AbaseRoma 16:12 - iBhayibhili Elingcwele 1978

¹² Bingelelani uTrifina loTrifosa abasebenzela iNkosi. Bingelelani uPersisi othandekayo owayisebenzela kakhulu iNkosi.

IBhayibhili Elingcwele LesiNdebele

¹² Bingelelani uTrayifina loTrifosa, abesifazane labo abasebenza kakhulu eNkosini. Bingelelani umngane wami othandekayo, uPhesisi, omunye owesifazane osesebenze kakhulukazi eNkosini.

AbaseRoma 16:12 ပူးပေါင်းရင်းမြစ်များ

UMatewu 5:47

Futhi uba libingelela abafowenu bodwa, lenzani okukhulu okudlula okwabanye na? Kabenzi njalo labathelisi yini?

UMatewu 9:38

Ngakhoke celani eNkosini yokuvuna ukuba ithumele izisebenzi ekuvuneni kwayo.

AbaseRoma 16:11

Bingelelani uHerodiyoni isihlobo sami. Bingelelani abendlu kaNarkisu abaseNkosini.

AbaseRoma 16:13

Bingelelani uRufusi okhethiweyo eNkosini, lonina ongumama.

1 AbaseKhorinte 15:10

Kodwa ngomusa kaNkulunkulu ngiyikho lokho engiyikho khona, umusa wakhe kimi kawubanga yize; isibili, ngisebenze kakhulu kulabo bonke; kanti kasimi engasebenzayo, kodwa ngumusa kaNkulunkulu okimi.

1 AbaseKhorinte 15:58

Ngakhoke, bazalwane abathandekayo, manini, lingasikinyeki, likhuthale kakhulu emsebenzini weNkosi, lazi ukuthi ukusebenza kwenu kakusilo ize eNkosini.

1 AbaseKhorinte 16:16

ngiyalincenga ukuba lizehlisele ngaphansi kwabanjalo labo bonke abasebenza kanye labo.

AbaseKholose 1:29

Ngitshikatshikela khona lokho, ngizama ngamandla wonke kaKristu asebenza ngawo kimi.

AbaseKholose 4:12

Uyalibingelela uEpafra omunye wakini, inceku kaKristu Jesu; uyalikhulekela kakhulu ngezikhathi zonke ukuba lime liphelele liqine entandweni yonke kaNkulunkulu.

1 AbaseThesalonika 1:3

sikhumbula phambi kukaNkulunkulu wethu uBaba izenzo zenu zokukholwa, lomsebenzi wenu wothando, lokuqina kwethemba lenu eNkosini uJesu Kristu.

1 uTimothi 4:10

Sisebenzela lokho, siyatshikatshika, ngoba sithembele kuNkulunkulu ophilayo onguMsilisi wabo bonke abantu, ikakhulu bona abakholwayo.