AbaseRoma 4:17 - iBhayibhili Elingcwele 1978

¹⁷ njengokulotshiweyo ukuthi: Ngikumisile ukuba ube nguyise wezizwe ezinengi. UAbrahama ungubaba wethu sonke phambi kukaNkulunkulu akholwa kuye, yena ovusa abafileyo, obiza okungekho ngokungathi kukhona.

IBhayibhili Elingcwele LesiNdebele

¹⁷ Njengoba kulotshiwe ukuthi, “Sengikwenze waba nguyise wezizwe ezinengi.” Ungubaba emehlweni kaNkulunkulu akholwa kuye, yena onika abafileyo ukuphila njalo enze izinto ebezingekho zibe khona.

AbaseRoma 4:17 ပူးပေါင်းရင်းမြစ်များ

UGenesisi 17:16

Ngizakumbusisa, ngikunike indodana ngaye; yebo ngizambusisa abe ngunina wezizwe, kuvele kuye amakhosi abantu.

UGenesisi 17:20

Mayelana loIshmayeli ngikuzwile; khangela, ngimbusisile, ngizakumnika inzalo ngimandise kakhulu; uzakuzala izikhulu ezilitshumi lambili, ngimenze isizwe esikhulu.

UGenesisi 28:3

UNkulunkulu uSomandla akubusise, akwandise ube yizizwe ezinengi;

U-Isaya 43:6

ngitsho lakuyo inyakatho ngithi: Bakhulule; lakuyo iningizimu ngithi: Ungabaleli; buyisani amadodana ami akhatshana, lamadodakazi ami ezindaweni zonke,

U-Isaya 44:7

Ngubani ofanana lami? Kasukume akhulume, atsho njalo phambi kwami. Kabikezele izinto ezizayo, asitshele ngokuzakwenzeka.

U-Isaya 48:13

Isandla sami sabeka isisekelo somhlaba, lesandla sami sokunene sendlala iphezulu; lapho ngikubiza, kuyasukuma konke.

U-Isaya 49:12

Nampaya bayeza, bevela khatshana, abanye bavela enyakatho labanye entshonalanga, labanye elizweni laseSivene.

U-Isaya 51:2

Khangelani kuAbrahama ukhokho wenu lakuSara owalizalayo; ngoba uAbrahama eseyedwa ngambiza, ngambusisa, ngamandisa.

U-Isaya 55:12

Lizakuphuma lina ngokuthokoza, liholwe ngokuthula; izintaba lamaqaqa kuzahlokoma ngokuhlabela phambi kwenu, lezihlahla zonke zeganga ziqakeze izandla zazo.

UMatewu 3:9

Lingacabangi ukuba lingatsho phakathi kwenu ukuthi: Silobaba uAbrahama. Ngoba ngithi kini: UNkulunkulu ulamandla okumenzela uAbrahama abantwana kulamatshe.

UJohane 5:21

Njengalokhu uYise evusa abafileyo, abanike ukuphila, kunjaloke leNdodana iyabanika ukuphila labo ethanda ukubasilisa.

UJohane 5:25

Ngiqinisile, ngiqinisile ngithi kini: Isikhathi siyeza, njalo sesikhona, lapho abafileyo bazakulizwa ilizwi leNdodana kaNkulunkulu; labo abezwayo bazakuphila.

UJohane 6:63

Kungumoya onika ukuphila, inyama kayisizi lutho; amazwi esengiwakhulume kini angumoya, ayikuphila.

Imisebenzi 15:18

kutsho iNkosi eyenza ukuba lezizinto zaziwe kwasekuqaleni.

AbaseRoma 3:29

Kambe uNkulunkulu unguNkulunkulu wabaJuda kuphela na? Kasuye uNkulunkulu lowabezizwe na? Yebo, lowabezizwe,

AbaseRoma 4:18

UAbrahama owathi lingasekho ithemba, wakholwa ngethemba, ukuze abe nguyise wezizwe ezinengi, njengalokho okwatshiwo kuye ukuthi: Izakuba njalo inzalo yakho.

AbaseRoma 4:2

Ngoba uba uAbrahama walungisiswa ngemisebenzi, ulakho angazincoma ngakho; kodwa kalakho phambi kukaNkulunkulu.

AbaseRoma 8:11

Uba uMoya walowo owavusa uJesu kwabafileyo ehlala kini, yena owavusa uKristu Jesu kwabafileyo uzakuphilisa lemizimba yenu efayo ngoMoya wakhe ohlala kini.

AbaseRoma 9:11

lanxa bengakazalwa, bengakenzi okuhle loba okubi, ukuze icebo likaNkulunkulu elokukhetha kwakhe lime, kungabi ngemisebenzi kodwa kube ngokubiza kwakhe,

AbaseRoma 9:26

Lesahlukweni lapho kwathiwa kibo: Kalisibo abantu bami; lapha bazakubizwa ngokuthi ngamadodana kaNkulunkulu ophilayo.

1 AbaseKhorinte 1:28

lezinto eziphansi zomhlaba lezinto ezidelelekayo uNkulunkulu uzikhethile, lezinto ezingekho ukuba achithe izinto ezikhona,

1 AbaseKhorinte 15:45

Ngakho kulotshiwe ukuthi: Umuntu wokuqala uAdamu waba ngumuntu ophilayo; uAdamu wokucina waba ngumoya ophilisayo.

1 uTimothi 6:13

Ngiyakulaya phambi kukaNkulunkulu ophilisa konke, loKristu Jesu owavuma ukuvuma okuhle phambi kukaPontiyusi Pilatu,

AmaHebheru 11:12

Ngakhoke kwavela koyedwa, laye esenjengosewafa, abangangezinkanyezi zezulu ngobunengi, langangesihlabathi esisokhunjini lolwandle esingelakubalwa.

AmaHebheru 11:3

Ngokukholwa sibona ukuthi umhlaba wenziwa ngelizwi likaNkulunkulu, kuze kuthi okubonwayo kwavela kokungabonwayo.

AmaHebheru 11:7

Ngokukholwa uNowa exwayisiwe nguNkulunkulu ngezinto ebezingakabonwa wakha umkolo wokusilisa indlu yakhe; wawulahla umhlaba ngokukholwa, waba yindlalifa yokulunga okuvela ngokukholwa.

1 UPhethro 2:10

Lalikade lingesibo abantu, kodwa khathesi selingabantu bakaNkulunkulu; lalingahawukelwanga, kodwa khathesi selihawukelwe.

2 UPhethro 3:8

Bathandekayo, lingakhohlwa lintonye eyokuthi kuyo iNkosi usuku olulodwa lunjengeminyaka eyinkulungwane, leminyaka eyinkulungwane injengosuku lunye.