AbaseRoma 12:7 - iBhayibhili Elingcwele 1978

⁷ uba siyikukhonza, kakube senkonzweni. Ofundisayo kasebenzise isiphiwo sakhe ekufundiseni,

IBhayibhili Elingcwele LesiNdebele

⁷ Nxa siyikukhonza, kakhonze: nxa siyikufundisa, kafundise;

AbaseRoma 12:7 ပူးပေါင်းရင်းမြစ်များ

AmaHubo 34:11

Wozani, bantwana, lingilalele, ngizakulifundisa ukuyesaba iNkosi.

AmaHubo 51:13

Ng’khona ngizakufundisa abaphambukayo indlela zakho, lezoni zizakuphendukela kuwe.

UmTshumayeli 12:9

Ngokuhlakanipha umtshumayeli wabafundisa abantu ulwazi, esecabangile wafunda walungisa izaga ezinengi.

U-Isaya 21:8

Umlindi wasememeza esithi: Nkosi, ngimi enqabeni, ngimi usuku lonke, ngimi ubusuku bonke endaweni yami yokulinda.

UMatewu 28:19

ngakho hambani lenze izizwe zonke zibe ngabafundi, libabhaphathize ebizweni likaYise, leleNdodana, lelikaMoya oNgcwele,

UJohane 3:2

Yena weza kuye ebusuku, wathi kuye: Mfundisi, siyazi ukuthi ungumfundisi ovela kuNkulunkulu, ngoba kakho ongenza lezizibonakaliso ozenzayo uba uNkulunkulu engelaye.

Imisebenzi 13:1

Kwakukhona ebandleni laseAntiyoki abaprofethi labafundisi, oBarnabasi, loSimiyoni othiwa nguNigeri, loLukiyu waseKurene, loManayeni owayondliwe kanye loHerodi umbusi, loSawuli.

Imisebenzi 20:20

lokuthi kangigodlanga lutho olusizayo kini, ngalifundisa phambi kwabantu lakuzo izindlu ngezindlu,

Imisebenzi 20:28

Ziqapheleni lina lawo wonke umhlambi alibeke kuwo uMoya oNgcwele ukuba libe ngababonisi bokwalusa ibandla leNkosi ezizuzele lona ngegazi layo.

Imisebenzi 6:1

Kwathi ngalezonsuku abafundi sebandile, kwavela ukusola phakathi kwabaJuda abakhuluma isiGriki lamaHeberu, ngoba abafelwakazi babo babencitshwa ekwabelweni kwensuku ngensuku.

1 AbaseKhorinte 12:28

UNkulunkulu umisile abathile ebandleni; kuqala abaphostoli, okwesibili abaprofethi, okwesithathu abafundisi, besekusiba abenzi bezimangaliso, besekusiba abasilisayo, labasizayo, labaphathi, labakhuluma ngendimi ezehlukeneyo.

1 AbaseKhorinte 12:5

Kukhona izinkonzo ezehlukeneyo, kodwa iNkosi yinye.

1 AbaseKhorinte 14:26

Phoke, bazalwane? Nxa libuthana, ilowo lalowo uba lehubo, loba isifundiso, loba isambulelo, loba ulimi, ingabe ukuchasisa ulimi; konke kakwenzelwe ukwakhiwa kwebandla.

AbaseGalathiya 6:6

Ofundiswayo ilizwi kahlanganyele lalowo omfundisayo ezintweni zonke ezinhle.

Abase-Efesu 4:11

Wanika izipho zakhe ukuba abanye babe ngabaphostoli, abanye babe ngabaprofethi, abanye babe ngabavangeli, labanye babe ngabelusi bebandla, abanye babe ngabafundisi,

UDutheronomi 33:10

Bazamfundisa uJakobe izimiso zakho, loIsrayeli umlayo wakho; bazabeka impepha phambi kwakho, lomnikelo wonke wokutshiswa ealtareni lakho.

AbaseKholose 4:17

Limtshele uArkipho lithi: Qaphela inkonzo oyamukele eNkosini, ukuba uyiphelelise.

1 uTimothi 2:7

Ngamiselwa khona mina ukuba ngibe ngumtshumayeli lomphostoli; ngikhuluma iqiniso, kangiqambi manga; yebo, ngibe ngumfundisi wabezizwe ekukholweni laseqinisweni.

1 uTimothi 3:2

Umalusi webandla umele ukuba abe ngumuntu ongasolekiyo, indoda elomfazi munye, ozithintayo, oqondileyo, oziphatha ngokufaneleyo, ophatha kuhle izihambi, olelisu lokufundisa,

1 uTimothi 4:16

Zinanzelele wena kanye lokufundisa kwakho; ukhuthale kulezizinto; ngoba ngokwenza njalo uzakuzisilisa wena kanye lalabo abakuzwayo.

1 uTimothi 5:17

Abadala bebandla abaphatha kuhle kakuthiwe bafanele ukuhlonitshwa ngokuphindiweyo, ikakhulu labo abakhuthalela ukutshumayela lokufundisa.

2 uTimothi 2:2

Lokho okuzwileyo kimi phambi kwabofakazi abanengi kunikele amadoda athembekileyo azakuba lamandla okukufundisa labanye.

2 uTimothi 2:24

Inceku yeNkosi kayifanele ukulwa, kodwa kayibe mnene kibo bonke, ibe lelisu lokufundisa, ibekezele,

2 uTimothi 4:2

ukuba utshumayele ilizwi, uqinise ngazo izikhathi ezilungileyo lezingalunganga, usole, ukhuze, weluleke, ungadinwa yikubekezela lokufundisa.

1 USamuyeli 12:23

Minake kakube khatshana lami ukuba ngone eNkosini ngokuyekela ukulikhulekela; ngizalifundisa indlela enhle lelungileyo.