AbaseRoma 13:12 - iBhayibhili Elingcwele 1978

¹² Ubusuku sebudlulile, sekuzakusa. Ngakhoke asilahle imisebenzi yomnyama, sihlome izikhali zokukhanya.

IBhayibhili Elingcwele LesiNdebele

¹² Ubusuku sebuzadlula; ukusa sekusondele. Ngakho kasilahleni imisebenzi yobumnyama sigqoke isivikelo sokukhanya.

AbaseRoma 13:12 ပူးပေါင်းရင်းမြစ်များ

Ingoma 2:17

Emadabukakusa kusapholile, kusesemnyama. phenduka, wena sithandwa sami, uziveze njengempala lanjengegogo phezu kwezintaba ezimakhelekethe.

U-Isaya 2:20

Ngalolosuku abantu bazakulahlela emagundwaneni lakubolulwane izithombe zabo zesiliva lezegolide abazenzela zona ukuba bakhuleke kuzo,

U-Isaya 30:22

Lizakudela izithombe zenu ezibaziweyo, zananyekwa ngesiliva, lezithombe zenu ezibunjiweyo, zananyekwa ngegolide, liziphose njengezinto ezingcolileyo, lithi kuzo: Sukani lapha.

AbaseRoma 13:14

Kodwa yambathani iNkosi uJesu Kristu; lingananzeleli ngokusuthisa inkanuko zomzimba.

1 AbaseKhorinte 10:11

Lezizinto zabehlela bona kube yisixwayiso kwabanye; zalotshelwa ukusilaya thina osekufike kithi ukucina kwesikhathi.

1 AbaseKhorinte 7:29

Ngitsho lokhu, bazalwane, ukuthi isikhathi sesinciphile; ngakho kusukela khathesi abalabafazi kababe njengabangelabo,

2 AbaseKhorinte 10:4

ngoba izikhali zokulwa kwethu kayisizo zasemhlabeni, kodwa zilamandla kaNkulunkulu okubhidliza izinqaba.

2 AbaseKhorinte 6:7

langokukhuluma iqiniso, langamandla kaNkulunkulu, langokusebenzisa izikhali zokulunga ngesandla sokunene langesokhohlo;

Abase-Efesu 4:22

ukuba lilahle isimo esidala esokonakeleyo ngezinkanuko zenkohliso, esingesokuhamba kwenu kokuqala,

Abase-Efesu 5:11

Lingahlanganyeli lemisebenzi yomnyama engelazithelo, kodwa ivezeni obala.

Abase-Efesu 5:8

Ngoba lalingumnyama, kodwa khathesi liyikukhanya eNkosini. Hambani njengabantwana bokukhanya,

AmaHebheru 10:25

singadeleli ukuhlangana kwethu njengomkhuba wabanye, kodwa sivuselelane, ikakhulu njengoba libona Usuku selusondela.

AmaHebheru 12:1

Ngakhoke lathi, lokhu sihanqwe lixuku elingaka labofakazi, asilahle konke okusindayo lesono esithandele kangaka kithi, sigijime ngokubekezela lokhukuncintanisana esikumiselweyo,

UJakhobe 1:21

Ngakhoke lahlani amanyala wonke lokwanda kakhulu kokubi, lamukele ngomoya wobumnene ilizwi elihlanyelweyo, elilamandla okusilisa imiphefumulo yenu.

UJakhobe 5:8

Lanike bekezelani, liqinise inhliziyo zenu, ngoba ukufika kweNkosi sekusondele.

1 UPhethro 2:1

Ngakho lahlani ububi bonke, lobuqili bonke, lokuzenzisa, lomhawu, lokuhleba.

1 UPhethro 4:7

Ukuphela kwezinto zonke sekusondele. Ngakho zikhuzeni, liqonde, likhuleke.

2 UPhethro 3:11

Njengoba konke kuzakuncibilika ngokunjalo, kumele ukuba linanzelele ukuthi lingabantu abanjani ekuhambeni kwenu okungcwele lasekukhonzeni uNkulunkulu,

2 UPhethro 3:9

INkosi kayilibali ukusigcwalisa isithembiso sayo njengalokhu abanye besithi iyalibala, kodwa iyalibekezelela ingathandi ukuba kubhubhe lamunye, kodwa ukuba bonke bafinyelele ekuphendukeni.

1 UJohane 2:18

Bantwana, sekuyisikhathi sokucina. Njengalokhu lezwa kuthiwa uMphikukristu uyeza, lakhathesi sebekhona abanengi abaphikukristu; ngalokhu siyazi ukuthi sekuyisikhathi sokucina.

Isambulo 1:3

Ubusisiwe owafundayo amazwi alesisiprofethi, babusisiwe lalabo abezwayo bagcine okulotshiweyo kuso, ngoba isikhathi siseduze.

Isambulo 22:10

Sathi kimi: Ungawenzi imfihlo amazwi esiprofethi alotshiweyo kulincwadi, ngoba isikhathi siseduze.