AbaseRoma 4:20 - iBhayibhili Elingcwele 1978

²⁰ Kabanga lakuthandabuza ngesithembiso sikaNkulunkulu, kodwa waqina ekukholweni enika uNkulunkulu udumo,

IBhayibhili Elingcwele LesiNdebele

²⁰ Waqiniswa ekukholweni kwakhe, wapha udumo kuNkulunkulu,

AbaseRoma 4:20 ပူးပေါင်းရင်းမြစ်များ

UGenesisi 15:6

Wakholwa iNkosi. Yambalela lokhu ukuthi kuyikulunga kwakhe.

2 AmaKhosi 7:19

induna yamphendula umuntu kaNkulunkulu yathi: Uba iNkosi uNkulunkulu uqobo ingavula amawindi phezulu, kungenzeka lokhu na? Kodwa yena wathi: Uzakukubona ngawakho amehlo, kodwa kawuyikudla lutho lwakho.

2 AmaKhosi 7:2

Induna inkosi eyayibambelele engalweni yayo yathi emuntwini kaNkulunkulu: Uba iNkosi uNkulunkulu uqobo ingavula amawindi phezulu, kungenzeka lokhu na? Kodwa yena wathi: Uzakukubona ngawakho amehlo, kodwa kawuyikudla lutho lwakho.

U-Isaya 35:4

Tshonini kwabalenhliziyo ezesabayo lithi: Qinani, lingesabi. Khangelani, uNkulunkulu wenu uyeza ngokuphindisela, nguye ozakulikhulula.

U-Isaya 7:9

lanxa umuzi omkhulu wakoEfrayimi uyiSamariya, lendodana kaRemaliya iyinkosi yaseSamariya. Uba lingakholwa, isibili kaliyikuma.

UDanyeli 10:19

Wasesithi: Wena muntu othandekayo kakhulu, ungesabi; ukuthula kakube kuwe, qina ume isibindi. Kwathi lapho ekhuluma lami ngaqina, ngasengisithi: Kayikhulume inkosi yami, ngoba isingiqinisile.

UDanyeli 11:32

Uzakubakhohlisa ngokubabamba amehlo labo abephula isivumelwano; kodwa abantu abamaziyo uNkulunkulu wabo bazakuma baqine, balwe.

UHagayi 2:4

Kodwa qina, wena Zerubabeli, kutsho iNkosi, ume isibindi lawe Joshuwa, ndodana kaJehozadaki, mpristi omkhulu; qinani lani lonke, bantu belizwe. Sebenzani, ngoba mina ngilani, kutsho iNkosi yamabandla,

UZakhariya 8:13

Njengoba beliyisiqalekiso phakathi kwezizwe, wena Juda lawe Israyeli, ngakho ngizakulikhulula libe yisibusiso. Lingesabi, kodwa manini isibindi.

UZakhariya 8:9

INkosi yamabandla ithi: Qungani isibindi, lina elizwa kulezinsuku amazwi avela kubaprofethi, ababekhona kusukela esikhathini sokubekwa kwesisekelo sethempeli lami, ukuba lakhiwe.

UMatewu 9:8

Kwathi amaxuku ebonile lokhu amangala, amdumisa uNkulunkulu onike abantu amandla anje.

ULukha 1:18

UZekariya wathi kuso isithunywa: Ngizakukwazi ngani lokhu na? Ngoba sengilixhegu, lomkami usekhulile.

ULukha 1:45

Ubusisiwe yena okholiweyo ukuthi kuzakugcwaliseka lokho okwakhulunywa kuye yiNkosi.

1 AbaseKhorinte 16:13

Lindani, lime ekukholweni kwenu, libe lesibindi, libe lamandla.

2 AbaseKhorinte 12:10

Ngakhoke ngikholiwe yibuthakathaka, lokuhlekwa, lobunzima, lokuzingelwa, lokukhathazeka, ngenxa kaKristu; ngoba nxa ngibuthakathaka, kung’khona ngilamandla.

Abase-Efesu 6:10

Elokucinake, qinani eNkosini lasemandleni ayo amakhulu.

2 uTimothi 2:1

Ngakhoke, wena mntanami, qina emuseni okuKristu Jesu.

1 USamuyeli 30:6

UDavida wahlupheka kakhulu; ngoba abantu bebekhuluma ngokumkhanda ngamatshe, ngoba inhliziyo zabo bonke zazidabukile ngenxa yamadodana lamadodakazi abo. Kodwa uDavida waziqinisa ngeNkosi uNkulunkulu wakhe.