AbaseRoma 3:27 - iBhayibhili Elingcwele 1978

²⁷ Ngakhoke kungaphi ukuzincoma kwethu na? Kuvalelwe phandle. Ngomthetho bani? Ngokwemisebenzi na? Atshi bo, kodwa ngomthetho wokukholwa.

IBhayibhili Elingcwele LesiNdebele

²⁷ Pho kungaphi ukuzincoma? Kutshiywe ngaphandle. Ngasimiso bani na? Esokugcina umthetho na? Hatshi, kodwa ngesokukholwa.

AbaseRoma 3:27 ပူးပေါင်းရင်းမြစ်များ

AbaseRoma 2:23

Wena ozincoma ngomlayo, udumaza uNkulunkulu ngokweqa umlayo na?

AbaseRoma 4:2

Ngoba uba uAbrahama walungisiswa ngemisebenzi, ulakho angazincoma ngakho; kodwa kalakho phambi kukaNkulunkulu.

AbaseGalathiya 3:22

Kodwake umbhalo uvalele konke ngaphansi kwesono, ukuze isithembiso esingokukholwa kuJesu Kristu siphiwe abakholwayo.

AbaseRoma 2:17

Kodwa wenake, uba usithi ungumJuda, uba uthemba umlayo, uzincoma ngoNkulunkulu,

AbaseRoma 7:21

Ngakhoke lokho engikufumanayo yilokhu kokuthi, lapho ngithanda ukwenza okuhle, okubi kuseduzane lami.

AbaseGalathiya 2:16

Kodwa siyazi ukuthi umuntu kalungisiswa ngemisebenzi yomlayo, kuphela ngokukholwa kuKristu Jesu; lathi sakholwa kuKristu ukuba silungisiswe ngokukholwa kuKristu kungesikho ngemisebenzi yomlayo; ngoba ngemisebenzi yomlayo kakuyikulungisiswa muntu.

1 AbaseKhorinte 4:7

Ngoba ngubani okwenza ukuba wehluke kwabanye na? Kuyini olakho ongakwamukeliswanga na? Kodwa uba wamukelisiwe, uzincomelani ngokungathi yilutho ongalamukeliswanga na?

AbaseRoma 11:6

Kodwa uba kungomusa, kakusayi ngemisebenzi; uba kungenjalo, umusa kawuseyiwo umusa.

AbaseRoma 10:5

UMose uloba ukuthi lowo owenza ukulunga okungomlayo uzakuphila ngakho.

AbaseRoma 9:32

Ngani na? Ngoba kabawudingisisanga ngokukholwa, kodwa ngokungathi ngemisebenzi. Bakhubeka elitsheni lokukhubekisa,

AbaseRoma 9:11

lanxa bengakazalwa, bengakenzi okuhle loba okubi, ukuze icebo likaNkulunkulu elokukhetha kwakhe lime, kungabi ngemisebenzi kodwa kube ngokubiza kwakhe,

AbaseRoma 8:2

Ngoba kuKristu Jesu umlayo woMoya ophilisayo ungikhulule emlayweni wesono lowokufa.

AbaseRoma 7:25

NguNkulunkulu yedwa ngoJesu Kristu iNkosi yethu. Kabongwe uNkulunkulu. Ngalokhoke mina ngokwami ngikhonza umlayo kaNkulunkulu ngengqondo, kodwa ngikhonza umlayo wesono ngokwabantu.

AbaseRoma 7:23

kodwa ngibona ezithweni zami omunye umlayo olwayo lomlayo wengqondo yami, ungithumbela emlayweni wesono osezithweni zami.

AbaseRoma 3:19

Siyazi ukuthi lokho okutshoyo umlayo, ukukhuluma kibo abangaphansi komlayo, ukuba yonke imilomo ivinjelwe, lokuba umhlaba wonke ube ngaphansi kokuthonisisa kukaNkulunkulu.

UJohane 3:36

Yena okholwa eNdodaneni ulokuphila okungapheliyo; kodwa yena ongakholwayo eNdodaneni kayikukubona ukuphila, kodwa ulaka lukaNkulunkulu luhlezi phezu kwakhe.

UMakho 16:16

Lowo okholwayo abhaphathizwe uzakusiliswa, kodwa ongakholwayo uzakulahlwa.

UZefaniya 3:11

Ngalolosuku lina bantu bami, kaliyikuyangeka ngenxa yezenzo eliphambuka ngazo kimi, ngoba ngizakhupha phakathi kwenu labo abazikhukhumezayo; kalisayikuziphakamisa entabeni yami engcwele.

AbaseRoma 3:26

wafisa ukubonakalisa ukulunga kwakhe kulesisikhathi, ukuze azibonakalise ukuthi yena ulungile lokuthi uyamlungisisa lowo okholwa kuJesu.

AbaseRoma 9:31

kodwa uIsrayeli, owadingisisa umlayo wokulunga, kaphumelelanga ukuwuzuza umlayo.