AbaseRoma 2:5 - iBhayibhili Elingcwele 1978

⁵ Kodwa ngobulukhuni benhliziyo yakho engaphendukiyo uzibekelela ulaka ngosuku lolaka, mhla kusambulwa ukuthonisisa okulungileyo kukaNkulunkulu

IBhayibhili Elingcwele LesiNdebele

⁵ Kodwa ngenxa yobuqholo bakho lenhliziyo yakho engaphendukiyo, uziqoqela ulaka oluzakuhlupha ngosuku lolaka lukaNkulunkulu, lapho okuzabonakaliswa khona ukwahlulela kwakhe okulungileyo.

AbaseRoma 2:5 ပူးပေါင်းရင်းမြစ်များ

2 ImiLando 30:8

Lingabi lenkani njengaboyihlo, kodwa zinikeleni eNkosini, lize endlini yayo engcwele esizahlukanisele yona kuze kube nininini, likhonze iNkosi uNkulunkulu wenu, ukuba ulaka lwayo ludede kini.

2 ImiLando 36:13

Wayivukela inkosi uNebukadineza eyayimfungise ngoNkulunkulu ukuba athembeke kuyo. Waba lenkani lenhliziyo elukhuni ngokuphendukela eNkosini, uNkulunkulu kaIsrayeli.

UJobe 21:30

ukuba omubi uyaphepha osukwini losizi, lokuba uyophulwa osukwini lwentukuthelo na?

AmaHubo 110:5

INkosi ingakwesokunene sakho; izakuwachitha amakhosi osukwini lokuthukuthela kwayo.

AmaHubo 95:8

Lingazenzi zibe lukhuni inhliziyo zenu njengaseMeriba, njengasosukwini lwaseMasa enkangala,

U-Eksodasi 14:17

Ngizazenza zibe lukhuni inhliziyo zamaGibithe ukuba abalandele. Ngizazuza udumo ngoFaro langempi yakhe langezinqola zakhe langabagadi bamabhiza.

U-Eksodasi 32:34

Kodwa hambake, ubaholele abantu endaweni engikhulume ngayo kuwe; isithunywa sami sizakukwandulela. Kanti mhla ngibethekelelayo ngizabatshaya ngenxa yesono sabo.

U-Eksodasi 8:15

Kodwa uFaro esebonile ukuthi kukhona ukuthula, wayenza yaba lukhuni inhliziyo yakhe, kazabalalela, njengokutsho kweNkosi.

Izaga 1:18

Lababantu bayacathamela ukuchitha elabo igazi, bajume okwabo ukuphila.

Izaga 11:4

Inotho kayisizi ngosuku lolaka, kodwa ukulunga kukhulula ekufeni.

Izaga 28:14

Ubusisiwe lowomuntu owesaba ukwenza okubi, kodwa owenza inhliziyo yakhe ibe lukhuni uzahlupheka.

Izaga 29:1

Umuntu okhuzwa kanengi kodwa abe lenkani, uzakufohlozwa ngomzuzu nje, angabi lakusiliswa.

UmTshumayeli 12:14

Ngoba uNkulunkulu uzakwahlulela konke esikwenzayo layo yonke imfihlo, okuhle lokubi.

U-Isaya 48:4

Ngoba ngiyazi ukuthi ulenkani, lentamo yakho injengensimbi, lebunzi lakho linjengethusi,

UJeremiya 40:3

iNkosi isikulethile, yakwenza njengokutsho kwayo. Njengoba lonile eNkosini, kalililalelanga ilizwi layo, ngakhoke lokhu kulehlele.

UHezekhiyeli 11:19

Ngizabanika inhliziyonye, ngifake umoya omutsha phakathi kwabo, ngikhuphe inhliziyo elukhuni kibo, ngibanike inhliziyo ebuthakathaka,

UHezekhiyeli 3:7

Kodwa abakoIsrayeli kabayikukuzwa, ngoba kabathandi ukungizwa mina; bonke balukhuni, kabezwa.

UDanyeli 5:20

Kodwa lapho inhliziyo yakhe isizikhukhumeza, lomoya wakhe ususiba lukhuni waze wazigqaja, wakhutshwa esihlalweni sakhe sobukhosi, kwasuswa lodumo lwakhe.

UHosiya 13:12

Ububi bukaEfrayimi bulotshiwe ogwalweni, lesono sakhe usibekelwe.

uAmosi 3:10

Ngoba kabakwazi ukwenza okulungileyo, kutsho iNkosi, bagcwalisa inqaba zabo ngomvuzo wokugebenga lokuphanga.

AbaseRoma 1:18

Ngoba ulaka lukaNkulunkulu oluvela ezulwini luyabonakala phezu kwabo bonke ububi lokungalungi kwabantu abavimbela iqiniso ngokungalungi kwabo.

AbaseRoma 11:25

Ngithanda ukuba lazi limfihlakalo, bazalwane, funa lizitshaye abahlakaniphileyo, ukuthi ingxenye kaIsrayeli yehlelwe yibulukhuni kuze kungene abezizwe ngokupheleleyo

AbaseRoma 9:22

Singathini, uba uNkulunkulu, ethanda ukubonakalisa ulaka lwakhe lokwazisa amandla akhe, wathwala ngokubekezela okukhulu izitsha zolaka ezilungiselwe ukubhujiswa,

2 AbaseKhorinte 5:10

Thina sonke simele ukuma phambi kwesihlalo sokuthonisisa sikaKristu, ukuze ilowo lalowo amukele njengalokhu akwenzileyo esemzimbeni, okuhle ingabe okubi.

UDutheronomi 2:30

Kodwa uSihoni inkosi yaseHeshiboni kayisivumelanga ukuba sidlule; ngoba iNkosi uNkulunkulu wenu yenza umoya wakhe waba lukhuni, lenhliziyo yakhe yaba lenkani, ukuze imnikele ezandleni zenu njengalamhlanje.

UDutheronomi 32:34

Lokho kakubekiwe kimi yini, kakunamekiwe endlini yami yenotho na?

2 AbaseThesalonika 1:5

Lokhu kuyisiboniso sokuthonisisa okulungileyo kukaNkulunkulu, ukuze kuthiwe lingabafanele umbuso kaNkulunkulu elihlupheka ngenxa yawo.

AmaHebheru 3:13

Kodwa layanani insuku ngensuku kusathiwa kulamuhla, ukuze kungabi khona kini owenziwa lukhuni yikukhohlisa kwesono.

AmaHebheru 3:15

Kuthiwa: Lamuhla, uba lilizwa ilizwi lakhe, lingazenzi zibe lukhuni inhliziyo zenu njengasekuthukutheliseni.

AmaHebheru 4:7

uNkulunkulu uyamisa futhi usuku oluthile oluthiwa kulamuhla, esithi ngoDavida emva kwesikhathi esingaka njengokutshiwoyo kuqala ukuthi: Lamuhla, uba lizakulizwa ilizwi lakhe, lingazenzi zibe lukhuni inhliziyo zenu.

UJakhobe 5:3

Igolide lenu lesiliva senu kuthombile, lokuthomba kwakho kuzakuba yibufakazi ngakini, kudle inyama yemizimba yenu njengomlilo. Lithi lizibekela inotho yezinsuku zokuphela.

UJoshuwa 11:20

Ngoba kwakuyiNkosi eyenza inhliziyo zabo zaba lukhuni ukuze balwe loIsrayeli, bachithwe baphele, bangahawukelwa kodwa babhujiswe, njengokulaya kweNkosi kuMose.

2 UPhethro 2:9

Ngakhoke iNkosi iyakwazi ukubophula ekulingweni labo abamkhonzayo uNkulunkulu, lokubagcina ababi ekutshayweni kuze kube lusuku lokuthonisiswa,

2 UPhethro 3:7

Izulu lomhlaba okukhona khathesi kubekelwe umlilo ngalona lelolizwi, kulindele usuku lokulahlwa lokubhujiswa kwabantu abeyisa uNkulunkulu.

UJuda 1:6

Lezithunywa ezingagcinanga izikhundla zazo, kodwa zatshiya indawo zazo, zigcinelwe ukulahlwa mhla wosuku olukhulu, zibotshiwe ngezibopho ezingaqamukiyo ngaphansi komnyama.

Isambulo 2:21

Ngamnika ithuba lokuba aphenduke, kodwa kavumi ukuphenduka ekuphingeni kwakhe.

Isambulo 6:17

ngoba usuku olukhulu lolaka lwabo selufikile; ngobani abalamandla okuma na?

1 USamuyeli 6:6

Lenzelani inhliziyo zenu zibe lukhuni njengabaseGibithe loFaro bazenza inhliziyo zabo zaba lukhuni na? Ngemva kokuba esedlale ngabo kabavumelanga yini abantu ukuba bahambe, lempela bahamba na?