AbaseRoma 2:4 - iBhayibhili Elingcwele 1978

⁴ Kumbe uyabeyisa yini ubukhulu besihawu sakhe lobokubekezela lobesineke sakhe na? Kawazi yini ukuba isihawu sikaNkulunkulu sikudonsela ekuphendukeni na?

IBhayibhili Elingcwele LesiNdebele

⁴ Kumbe njalo weyisa ubukhulu bomusa wakhe, ukubekezela kanye lesineke sakhe, ungananzeleli ukuthi umusa kaNkulunkulu ujonge ukukusa ekuphendukeni na?

AbaseRoma 2:4 ပူးပေါင်းရင်းမြစ်များ

AmaHubo 10:11

Omubi uthi enhliziyweni yakhe: UNkulunkulu ulibele, ufihle ubuso bakhe, kasoze abone.

AmaHubo 104:24

Nkosi, minengi kangaka imisebenzi yakho! Ngokuhlakanipha uyenzile yonke; umhlaba ugcwele izidalwa zakho.

AmaHubo 31:19

Yeka ubukhulu bokulunga kwakho okubekele labo abakwesabayo, okwenzela phambi kwabantu labo abaphephela kuwe!

AmaHubo 78:38

Kodwa yena elesihawu wabathethelela ukona kwabo, kababhubhisanga; walunqanda kanengi ulaka lwakhe, kakuvusanga konke ukuthukuthela kwakhe.

AmaHubo 86:15

Kodwa wena, Nkosi, unguNkulunkulu olesihawu, olomusa, ophuza ukuthukuthela, ogcwele uthando olungapheliyo lobuqotho.

AmaHubo 86:5

Ngoba wena, Nkosi, ulungile, uyathethelela; uthando lwakho olungapheliyo lukhulu kubo bonke abakhuleka kuwe.

U-Eksodasi 34:6

INkosi yedlula phambi kwakhe, yamemeza yathi: YiNkosi! YiNkosi! nguNkulunkulu olesihawu olomusa, ophuza ukuthukuthela, ogcwele uthando olungapheliyo lobuqotho,

UmTshumayeli 8:11

Ngoba isigwebo ngesenzo esibi singenziwa masinyane, abantu balesibindi sokwenza okubi.

U-Isaya 30:18

Kodwa iNkosi ilindele ukuba ibe lomusa kini, iyathanda ukuba ibe lesihawu kini; ngoba iNkosi inguNkulunkulu wokulunga, babusisiwe bonke abathemba kuyo.

UJeremiya 7:10

beselisiza ukuba lime phambi kwami kulindlu lapho ibizo lami lidunyiselwa khona, lithi: Sikhululwe! Kodwa liqhubeke ukwenza zonke lezizinengiso.

UHezekhiyeli 11:19

Ngizabanika inhliziyonye, ngifake umoya omutsha phakathi kwabo, ngikhuphe inhliziyo elukhuni kibo, ngibanike inhliziyo ebuthakathaka,

UHezekhiyeli 16:63

Uzakhumbula, uyangeke, ungaphindi ukuvula umlomo wakho futhi ngenxa yehlazo lakho, nxa sengikuthethelela konke lokho okwenzileyo, kutsho iNkosi uNkulunkulu.

UHosiya 3:5

Emva kwalokho abakoIsrayeli bazabuya bayidinge iNkosi uNkulunkulu wabo, loDavida inkosi yabo. Bazabuya eNkosini besesaba, beze lasekulungeni kwayo ensukwini ezizayo.

UJona 4:2

Wakhuleka eNkosini wathi: Ngiyakuncenga, Nkosi, kayisikho lokhu engakutshoyo ngiseselizweni lakithi na? Yikho lokhu ngaphangisa ukubalekela eTarshishi; ngoba ngangisazi ukuthi wena unguNkulunkulu olomusa lolesihawu, ophuza ukuthukuthela, ogcwele uthando olungapheliyo, ozisola ngokubi.

AmaNani 14:18

INkosi iyaphuza ukuthukuthela, igcwele uthando olungapheliyo, ithethelela ububi leziphambeko, kodwa kayiyikubayekela abalecala, kodwa yehlisela ububi baboyise phezu kwabantwana besizukulwana sesithathu lesesine.

AbaseRoma 10:12

Ngakho kakukho ukwahlukana phakathi komJuda lomGriki, ngoba iNkosi yona yiNkosi yabo bonke, inothele bonke abakhuleka kuyo.

AbaseRoma 11:22

Khangelake ububele lobukhali bukaNkulunkulu; ubukhali kulabo abawayo, kodwa kuwe kukhona ububele uba uhlala ebubeleni; uba kungenjalo, uzakuqunywa lawe.

AbaseRoma 11:33

Yeka ukuzika kwenotho, lokuhlakanipha, lolwazi lukaNkulunkulu! Yeka izahlulelo zakhe ezingaphenyekiyo lendlela zakhe ezingalandelekiyo!

AbaseRoma 3:25

ammisayo uNkulunkulu ukuba abe yinhlawulo ngegazi lakhe, emukelwe ngokukholwa. UNkulunkulu wakwenza lokhu ukuba abonakalise ukulunga kwakhe, ngoba ngokubekezela kwakhe wayekela izono ezenziwa ngaphambili;

AbaseRoma 6:1

Ngakho sizakuthini? Sizakuhlala esonweni ukuba kwande umusa na?

AbaseRoma 6:15

Phoke? Sizakona ngoba singekho ngaphansi komlayo kodwa singaphansi komusa na? Phinde!

2 AbaseKhorinte 8:2

ukuthi ekulingweni okukhulu ngezinhlupheko ezingaka ukuthokoza kwawo kube kukhulu, aze aphana ngokupheleleyo ebuyangeni bawo obukhulu.

Abase-Efesu 1:18

Kungathi kungavulwa amehlo enhliziyo zenu, ukuze lazi ithemba elibizelwa kulo, lenotho enkulu yelifa alinika lona kubo abangcwele,

Abase-Efesu 1:7

Ngaye silokuhlengwa ngegazi lakhe, lokuthethelelwa kweziphambeko zethu ngokwenotho yomusa wakhe

Abase-Efesu 2:4

Kodwa uNkulunkulu onothileyo ngesihawu, ngenxa yothando lwakhe olukhulu asithanda ngalo,

Abase-Efesu 2:7

ukuze kuthi ezikhathini ezizayo abonakalise inotho enkulu yomusa wakhe lobubele bakhe kithi kuKristu Jesu.

Abase-Efesu 3:16

ukuba ngokwenotho yobukhosi bakhe liqiniswe ngamandla ngoMoya wakhe enhliziyweni;

Abase-Efesu 3:8

Mina engimncinyane kulabo bonke abangcwele ngawuphiwa lowomusa wokutshumayela kwabezizwe ivangeli lenotho kaKristu engelakulinganiswa,

AbaseFiliphi 4:19

UNkulunkulu wami uzakugcwalisa konke ukuswela kwenu ngobunengi benotho yakhe kuKristu Jesu.

AbaseKholose 1:27

Bona uNkulunkulu wathanda ukubazisa ukuthi ingakanani inotho lobukhosi baleyomfihlakalo phakathi kwabezizwe; leyomfihlakalo yilokhu ukuthi uKristu uphakathi kwenu, lilethemba lenkazimulo.

AbaseKholose 2:2

Inhliziyo zabo kaziduduzeke; kabahlanganiswe othandweni; kababe lenotho yonke yokuqedisisa okupheleleyo, bazisise imfihlakalo kaNkulunkulu enguKristu,

1 uTimothi 1:16

Kodwa ngahawukelelwa lokhu ukuthi kimi, engingesikhulu isoni, uJesu Kristu abonakalise ukubekezela kwakhe, ngibe yisibonelo kwabazakukholwa kuye baze bazuze ukuphila okungapheliyo.

1 uTimothi 6:17

Laya abanothileyo lapha emhlabeni ukuba bangazikhukhumezi, bangathembeli enothweni engemiyo, kodwa bathembele kuNkulunkulu osinothisa ngakho konke, sithokoze ngakho.

1 UPhethro 3:20

eyababekade bengalaleli, lapho uNkulunkulu ngokubekezela ebalindele ensukwini zikaNowa umkolo usakhiwa, okwasiliswa abayingcosana ngawo amanzi, okuyikuthi abantu abaficaminwembili.

2 UPhethro 1:11

Ngokwenza njalo lizakuba lokungena ngokupheleleyo embusweni ongapheliyo weNkosi yethu loMsilisi uJesu Kristu.

2 UPhethro 3:15

Lithi ukubekezela kweNkosi yethu kuyikusilisa, njengalokhu lomzalwane wethu othandekayo uPawuli walilobela, watsho njalo ngokuhlakanipha akuphiweyo;

2 UPhethro 3:3

Kuqala yazini lokhu ukuthi ngezinsuku zokucina kuzakufika abahleka ulunya, behamba ngezinkanuko zabo,

2 UPhethro 3:9

INkosi kayilibali ukusigcwalisa isithembiso sayo njengalokhu abanye besithi iyalibala, kodwa iyalibekezelela ingathandi ukuba kubhubhe lamunye, kodwa ukuba bonke bafinyelele ekuphendukeni.

Isambulo 2:21

Ngamnika ithuba lokuba aphenduke, kodwa kavumi ukuphenduka ekuphingeni kwakhe.

Isambulo 3:20

Khangela, ngimi ngasemnyango ngiqoqoda; uba umuntu esizwa ilizwi lami, avule umnyango, ngizakungena ngidle laye, laye adle lami.