AbaseRoma 6:12 - iBhayibhili Elingcwele 1978

¹² Ngakhoke kasingabusi isono emizimbeni yenu efayo, lize lilalele izinkanuko zawo.

IBhayibhili Elingcwele LesiNdebele

¹² Ngakho lingavumeli isono ukuba sibuse imizimba yenu efayo ukuba livumele izinkanuko zaso ezimbi.

AbaseRoma 6:12 ပူးပေါင်းရင်းမြစ်များ

UGenesisi 4:7

Angithi uba usenza kuhle, uzakwamukeleka na? Kodwa uba ungenzi kuhle, isono siyakucathamela ngasemnyango sikunxwanele, kodwa umele ukusibusa.

AmaHubo 119:133

Qinisa izinyathelo zami ngokwelizwi lakho, kabungabusi phezu kwami ububi.

AmaHubo 19:13

Ilondoloze inceku yakho lasezonweni zangabomu; kazingabusi phezu kwami. Ng’khona ngizakuba ngopheleleyo, ngingabi lacala eziphambekweni ezinkulu.

ULevi 13:40

Uba inwele zekhanda lomuntu seziphelile, ulempabanga, kodwa uhlambulukile.

AmaNani 33:55

Uba lingaxotshi abakhileyo elizweni phambi kwenu, labo elibavumela ukusala bazakuba njengendonsi emehlweni enu lanjengameva ezihlangothini zenu, balihluphe elizweni elihlala kilo.

AbaseRoma 13:14

Kodwa yambathani iNkosi uJesu Kristu; lingananzeleli ngokusuthisa inkanuko zomzimba.

AbaseRoma 2:8

kodwa abalenkani bengalaleli iqiniso, belalela ukungalungi, bazakuzwa intukuthelo lolaka.

AbaseRoma 5:21

ukuze, njengoba isono sabusa ngokufa, ngokunjalo umusa ubuse ngokulunga, kube khona ukuphila okungapheliyo ngoJesu Kristu iNkosi yethu.

AbaseRoma 6:14

isono kasiyikubusa phezu kwenu ngoba kalingaphansi komlayo, kodwa lingaphansi komusa.

AbaseRoma 6:16

Kalazi yini ukuthi lowo elizinikela kuye ukuba libe yizigqili zokumlalela, liyizigqili zakhe elimlalelayo, loba ezesono okusa ekufeni, loba ezokulalela okuletha ukulunga na?

AbaseRoma 8:11

Uba uMoya walowo owavusa uJesu kwabafileyo ehlala kini, yena owavusa uKristu Jesu kwabafileyo uzakuphilisa lemizimba yenu efayo ngoMoya wakhe ohlala kini.

AbaseRoma 8:13

Ngoba uba lihamba ngokwabantu, lizakufa; kodwa uba libulala imisebenzi yomzimba ngoMoya, lizakuphila.

2 AbaseKhorinte 4:11

Ngoba nxa sisaphila sinikelwa njalonjalo ekufeni ngenxa kaJesu, ukuze ukuphila kukaJesu kubonakaliswe emizimbeni yethu efayo.

2 AbaseKhorinte 5:4

Ngoba nxa sisekhona kulelidumba siyabubula, siyasindwa, ngoba kasifisi ukwambulwa kodwa ukwambathiswa, ukuze lokho okubhubhayo kuginywe yikuphila.

AbaseGalathiya 5:16

Ngithi: Hambani ngoMoya lingakholisi inkanuko zomzimba.

AbaseGalathiya 5:24

AbakaKristu Jesu babethele umzimba kanye lokuhugeka lezinkanuko zawo.

Abase-Efesu 2:3

Thina sonke sake sahlala phakathi kwabo enkanukweni yomzimba, silandela izifiso zomzimba lenhliziyo; ngakhoke ngokwemvelo sasingabantwana bolaka njengabanye bonke.

Abase-Efesu 4:22

ukuba lilahle isimo esidala esokonakeleyo ngezinkanuko zenkohliso, esingesokuhamba kwenu kokuqala,

UDutheronomi 7:2

lalapho iNkosi uNkulunkulu wakho izinikela zona kuwe ukuba uzinqobe, uziqede nya. Ungenzi isivumelwano lazo, ungabi lasihawu kuzo.

1 AbaseThesalonika 4:5

Lingabuswa yinkanuko njengabangakholwayo abangamaziyo uNkulunkulu;

2 uTimothi 2:22

Ngakho xwaya inkanuko zobutsha, ulandele ukulunga, lokukholwa, lothando, lokuthula kanye labo abakhuleka eNkosini ngenhliziyo emhlophe.

UThithu 2:12

usifundisa ukuba sidele ububi lenkanuko zomhlaba, sihambe ngokuqonda langokulunga langobuqotho kulumhlaba,

UThithu 3:3

Ngoba lathi kade sasiyiziphukuphuku, singalaleli, sikhohliswa, sifuywe yizinkanuko lokuzithokozisa okunenginengi, sihlezi ebubini langomhawu, sizondeka ebantwini bonke, sizondana.

1 UPhethro 1:14

Njengabantwana abalalelayo lingahambi ngokwenkanuko zenu zakuqala zokungazi kwenu,

1 UPhethro 2:11

Bathandekayo, ngiyalincenga lokhu liyizihambi labemzini ukuba lizigcine ezinkanukweni zomzimba ezilwa lomphefumulo wenu;

UJuda 1:16

Laba bangabangungunayo labasolayo, behamba ngenkanuko zabo, bekhuluma amazwi aqatha, bezikhukhumeza, besebenzisa amazwi okulalisa ngolimi ngenxa yenzuzo.

UJuda 1:18

bathi kini: Ngesikhathi sokucina kuzakuba khona abahleka ulunywa, behamba ngenkanuko zabo ezimbi.

Abahluleli 2:3

Khathesike ngithi kangiyikubaxotsha phambi kwenu, kodwa bazakuba yizitha zenu, labonkulunkulu babo babe ngumjibila kini.