AbaseRoma 14:4 - iBhayibhili Elingcwele 1978

⁴ Ungubani wena osola inceku yomunye na? Ngoba ukuma ingabe ukuwa kwayo kuyindaba yeNkosi yayo; izakuma isibili, ngoba iNkosi ilamandla okuyimisa.

IBhayibhili Elingcwele LesiNdebele

⁴ Ungubani wena ukuba wahlulele inceku yomunye? Ukuma lokuwa kwayo ngokwenkosi yayo. Izakuma, ngoba iNkosi ilamandla okuyimisa.

AbaseRoma 14:4 ပူးပေါင်းရင်းမြစ်များ

AmaHubo 17:5

Izinyathelo zami zinamathele ezindleleni zakho, lenyawo zami kazitshelelanga.

AmaHubo 37:17

Ngoba amandla ababi azakwaphulwa, kodwa iNkosi iyamsekela olungileyo.

AmaHubo 37:24

loba esiwa, kayikutshayeka phansi, ngoba iNkosi ibamba isandla sakhe.

AmaHubo 37:28

Ngoba iNkosi ithanda ukulunga, kayiyikubatshiya abalungileyo bayo. Abalungileyo bazakulondolozwa kuze kube nininini, kodwa abantwana bababi bazakuchithwa.

U-Isaya 40:29

Inika amandla labo abaphelelwa ngamandla, longelamandla iyawandisa amandla akhe.

Imisebenzi 11:17

Ngakhoke uba uNkulunkulu ebanikile isiphiwo njengalokhu asinika thina esakholwa eNkosini uJesu Kristu, ngingubani mina ukuba ngimvimbele uNkulunkulu na?

AbaseRoma 11:23

Lalabo, uba beyekela ukungakholwa kwabo, bazakuxhunyelwa, ngoba uNkulunkulu ulamandla okubaxhuma.

AbaseRoma 14:3

Lowo odlayo kangamdeleli ongadliyo; ongadliyo kangamsoli odlayo; ngoba uNkulunkulu umamukele.

AbaseRoma 16:25

Kuye olamandla okuliqinisa ngokwevangeli lami langokutshunyayelwa kukaJesu Kristu, langokwambulwa kwemfihlakalo eyayifihliwe ngezikhathi zakade,

AbaseRoma 9:20

Kodwa, wena muntu, ungubani wena ophikisana loNkulunkulu na? Okubunjiweyo kungatsho yini kowakubumbayo ukuthi: Wangenzelani ngaba njalo na?

AmaHebheru 7:25

Ngakhoke ulamandla okusilisa ngokupheleleyo abeza kuNkulunkulu ngaye, lokhu ephilela ukubanxusela.

1 UPhethro 1:5

lina elilondolozwe ngamandla kaNkulunkulu ngokukholwa ukuba libe lokusiliswa okulungiselwe ukwambulwa ngesikhathi sokucina.

UJuda 1:24

Kuye olamandla okulilinda ukuba lingakhubeki, lokulimisa phambi kwenkazimulo yakhe lingelasici, lilokuthokoza okukhulu,