AbaseRoma 5:11 - iBhayibhili Elingcwele 1978

¹¹ Kakusikho lokhu kuphela, kodwa sizincoma futhi ngoNkulunkulu ngeNkosi yethu uJesu Kristu, esesamukelisiwe ngaye ukubuyisana.

IBhayibhili Elingcwele LesiNdebele

¹¹ Lokhu akunjalo nje kuphela, kodwa siyathokoza njalo kuNkulunkulu ngeNkosi yethu uJesu Khristu, khathesi esesithole ngaye ukubuyisana.

AbaseRoma 5:11 ပူးပေါင်းရင်းမြစ်များ

AmaHubo 104:34

Ukunakana kwami kakumthokozise, ngoba ngiyathokoza ngayo iNkosi.

AmaHubo 149:2

UIsrayeli kathokoze ngoMenzi wakhe, lamadodana aseZiyone athabe eNkosini yawo.

AmaHubo 32:11

Jabulani eNkosini, lithabe, lina abalungileyo; memezani, lithabe, lina lonke abaqotho enhliziyweni.

AmaHubo 43:4

Ng’khona ngizakuya ealtareni likaNkulunkulu, kuNkulunkulu wenjabulo yami enkulu; ngizakukudumisa ngechacho, Nkulunkulu, Nkulunkulu wami.

U-Isaya 61:10

Ngizathokoza kakhulu ngeNkosi, umphefumulo wami uzajabula ngoNkulunkulu wami; ngoba ingambathise ingubo yokukhululwa, inyangembesa ngengubo yokulunga, njengomyeni ezicecise ngezigqoko zomthimba, lanjengomlobokazi ezicecisa ngamatshe amahle.

ULukha 1:46

UMariya wasesithi: Umphefumulo wami uyayidumisa iNkosi,

UJohane 1:12

Kodwa bonke abamamukelayo wabapha amandla okuba ngabantwana bakaNkulunkulu, labo abakholwa ebizweni lakhe,

AbaseRoma 11:15

Ngoba uba ukulahlwa kwabo kuyikubuyiswa komhlaba, ukwamukelwa kwabo kungaba yini na? Kungaba yikuphila kwabafileyo!

AbaseRoma 2:17

Kodwa wenake, uba usithi ungumJuda, uba uthemba umlayo, uzincoma ngoNkulunkulu,

AbaseRoma 5:1

Ngakhoke lokhu sesilungisisiwe ngokukholwa, asibe lokuthula kuNkulunkulu ngeNkosi yethu uJesu Kristu.

AbaseRoma 5:10

Ngoba uba, lapho siseyizitha, sazuza ukubuyisana loNkulunkulu ngokufa kweNdodana yakhe, ikakhulu, lokhu sesizuze ukubuyisana, sizakusiliswa ngokuphila kwayo.

AbaseRoma 5:3

Kakusikho lokhu kuphela; futhi asithokoze langenhlupheko zethu sazi ukuthi ukuhlupheka kuveza ukuphikelela,

AbaseRoma 8:23

Kakusikho okudaliweyo kuphela, kodwa lathi uqobo lwethu esinikwe ingqabutho zikaMoya, siyabubula ngaphakathi kwethu, silindele ukwamukelwa sibe ngabantwana bakaNkulunkulu lokukhululwa kwemizimba yethu.

AbaseRoma 9:10

Kakusikho lokhu kuphela, kodwa kwaba njalo lakuRebeka esekhulelwe abantwana ngandodanye, ukhokho uIsaka;

1 AbaseKhorinte 10:16

Inkezo yesibusiso esiyibusisayo kasiyo eyokuhlanganyela egazini likaKristu na? Isinkwa esisihlephunayo kasiso esokuhlanganyela emzimbeni kaKristu na?

2 AbaseKhorinte 8:19

kungesikho lokhu kuphela, kodwa ukhethiwe futhi yiwo amabandla ukuba asiphelekezele lokusisiza emsebenzini womusa esiwenzela ukuba kudunyiswe iNkosi, lokuba kubonakaliswe ukukhuthala kwethu.

AbaseGalathiya 4:9

kodwa khathesi njengalokhu selimazi uNkulunkulu, kumbe kangithi selisaziwa nguNkulunkulu, libuyelelani empini yemimoya yalumhlaba ebuthakathaka leyize na? Lithanda ukuphinda libe yizigqili zawo na?

AbaseGalathiya 5:22

Kodwa izithelo zikaMoya ziluthando, lokuthokoza, lokuthula, lokubekezela, lobubele, lokulunga, lokuthembeka,

AbaseFiliphi 3:1

Elokucinake, bazalwane, thokozani eNkosini. Ukulilobela futhi ngalezizinto kakungidinisi, kodwa lina kuyalivikela.

AbaseFiliphi 3:3

Ngoba singabokusoka thina esikhonza uNkulunkulu ngoMoya, siziqhenya kuKristu Jesu, singathembeli kokomzimba.

AbaseFiliphi 4:4

Thokozani eNkosini njalonjalo; ngiyaphinda ngithi: Thokozani.

AbaseKholose 2:6

Ngakhoke njengalokho limamukele uKristu Jesu iNkosi, hlalani kuye,

1 UPhethro 1:8

Yena liyamthanda lingambonanga, elithi lakhathesi lingamboni likholwe kuye, lithokoze ngentokozo enkulu engakhulumekiyo,

1 USamuyeli 2:1

UHana wasekhuleka esithi: Inhliziyo yami iyathokoza ngeNkosi, Ngilamandla lesibindi eNkosini. Umlomo wami uyaziklolodela izitha zami, ngoba ngiyajabula ngokukhulula kwakho.