AbaseRoma 5:6 - iBhayibhili Elingcwele 1978

⁶ Ngoba sisebuthakathaka, ngesikhathi esifaneleyo uKristu wafela ababi.

IBhayibhili Elingcwele LesiNdebele

⁶ Liyabona, ngesikhathi esifaneleyo, lapho sisesebuthakathaka, uKhristu wafela abangakholwa kuNkulunkulu.

AbaseRoma 5:6 ပူးပေါင်းရင်းမြစ်များ

AmaHubo 1:1

Ubusisiwe umuntu ongahambi ngezeluleko zababi, ongalaleli izeluleko zezoni, ongahlaliyo labaklolodayo;

Izililo 1:6

Bonke ubukhosi buphelile eZiyone. Izikhulu zalo sezinjengezimpala ezingafumani idlelo, zibalekile zingelamandla phambi kwabazixotshayo.

UDanyeli 11:15

Inkosi yasenyakatho ibisifika, yakhe idundulu lokuvimbezela, iwuthathe umuzi obiyelweyo. Impi yaseningizimu izakwehluleka ukulwa kanye lamabutho ayo akhethiweyo, izaswela amandla.

AmaNani 7:15

inkunzi eyodwa, lenqama eyodwa, lewundlu elilomnyaka munye, zibe ngumnikelo wokutshiswa;

AbaseRoma 11:26

andubana uIsrayeli wonke ezakusiliswa, njengokulotshiweyo ukuthi: Kuzakuvela eZiyone uMkhululi, asuse ububi kuJakobe;

AbaseRoma 4:25

owanikelwa ngenxa yeziphambeko zethu, wavuswa ngenxa yokulungisiswa kwethu.

AbaseRoma 4:5

Kodwa nxa engasebenzi, kodwa ethemba kuye olungisisa abeyisa uNkulunkulu, ukukholwa kwakhe kubalelwa ukuba kuyikulunga.

AbaseRoma 5:10

Ngoba uba, lapho siseyizitha, sazuza ukubuyisana loNkulunkulu ngokufa kweNdodana yakhe, ikakhulu, lokhu sesizuze ukubuyisana, sizakusiliswa ngokuphila kwayo.

AbaseRoma 5:7

Ngoba kunzima ukuba umuntu afele olungileyo, kodwa mhlawumbe kungaba khona olesibindi sokufela omuhle.

AbaseRoma 5:8

Kodwa uNkulunkulu uqinisa uthando lwakhe kithi ngalokhu ukuthi uKristu wasifela siseyizoni.

AbaseRoma 8:32

Yena ongayigodlanga eyakhe iNdodana, kodwa wayinikelela thina sonke, angehluleka kanjani ukusinika konke kanye layo na?

AbaseRoma 8:34

ngubani obalahlayo? NguKristu Jesu owafayo, owavuswa kwabafileyo, ongakwesokunene sikaNkulunkulu losikhulekelayo.

AbaseGalathiya 2:20

Ngibethelwe kanye loKristu; kakuseyimi ophilayo, kodwa uKristu uphila kimi; ukuphila engikuphila khathesi ngikuphila ngokukholwa iNdodana kaNkulunkulu eyangithandayo, yazinikela ngenxa yami.

AbaseGalathiya 4:4

Kodwa kwathi isikhathi sesiphelele, uNkulunkulu wathumela iNdodana yakhe, yazalwa ngowesifazana, yazalelwa ngaphansi komlayo,

Abase-Efesu 5:2

lihambe ngothando, njengalokhu uKristu wasithanda, wazinikela ngenxa yethu, abe ngumnikelo lomhlatshelo olephunga elimnandi kuNkulunkulu.

AbaseKholose 2:13

Lanike, lanxa belifile ngeziphambeko langokungasoki kwenyama yenu, uNkulunkulu ulenze laba ngabaphilayo kanye loKristu. Usithethelele iziphambeko zethu zonke;

1 AbaseThesalonika 5:9

Ngoba uNkulunkulu kasimiselanga ulaka, kodwa usimisele ukuba sizuze ukusiliswa ngeNkosi yethu uJesu Kristu,

1 uTimothi 1:9

esazi lokhu ukuthi umlayo kawubekelwa olungileyo, kodwa ubekelwa abangelamlayo labangalaleliyo, labeyisa uNkulunkulu labayizoni, abangakholwayo labahlambazayo, ababulala oyise labonina, lababulala abantu,

UThithu 2:12

usifundisa ukuba sidele ububi lenkanuko zomhlaba, sihambe ngokuqonda langokulunga langobuqotho kulumhlaba,

AmaHebheru 8:3

Yilowo lalowo umpristi omkhulu umiselwe ukunikela ngeminikelo lemihlatshelo; ngakhoke kuyadingeka ukuba laye lumpristi abe lakho okuthile kokunikela.

AmaHebheru 9:26

uba kwakunjalo wayemele ukuhlupheka kanengi selokhu kwadatshulwa umhlaba. Kodwa ubonakaliswe kanye ekupheleni kwesikhathi ukuba asuse izono ngokuzinikela kwakhe.

1 UPhethro 1:20

Wamiswa ngaphambili umhlaba ungakabi khona, kodwa wabonakaliswa esikhathini sokucina ngenxa yenu;

2 UPhethro 3:7

Izulu lomhlaba okukhona khathesi kubekelwe umlilo ngalona lelolizwi, kulindele usuku lokulahlwa lokubhujiswa kwabantu abeyisa uNkulunkulu.

UJuda 1:15

ukuthonisisa bonke, ibalahle bonke abeyisa uNkulunkulu ngenxa yezenzo zonke zokungamhloniphi abazenzayo, langawo wonke amazwi anzima izoni ezeyisa uNkulunkulu eziwakhuluma ngaye.

UJuda 1:18

bathi kini: Ngesikhathi sokucina kuzakuba khona abahleka ulunywa, behamba ngenkanuko zabo ezimbi.

UJuda 1:4

Ngoba sekungenile ngokunyenya abantu abathile abamiselwa lokhukulahlwa kudala, abantu abeyisa uNkulunkulu, abaphendula umusa kaNkulunkulu wethu ube ngamanyala, bephika uMbusi oyedwa leNkosi yethu uJesu Kristu.