AbaseRoma 3:22 - iBhayibhili Elingcwele 1978

²² ngitsho ukulunga kukaNkulunkulu okungokukholwa kuKristu kibo bonke abakholwayo. Ngoba kawukho umahluko.

IBhayibhili Elingcwele LesiNdebele

²² Ukulunga lokhu okuvela kuNkulunkulu kufika kubo bonke abakholwa kuJesu Khristu. Akulamehluko phakathi komJuda loweZizwe,

AbaseRoma 3:22 ပူးပေါင်းရင်းမြစ်များ

U-Isaya 61:10

Ngizathokoza kakhulu ngeNkosi, umphefumulo wami uzajabula ngoNkulunkulu wami; ngoba ingambathise ingubo yokukhululwa, inyangembesa ngengubo yokulunga, njengomyeni ezicecise ngezigqoko zomthimba, lanjengomlobokazi ezicecisa ngamatshe amahle.

UJeremiya 23:6

Ensukwini zalo uJuda uzakhululwa, loIsrayeli ahlale evikelekile. Nanti ibizo oluzabizwa ngalo: INkosi ukulunga kwethu.

UDanyeli 9:24

Amaviki angamatshumi ayisikhombisa uNkulunkulu uwamisele abantu bakini lomuzi wakini ongcwele ukuba kuphele ukwenza okubi lezono, emva kwalokhu kuthethelelwe izono, kuqiniswe ukulunga okungapheliyo, kuze kugcwaliseke umbono lesiprofethi, kuhlanjululwe lendawo engcwele kakhulu.

ULukha 15:22

Kodwa uyise wathi encekwini zakhe: Phangisani lilethe ingubo enhle kulazo zonke, liyambathise, lifake isongo esandleni sayo lamanyathelo enyaweni zayo;

Imisebenzi 11:12

UMoya wangitshela ukuba ngihambe lawo ngingathandabuzi; lababazalwane abayisithupha labo bahamba lami, sangena endlini yaleyondoda.

Imisebenzi 15:9

futhi kehlukanisanga phakathi kwethu labo, ehlambulula inhliziyo zabo ngokukholwa.

Imisebenzi 3:16

Ngokukholwa ebizweni layo lumuntu elimbonayo lelimaziyo wenziwe waqina, langokukholwa okungoJesu wamukeliswe ukuphila okupheleleyo phambi kwenu lonke.

AbaseRoma 1:17

Ngoba ukulunga kukaNkulunkulu kwambulwa kilo, kuqala ngokukholwa, kuphele ngokukholwa; njengokulotshiweyo ukuthi: Olungileyo uzakuphila ngokukholwa.

AbaseRoma 10:12

Ngakho kakukho ukwahlukana phakathi komJuda lomGriki, ngoba iNkosi yona yiNkosi yabo bonke, inothele bonke abakhuleka kuyo.

AbaseRoma 10:4

Ngoba uKristu uyawuqeda umlayo, alethele bonke abakholwayo ukulunga.

AbaseRoma 2:1

Ngakhoke, wena muntu, kawulakuzilandulela, loba ungubani, lapho uthonisisa; ngoba ngalokho othonisisa ngakho omunye uyazilahla wena, ngoba wena othonisisayo uyakwenza khona lokho lawe.

AbaseRoma 3:30

lokhu uNkulunkulu emunye. Uzakulungisisa abasokileyo ngokukholwa kwabo labangasokanga ngokukholwa.

AbaseRoma 4:16

Kungakhoke kusiya ngokukholwa ukuze isithembiso sibe ngesomusa, siqiniseke enzalweni yakhe yonke, kungesiyo engeyomlayo kuphela, kodwa lakuyo engeyokukholwa kukaAbrahama ongubaba wethu sonke,

AbaseRoma 8:1

Ngakhoke kakusekho ukulahlwa kibo abakuKristu Jesu.

AbaseRoma 9:30

Pho, sizakuthini? Sizakuthi abezizwe abangakudingisisanga ukulunga bakuzuzile, ukulunga okungokukholwa;

1 AbaseKhorinte 12:13

Ngoba ngoMoya munye thina sonke sabhaphathizwa sibe mzimba munye, loba singabaJuda loba singamaGriki, loba siyizigqili loba singabakhululekileyo. Thina sonke sanathiswa Moya munye.

1 AbaseKhorinte 4:7

Ngoba ngubani okwenza ukuba wehluke kwabanye na? Kuyini olakho ongakwamukeliswanga na? Kodwa uba wamukelisiwe, uzincomelani ngokungathi yilutho ongalamukeliswanga na?

AbaseGalathiya 2:16

Kodwa siyazi ukuthi umuntu kalungisiswa ngemisebenzi yomlayo, kuphela ngokukholwa kuKristu Jesu; lathi sakholwa kuKristu ukuba silungisiswe ngokukholwa kuKristu kungesikho ngemisebenzi yomlayo; ngoba ngemisebenzi yomlayo kakuyikulungisiswa muntu.

AbaseGalathiya 2:20

Ngibethelwe kanye loKristu; kakuseyimi ophilayo, kodwa uKristu uphila kimi; ukuphila engikuphila khathesi ngikuphila ngokukholwa iNdodana kaNkulunkulu eyangithandayo, yazinikela ngenxa yami.

AbaseGalathiya 3:22

Kodwake umbhalo uvalele konke ngaphansi kwesono, ukuze isithembiso esingokukholwa kuJesu Kristu siphiwe abakholwayo.

AbaseGalathiya 3:28

Kakukho umJuda lomGriki, kakukho obotshiweyo lokhululekileyo, kakukho owesilisa lowesifazana; ngoba lina lonke limunye kuKristu Jesu.

Abase-Efesu 3:12

esilesibindi ngaye ukungena kuNkulunkulu ngokukholwa kuye.

AbaseFiliphi 3:9

ngifunyanwe kuye, ngingelakho ukulunga okungokwami okungomlayo, kodwa ngilalokho okungokukholwa kuKristu, ngitsho ukulunga okuvela kuNkulunkulu okungokukholwa;

AbaseKholose 3:11

Lapho kakukho umGriki lomJuda, osokileyo longasokanga, owezizwe lomSikethiya, isigqili lokhululekileyo; kodwa uKristu uyikho konke, ukibo bonke.

UJakhobe 2:23

kwagcwaliseka lombhalo othi: UAbrahama wakholwa uNkulunkulu, kwabalelwa kuye ukuthi kuyikulunga. Wabizwa ngokuthi ngumngane kaNkulunkulu.