AbaseRoma 5:17 - iBhayibhili Elingcwele 1978

¹⁷ Ngoba uba ngesiphambeko samuntu munye ukufa kwabusa ngalowo emunye, ikakhulu bona, abamukela ubunengi bomusa lobunengi besiphiwo sakhe sokulunga, bazakubusa ekuphileni ngalowo emunye, uJesu Kristu.

IBhayibhili Elingcwele LesiNdebele

¹⁷ Ngoba nxa ngesiphambeko salowomuntu oyedwa, ukufa kwabusa ngalowomuntu oyedwa, labo abamukela umusa omnengi kaNkulunkulu kanye lesipho sokulunga bazabusa kakhulu okungakanani ekuphileni ngalowomuntu oyedwa uJesu Khristu.

AbaseRoma 5:17 ပူးပေါင်းရင်းမြစ်များ

UGenesisi 2:17

kodwa ungadli okwesihlahla sokwazi okulungileyo lokubi, ngoba mhla usidla okwaso uzakufa isibili.

UGenesisi 3:19

Ngesithukuthuku sobuso bakho uzakuzuza ukudla, uze ubuyele emhlabathini owathathwa kuwo; ngoba ungumhlabathi, uzabuyela emhlabathini.

UGenesisi 3:6

Ngakhoke lapho owesifazana ebona ukuthi isihlahla silungele ukudliwa lokuthi siyabukeka emehlweni, lokuthi isihlahla sikhwabithisa ukuhlakanipha, wakha izithelo zaso, wazidla; wanika lendoda yakhe, layo yadla.

U-Isaya 61:10

Ngizathokoza kakhulu ngeNkosi, umphefumulo wami uzajabula ngoNkulunkulu wami; ngoba ingambathise ingubo yokukhululwa, inyangembesa ngengubo yokulunga, njengomyeni ezicecise ngezigqoko zomthimba, lanjengomlobokazi ezicecisa ngamatshe amahle.

UMatewu 25:34

Kung’khonake iNkosi izakuthi kibo abangakwesokunene sayo: Wozani lina elibusisiweyo nguBaba, lidle ilifa lombuso eliwulungiselweyo kusukela ekudatshulweni komhlaba.

UJohane 10:10

Isela liyeza kuphela ukweba lokubulala lokubhubhisa; mina ngizile ukuba babe lokuphila, kugcwale kuphuphume.

AbaseRoma 5:12

Ngakhoke, njengalokhu isono sangena emhlabeni ngamuntu munye, langesono kwangena ukufa, ngokunjalo ukufa kwabehlela abantu bonke, ngoba bonke bonile.

AbaseRoma 5:15

Kodwa isiphiwo somusa kasinjengesiphambeko. Ngoba uba ngesiphambeko samuntu munye, abanengi bafa, ikakhulu kwanda kwabanengi umusa kaNkulunkulu lesiphiwo esivela ngomusa wamuntu munye, uJesu Kristu.

AbaseRoma 5:20

Umlayo waba khona ukuba isiphambeko sande; kodwa lapho kwanda isono khona, umusa wanda kakhulukazi,

AbaseRoma 6:14

isono kasiyikubusa phezu kwenu ngoba kalingaphansi komlayo, kodwa lingaphansi komusa.

AbaseRoma 6:23

Ngoba inkokhelo yesono iyikufa, kodwa isiphiwo somusa sikaNkulunkulu siyikuphila okungapheliyo kuKristu Jesu iNkosi yethu.

AbaseRoma 8:39

lokudepha, lokutshona, lakho konke okudaliweyo okuzakuba lamandla okusahlukanisa lothando lukaNkulunkulu olukuKristu Jesu, iNkosi yethu.

1 AbaseKhorinte 15:49

Futhi njengoba silesimo somuntu ongowomhlabathi, sizakuba lesimo somuntu wasezulwini.

1 AbaseKhorinte 4:8

Hiya belo! Selisuthi, selinothile, selibusile ngaphandle kwethu; yeboke, kungathi ngabe liyabusa, ukuze lathi sibuse kanye lani!

AbaseFiliphi 3:9

ngifunyanwe kuye, ngingelakho ukulunga okungokwami okungomlayo, kodwa ngilalokho okungokukholwa kuKristu, ngitsho ukulunga okuvela kuNkulunkulu okungokukholwa;

1 uTimothi 1:14

lomusa weNkosi wanda kakhulu kimi kanye lokukholwa lothando olukuKristu Jesu.

2 uTimothi 2:12

uba sabekezela, sizakubusa kanye laye; uba simphika, laye uzakusiphika;

UJakhobe 2:5

Zwanini, bazalwane bami abathandekayo; uNkulunkulu kabakhethanga yini abayanga emhlabeni ukuba babe ngabanothileyo ngokukholwa lezindlalifa zombuso awuthembisayo kulabo abamthandayo na?

1 UPhethro 2:9

Kodwa lina liluhlanga olukhethiweyo, ubupristi bobukhosi, lesizwe esingcwele, abantu abamisiweyo babe ngabakaNkulunkulu, ukuze litshumayele izenzo ezimangalisayo zalowo owalikhupha emnyameni, walisa ekukhanyeni kwakhe okumangalisayo.

Isambulo 1:6

lowasenza saba ngumbuso labapristi kuNkulunkulu uYise, kakube kuye ubukhosi lamandla kuze kube nininini. Ameni.

Isambulo 20:4

Ngasengibona izihlalo zobukhosi; bahlala kuzo abanikwa ukuthonisisa. Ngabona futhi imiphefumulo yalabo ababequnywe amakhanda ngenxa yokufakazela uJesu langenxa yelizwi likaNkulunkulu, ababengasikhonzanga isilo loba umfanekiso waso, bengabekwanga uphawu lwaso emabunzini abo loba ezandleni zabo; bavuka, babusa kanye loKristu iminyaka eyinkulungwane.

Isambulo 20:6

Ubusisiwe, ungcwele olesabelo ekuvukeni kokuqala; phezu kwabanjalo ukufa kwesibili kakulamandla, kodwa bazakuba ngabapristi bakaNkulunkulu labakaKristu, bazakubusa kanye laye iminyaka eyinkulungwane.

Isambulo 22:5

Ubusuku kabusayikuba khona; kazidingi ukukhanya kwesibane loba okwelanga, ngoba iNkosi uNkulunkulu izakuba yikukhanya kwazo; zizakubusa kuze kube nini lanini.

Isambulo 3:21

Onqobayo ngizakumnika ukuba ahlale lami esihlalweni sami sobukhosi, njengalokhu lami nganqoba, ngahlala loBaba esihlalweni sakhe sobukhosi.