AbaseRoma 3:29 - iBhayibhili Elingcwele 1978

²⁹ Kambe uNkulunkulu unguNkulunkulu wabaJuda kuphela na? Kasuye uNkulunkulu lowabezizwe na? Yebo, lowabezizwe,

IBhayibhili Elingcwele LesiNdebele

²⁹ UNkulunkulu unguNkulunkulu wamaJuda kuphela na? KasuNkulunkulu wabeZizwe njalo na? Yebo, ungowabeZizwe futhi,

AbaseRoma 3:29 ပူးပေါင်းရင်းမြစ်များ

AbaseKholose 3:11

Lapho kakukho umGriki lomJuda, osokileyo longasokanga, owezizwe lomSikethiya, isigqili lokhululekileyo; kodwa uKristu uyikho konke, ukibo bonke.

UZakhariya 2:11

Izizwe ezinengi zizazihlanganisa leNkosi ngalolosuku, zibe ngabantu bayo. Izahlala phakathi kwakho, uzakwazi ukuba iNkosi yamabandla ingithumile kuwe.

Abase-Efesu 3:6

ukuthi abezizwe bayizindlalifa kanye lathi, lokuthi bangumzimba munye kanye lathi, bangabahlanganyeli besithembiso kuKristu Jesu ngevangeli.

AbaseGalathiya 3:14

Wakwenza lokhu ukuba ngoKristu Jesu isibusiso sikaAbrahama sifike phezu kwabezizwe, ukuba samukele isithembiso sikaMoya ngokukholwa.

AbaseRoma 15:16

wokuba ngibe yisikhonzi sikaKristu Jesu kwabezizwe, ngikhonze ngevangeli likaNkulunkulu njengompristi, ukuze ukunikela kwami abezizwe kwamukeleke, kwenziwe kube ngcwele nguMoya oNgcwele.

AbaseRoma 10:12

Ngakho kakukho ukwahlukana phakathi komJuda lomGriki, ngoba iNkosi yona yiNkosi yabo bonke, inothele bonke abakhuleka kuyo.

AbaseRoma 1:16

Ngoba kangilanhloni ngevangeli; lingamandla asilisayo kaNkulunkulu kulowo okholwayo, kumJuda kuqala lakumGriki.

UJeremiya 16:19

Nkosi, wena ongamandla ami lenqaba yami, isiphephelo sami ngosuku lokuhlupheka, izizwe zizakufika kuwe zivela emikhawulweni yomhlaba, zithi: Okhokho bethu badlile ilifa lamanga kuphela, izinto ezingelamsebenzi ezingasizi lutho.

Imisebenzi 26:17

ngikophule esizweni lesi lakwabezizwe engikuthumela kubo

Imisebenzi 22:21

Wasesithi: Hamba, ngoba ngizakukuthumela khatshana kwabezizwe.

Imisebenzi 9:15

Kodwa iNkosi yathi kuye: Hamba, ngoba lowo uyisitsha sami esikhethiweyo sokuphatha ibizo lami phambi kwezizwe, lamakhosi, labakoIsrayeli;

UMatewu 28:19

ngakho hambani lenze izizwe zonke zibe ngabafundi, libabhaphathize ebizweni likaYise, leleNdodana, lelikaMoya oNgcwele,

UMatewu 22:32

NginguNkulunkulu kaAbrahama, loNkulunkulu kaIsaka, loNkulunkulu kaJakobe na? Kasuye uNkulunkulu wabafileyo, kodwa ngowabaphilayo.

UMalaki 1:11

Ngoba kusukela ekuphumeni kwelanga kuze kube sekutshoneni kwalo, ibizo lami likhulu phakathi kwezizwe; endaweni zonke ibizo lami litshiselwa impepha, kunikelwe kilo iminikelo ehlambulukileyo; ngoba ibizo lami likhulu phakathi kwezizwe, kutsho iNkosi yamabandla.

UHosiya 1:10

Kanti ubunengi babantu bakoIsrayeli buzakuba ngangetshebetshebe lolwandle elingeke lilinganiswe loba libalwe. Endaweni yokuba kuthiwe kibo: Kalisibo abantu bami; kuzakuthiwa kibo: Lingamadodana kaNkulunkulu ophilayo.

UJeremiya 31:33

Yilesi isivumelwano engizakusenza lendlu kaIsrayeli emva kwalezonsuku, kutsho iNkosi. Ngizafaka umlayo wami emibilinini yabo, ngiwulobe enhliziyweni zabo, ngibe nguNkulunkulu wabo, labo babe ngabantu bami.

U-Isaya 54:5

Ngoba uMenzi wakho nguye ongumkakho, obizwa ngokuthi yiNkosi yamabandla; loNgcwele kaIsrayeli unguMhlengi wakho, obizwa ngokuthi nguNkulunkulu womhlaba wonke.

AmaHubo 72:17

Ibizo layo kalime kuze kube nini lanini, lodumo lwayo luqhubeke njalo lisekhona ilanga. Abantu kababusiswe ngayo, lezizwe zonke zithi: Ibusisiwe.

AmaHubo 67:2

ukuze indlela yakho yaziwe emhlabeni, lokusiza kwakho ezizweni zonke.

AmaHubo 22:7

Bonke abangibonayo bayangihleka, bangikhamisela imilomo, banikine amakhanda abo,

UGenesisi 17:18

UAbrahama wasesithi kuNkulunkulu: Kungathi uIshmayeli angaphila phambi kwakho!

Imisebenzi 10:34

Kwang’khona uPetro wavula umlomo wakhe, wathi: Impela ngiyabona ukuthi uNkulunkulu kakhangeli ubuso bomuntu,