AbaseRoma 13:11 - iBhayibhili Elingcwele 1978

¹¹ Langaphandle kwalokhu yazini ukuthi lesisikhathi sinjani; yisikhathi sokuba livuke ebuthongweni. Ngoba ukusiliswa kwethu sekusondele kithi khathesi kulalesosikhathi esaqala ukukholwa ngaso.

IBhayibhili Elingcwele LesiNdebele

¹¹ Njalo yenzani lokhu liqedisisa isikhathi sakhathesi. Isikhathi sesifikile ukuba livuke ebuthongweni benu, ngoba ukusindiswa kwethu khathesi sekuseduze kakhulu kulekuqaleni kwethu ukukholwa.

AbaseRoma 13:11 ပူးပေါင်းရင်းမြစ်များ

UmTshumayeli 9:10

Lokho okwenzayo ukwenze kuhle, ngoba kawukho umsebenzi lomcabango lolwazi lokuhlakanipha endaweni yabafileyo lapho uya khona.

UJona 1:6

Induna yomkolo, yamfica khona yathi kuye: Ulani wena olele ubuthongo na? Vuka, ukhuleke kunkulunkulu wakho; mhlawumbe lunkulunkulu uzasikhumbula ukuba singabhubhi.

UMatewu 16:3

kuthi ekuseni lithi: Lizakuna lamhla ngoba umkhathi ubomvu, lithwele. Liyakwazi ukuchasisa ukuma komkhathi kodwa kalikwazi ukuchasisa izibonakaliso zezikhathi.

ULukha 21:28

Nxa kuqala ukwenzeka lezizinto, lulamani, liphakamise amakhanda enu, ngoba kusondele ukukhululwa kwenu.

1 AbaseKhorinte 10:11

Lezizinto zabehlela bona kube yisixwayiso kwabanye; zalotshelwa ukusilaya thina osekufike kithi ukucina kwesikhathi.

1 AbaseKhorinte 15:34

Phaphamani ngokufaneleyo, lingoni futhi; ngoba abanye kabamazi uNkulunkulu; ngitsho lokhu ukuba libe lenhloni.

Abase-Efesu 5:14

Ngakhoke kuthiwa: Phaphama wena oleleyo, uvuke kwabafileyo, uKristu uzakukukhanyisela.

UJakhobe 5:8

Lanike bekezelani, liqinise inhliziyo zenu, ngoba ukufika kweNkosi sekusondele.

1 UPhethro 4:7

Ukuphela kwezinto zonke sekusondele. Ngakho zikhuzeni, liqonde, likhuleke.

2 UPhethro 3:11

Njengoba konke kuzakuncibilika ngokunjalo, kumele ukuba linanzelele ukuthi lingabantu abanjani ekuhambeni kwenu okungcwele lasekukhonzeni uNkulunkulu,

2 UPhethro 3:9

INkosi kayilibali ukusigcwalisa isithembiso sayo njengalokhu abanye besithi iyalibala, kodwa iyalibekezelela ingathandi ukuba kubhubhe lamunye, kodwa ukuba bonke bafinyelele ekuphendukeni.

1 UJohane 2:18

Bantwana, sekuyisikhathi sokucina. Njengalokhu lezwa kuthiwa uMphikukristu uyeza, lakhathesi sebekhona abanengi abaphikukristu; ngalokhu siyazi ukuthi sekuyisikhathi sokucina.

Isambulo 1:3

Ubusisiwe owafundayo amazwi alesisiprofethi, babusisiwe lalabo abezwayo bagcine okulotshiweyo kuso, ngoba isikhathi siseduze.

Isambulo 22:10

Sathi kimi: Ungawenzi imfihlo amazwi esiprofethi alotshiweyo kulincwadi, ngoba isikhathi siseduze.

Isambulo 22:12

Khangela, ngiyeza masinyane, ngilomvuzo wami ukunika lowo lalowo njengemisebenzi yakhe.

Isambulo 22:20

Ofakaza ngalezizinto uthi: Impela ngiyeza masinyane. Ameni. Woza Nkosi Jesu!