elizweni lawo. Mina lendlu yami sizayikhonza iNkosi.

2 UPhethro 2:19

bebathembisa inkululeko, kanti bona uqobo bayizigqili zokubola; ngoba lokho umuntu ahlulwa yikho uyisigqili sakho.