AbaseRoma 2:29 - iBhayibhili Elingcwele 1978

²⁹ Kodwa umJuda oqotho ngulowo onguye ngaphakathi, lokusoka okuqotho kungokwenhliziyo, kungokomoya kungesikho okungokokulotshiweyo; ukuvezwa kwakhe kuvela kuNkulunkulu kungaveli ebantwini.

IBhayibhili Elingcwele LesiNdebele

²⁹ Hatshi, umuntu ungumJuda nxa enguye ngaphakathi, lokusoka yikusoka kwenhliziyo, ngoMoya, hatshi ngomlayo. Ukubongwa komuntu onjalo akuveli ebantwini, kodwa kuNkulunkulu.

AbaseRoma 2:29 ပူးပေါင်းရင်းမြစ်များ

1 ImiLando 29:17

Ngiyazi, Nkulunkulu wami, ukuba wena uhlola inhliziyo, uyabuthanda ubuqotho. Ngenhliziyo yami eqotho nginikele ngesihle zonke lezizinto; sengithokoza ngibona lababantu bakho abakhona lapha benikela kuwe ngesihle.

AmaHubo 45:13

Indodakazi yenkosi icecisiwe endlini yayo ngezambatho ezilegolide;

UJeremiya 4:14

Wena Jerusalema, hlambulula inhliziyo yakho kuphume ububi, ukuze uphephe. Koze kube nini imicabango yakho emibi ihlala phakathi kwakho na?

UJeremiya 4:4

Zisokeleni eNkosini, ukusoka kwenu kube ngokwenhliziyo, lina bantu bakoJuda labaseJerusalema, funa ulaka lwami luphembeke njengomlilo, luthungele, kungabi khona ongalucitsha, ngenxa yezenzo zenu ezimbi.

UJeremiya 9:25

Khangela, insuku ziyeza, kutsho iNkosi, lapho ngizatshaya bonke abasokileyo kodwa bengasokanga enhliziyweni;

ULukha 11:39

Yasisithi iNkosi kuye: Linake, baFarisi, lihlambulula ingaphandle yenkezo leyesitsha, kodwa ingaphakathi yenu igcwele ukuphanga lobubi.

ULukha 17:21

Njalo kabayikutsho ukuthi: Khangelani, nanku; ingabe ukuthi: Nankuya. Ngoba impela umbuso kaNkulunkulu uphakathi kwenu.

UJohane 12:43

ngoba bathanda udumo lwabantu kulodumo lukaNkulunkulu.

UJohane 4:23

Kodwa isikhathi siyeza, njalo sesifikile, lapho abakhonzi abaqotho bazakukhonza uBaba ngomoya langeqiniso; ngoba uBaba ufuna abamkhonzayo babe njalo.

UJohane 5:44

Lingakholwa kanjani nxa lisadumisana lodwa, lingalufuni udumo oluvela kuNkulunkulu oyedwa na?

AbaseRoma 14:17

Ngoba umbuso kaNkulunkulu kawusikho ukudla lokunatha, kodwa uyikulunga lokuthula lokuthokoza eMoyeni oNgcwele.

AbaseRoma 2:27

Ng’khonake ongasokanga ngokwemvelo, egcina umlayo, uzakuthonisisa wena othi ulombhalo lokusoka weqe umlayo.

AbaseRoma 3:1

Phoke, kuyini umJuda adlula abanye ngakho na? Ukusoka kulokusiza bani na?

AbaseRoma 7:6

Kodwa khathesi sesikhululiwe emlayweni, sifile mayelana lalokho esasibanjiwe yikho, ukuba sikhonze uNkulunkulu ekuphileni okutsha kukaMoya, singakhonzi ngokudala okulotshiweyo.

1 AbaseKhorinte 4:5

Ngakhoke lingathonisisi lutho isikhathi singakafiki, ingakafiki iNkosi. Ngoba izakuveza ekukhanyeni izinto ezifihlakeleyo emnyameni, izakuveza obala imicabango yenhliziyo zabantu. Laphoke ilowo lalowo uzakwamukela kuNkulunkulu ukubongwa okumfaneleyo.

1 AbaseKhorinte 7:19

Ngoba ukusoka kakusilutho, lokungasoki kakusilutho, kuphela ukulondoloza imilayo kaNkulunkulu.

2 AbaseKhorinte 10:18

Ngoba kasuye ozincomayo ovunywayo, kodwa yilowo onconywa yiNkosi.

2 AbaseKhorinte 3:6

ngoba nguye futhi osinike amandla okuba yizikhonzi zesivumelwano esitsha, okungesiso sokulotshiweyo kodwa esikaMoya; ngoba okulotshiweyo kuyabulala, kodwa uMoya uyaphilisa.

UDutheronomi 10:16

Ukusoka kwenu kakube ngokwenhliziyo, lingabe lisaba lenhliziyo ezilukhuni.

UDutheronomi 30:6

INkosi uNkulunkulu wenu izakuhlambulula inhliziyo zenu lenhliziyo zenzalo yenu, ukuba liyithande iNkosi uNkulunkulu wenu ngenhliziyo yenu yonke langomphefumulo wenu wonke ukuze liphile.

AbaseFiliphi 3:3

Ngoba singabokusoka thina esikhonza uNkulunkulu ngoMoya, siziqhenya kuKristu Jesu, singathembeli kokomzimba.

1 AbaseThesalonika 2:4

kodwa njengoba sivunyiwe nguNkulunkulu ukuba siphathiswe ivangeli, siyakhulumake, singenzeli ukuthokozisa abantu kodwa ukuthokozisa uNkulunkulu ohlolayo inhliziyo zethu.

1 UPhethro 3:4

Kodwa kakube ngumuntu osithekileyo wenhliziyo oceca ngokungagugiyo komoya omnene lokuthula, okuligugu phambi kukaNkulunkulu.

1 USamuyeli 16:7

Kodwa iNkosi yathi kuSamuweli: Ungakhangeli isimo sakhe lobude bakhe, ngoba ngimalile. INkosi kayibonisi okomuntu; umuntu ubona okusemehlweni, kodwa iNkosi ibona okusenhliziyweni.