AbaseRoma 13:9 - iBhayibhili Elingcwele 1978

⁹ Ngoba limithetho ethi: Ungafebi, ungabulali, ungebi, ungabi lamhawu; loba kukhona omunye umlayo, yonke ihlanganiswa kulelilizwi elithi: Wothanda umakhelwana wakho njengalokhu uzithanda wena.

IBhayibhili Elingcwele LesiNdebele

⁹ Imilayo ethi, “Ungafebi, Ungabulali, Ungebi, Ungahawukeli” kanye leminye imilayo engabe ikhona ihlanganiswa ngumthetho lo othi: “Thanda umakhelwane wakho njengoba uzithanda.”

AbaseRoma 13:9 ပူးပေါင်းရင်းမြစ်များ

ULevi 19:18

Lingaphindiseli, lingabi lasikhwili labantwana babakini; thandani umakhelwane wenu njengalokhu lizithanda lina. NgiyiNkosi.

ULevi 19:34

Owezizweni ohlala lani uzakuba njengowokuzalwa elizweni phakathi kwenu, limthande njengalokhu lizithanda lina; ngoba lani lalingabantu bezizweni elizweni laseGibithe. NgiyiNkosi uNkulunkulu wenu.

UMatewu 22:39

Owesibili ufana lawo uthi: Wothanda umakhelwane wakho njengalokhu uzithanda wena.

UMakho 10:19

Uyayazi imilayo ethi: Ungabulali, ungafebi, ungebi, ungafakazi amanga, ungadlelezeli, hlonipha uyihlo lonyoko.

UMakho 12:31

Owesibili yilo: Wothanda umakhelwane wakho njengalokhu uzithanda wena. Kawukho omunye umlayo omkhulu kulale.

ULukha 10:27

Saphendula sathi: Wothanda iNkosi uNkulunkulu wakho ngenhliziyo yakho yonke, langomphefumulo wakho wonke, langamandla akho wonke, langengqondo yakho yonke, lomakhelwane wakho njengalokhu uzithanda wena.

ULukha 18:20

Uyayazi imilayo ethi: Ungafebi, ungabulali, ungebi, ungafakazi amanga, hlonipha uyihlo lonyoko.

AbaseGalathiya 5:13

Lina, bazalwane, labizelwa ekukhululekeni; lingenzi inkululeko yenu ibe lithuba lokukholisa umzimba kodwa ngothando sizanani omunye lomunye.