AbaseRoma 2:22 - iBhayibhili Elingcwele 1978

²² Wena othi umuntu angafebi, uyafeba na? Wena onengwa yizithombe, uphanga amathempeli na?

IBhayibhili Elingcwele LesiNdebele

²² Wena othi abantu bangafebi, uyafeba na? Wena owenyanya izithombe, uyawaphanga amathempeli na?

AbaseRoma 2:22 ပူးပေါင်းရင်းမြစ်များ

AmaHubo 50:17

Ngoba uyakuzonda ukuqondiswa, lamazwi ami uyawadelela.

UJeremiya 5:7

Ngingakuthethelela kanjani? Abantwana bakho bangihlamukele, bafunga labo abangesibo onkulunkulu. Ngabanika ukudla okunengi, kodwa bafeba, baya ezindlini zezifebe.

UJeremiya 9:2

Kungathi ngabe ngilendawo yokuhlala enkangala, ukuba ngisuke ebantwini bami, ngibatshiye; ngoba bonke bayizifebe, balixuku labantu abakhohlisayo.

UHezekhiyeli 22:11

Omunye wenza amanyala lomfazi womakhelwana wakhe, lomunye awule lomalokazana wakhe, omunye angcolise udadewabo, indodakazi kayise.

UMalaki 1:14

Kaqalekiswe umkhohlisi ogcwalisa izifungo zakhe ngokuhlabela iNkosi okonakeleyo, yena elenqama engelasici emhlambini wakhe. Ngoba ngiyinkosi enkulu, kutsho iNkosi yamabandla, lebizo lami liyesabeka phakathi kwezizwe.

UMalaki 1:8

Lapho linikela inyamazana eyisiphofu ibe ngumhlatshelo, lokho kakukubi na? Lapho linikela inyamazana eqhulayo legulayo, lokho kakukubi na? Akukunike umbusi wakho lokho; kambe angathokoza ngawe na? Angaba lomusa kuwe na? kutsho iNkosi yamabandla.

UMalaki 3:8

Umuntu angamphanga uNkulunkulu na? Lina liyangiphanga. Kodwa lina lithi: Sikuphanga kanjani na? Ngithi: Ngokwetshumi kwenu langeminikelo yenu.

UMatewu 12:39

Wabaphendula wathi: Isizukulwana esibi lesifebayo sifuna isibonakaliso; kodwa kasiyikunikwa sibonakaliso, kuphela isibonakaliso sikaJona umprofethi.

UMatewu 16:4

Isizukulwana esibi lesifebayo sifuna isibonakaliso, kodwa kasiyikunikwa sibonakaliso kuphela isibonakaliso sikaJona. Wabatshiya wahamba.

UMakho 11:17

Wafundisa, wathi kubo: Kakulotshiwe yini ukuthi indlu yami izakubizwa ngokuthi yindlu yokukhuleka yezizwe zonke? Kodwa lina seliyenze ubhalu lwabaphangi.

Imisebenzi 19:37

Ngoba lilethe lamadoda lapha angesibo abaphangi bamathempeli loba abahlambaza unkulunkulukazi wethu.

AbaseRoma 12:9

Uthando lwenu kalube qotho. Zondani okubi, libambelele kokulungileyo.

UJakhobe 4:4

Zifebendini, kalazi yini ukuthi ukuthandana lomhlaba kuyibutha kuNkulunkulu na? Ngakhoke lowo othanda ukuba ngumhlobo womhlaba, uzenza abe yisitha sikaNkulunkulu.