AbaseRoma 15:5 - iBhayibhili Elingcwele 1978

⁵ Kungathi uNkulunkulu wokubekezela lenduduzo angalipha ukuba libe nhliziyonye njengoKristu Jesu,

IBhayibhili Elingcwele LesiNdebele

⁵ Sengathi uNkulunkulu onika ukubekezela lenkuthazo angalipha umoya wokumanyana phakathi kwenu lapho lilingisa uKhristu Jesu,

AbaseRoma 15:5 ပူးပေါင်းရင်းမြစ်များ

2 ImiLando 30:12

Isandla seNkosi sasilabakoJuda ukubanika inhliziyonye ukwenza lokho inkosi lezikhulu ezazikutshilo ngelizwi leNkosi uNkulunkulu.

AmaHubo 86:5

Ngoba wena, Nkosi, ulungile, uyathethelela; uthando lwakho olungapheliyo lukhulu kubo bonke abakhuleka kuwe.

U-Eksodasi 34:6

INkosi yedlula phambi kwakhe, yamemeza yathi: YiNkosi! YiNkosi! nguNkulunkulu olesihawu olomusa, ophuza ukuthukuthela, ogcwele uthando olungapheliyo lobuqotho,

UJeremiya 32:39

Ngizabanika inhliziyonye lendlelanye, ukuba bangesabe zonke insuku, kube kuhle kubo lakubantwana babo emva kwabo.

UHezekhiyeli 11:19

Ngizabanika inhliziyonye, ngifake umoya omutsha phakathi kwabo, ngikhuphe inhliziyo elukhuni kibo, ngibanike inhliziyo ebuthakathaka,

Imisebenzi 4:32

Ixuku labakholwayo lalinhliziyonye lomoya munye; kungekho loyedwa owathi impahla zakhe zingezakhe, kodwa bahlanganyela izinto zonke.

AbaseRoma 12:16

Hlalisanani kuhle, lingazikhukhumezi, kodwa lihlangane labathobileyo, lingazitshayi abahlakaniphileyo.

AbaseRoma 15:13

Kungathi uNkulunkulu wethemba angaligcwalisa ngentokozo yonke langokuthula konke ekukholweni kwenu, ukuze ngamandla kaMoya oNgcwele likhule ethembeni.

AbaseRoma 15:3

Ngoba uKristu kazithokozisanga yena, kodwa kunjengokuba kulotshiwe ukuthi: Ukuthuka kwabakuthukayo kwehlela phezu kwami.

1 AbaseKhorinte 1:10

Ngiyalincenga, bazalwane, ngebizo leNkosi yethu uJesu Kristu, ukuthi lonke likhulume ilizwi libe linye, kungabi khona ukwahlukana phakathi kwenu, kodwa lipheleliswe emqondweni munye lasekuboneni kunye.

2 AbaseKhorinte 13:11

Elokucinake, bazalwane, salani kuhle; liphelele, lilalele ukuncenga kwami, lizwane, lihlale ngokuthula; uNkulunkulu wothando lowokuthula uzakuba lani.

2 AbaseKhorinte 7:6

Kodwa uNkulunkulu oduduza abadanileyo wasiduduza ngokufika kukaTitosi,

Abase-Efesu 5:2

lihambe ngothando, njengalokhu uKristu wasithanda, wazinikela ngenxa yethu, abe ngumnikelo lomhlatshelo olephunga elimnandi kuNkulunkulu.

AbaseFiliphi 1:27

Kuphela hambani ngokufanele ivangeli likaKristu, kuze kuthi, loba ngifika kini loba ngingekho, ngizwe indaba zenu zokuthi liqinile emoyeni munye, lasengqondweninye lilwela ukukholwa kwevangeli,

AbaseFiliphi 2:2

gcwalisani ukuthokoza kwami ngokuba langqondonye, libe lothando lunye, libe lenhliziyonye lokuqonda kunye.

AbaseFiliphi 3:16

Kasihambe ngalezondlela esesifinyelele kuzo.

AbaseFiliphi 4:2

Ngiyabalaya uYuwodiya loSintike ukuba babe lomqondo munye eNkosini.

1 UPhethro 3:20

eyababekade bengalaleli, lapho uNkulunkulu ngokubekezela ebalindele ensukwini zikaNowa umkolo usakhiwa, okwasiliswa abayingcosana ngawo amanzi, okuyikuthi abantu abaficaminwembili.

1 UPhethro 3:8

Okokucina, wobani lanhliziyonye lonke, lizwelane, lithande abazalwane, libe lobubele lokuthobeka,

2 UPhethro 3:15

Lithi ukubekezela kweNkosi yethu kuyikusilisa, njengalokhu lomzalwane wethu othandekayo uPawuli walilobela, watsho njalo ngokuhlakanipha akuphiweyo;

2 UPhethro 3:9

INkosi kayilibali ukusigcwalisa isithembiso sayo njengalokhu abanye besithi iyalibala, kodwa iyalibekezelela ingathandi ukuba kubhubhe lamunye, kodwa ukuba bonke bafinyelele ekuphendukeni.