AbaseRoma 12:1 - iBhayibhili Elingcwele 1978

¹ Ngakhoke, bazalwane, ngiyalincenga ukuba, ngesihawu sikaNkulunkulu, linikele imizimba yenu ibe ngumnikelo ophilileyo, ongcwele, owamukelekayo kuNkulunkulu, kube yikukhonza kwenu okuqotho.

IBhayibhili Elingcwele LesiNdebele

¹ Ngakho-ke, ngiyalincenga bazalwane, ngenxa yomusa kaNkulunkulu, ukuba linikele imizimba yenu njengemihlatshelo ephilayo, engcwele lemthokozisayo uNkulunkulu, okuyikukhonza kwenu ngomoya.

AbaseRoma 12:1 ပူးပေါင်းရင်းမြစ်များ

AmaHubo 116:12

Ngizakuyinikani iNkosi ngazo zonke izenzo zayo ezinhle kimi na?

AmaHubo 19:14

Amazwi omlomo wami lemicabango yenhliziyo yami kakwamukeleke kuwe, Nkosi, dwala lami lomhlengi wami.

U-Isaya 56:7

laba ngizabaletha entabeni yami engcwele, ngibathokozise endlini yami yokukhulekela; iminikelo yabo yokutshiswa lemihlatshelo yabo izakuvunywa ealtareni lami, ngoba indlu yami izakubizwa ngokuthi yindlu yokukhulekela yezizwe zonke.

UJeremiya 6:20

Ngilendaba yini lenhlaka evela eSheba, lemfe evela elizweni elikhatshana na? Iminikelo yenu yokutshiswa kayamukeleki, lemihlatshelo yenu kayingithokozisi.

UHosiya 14:2

Lungisani amazwi enu, libuye eNkosini; lithi kiyo: Susa konke okubi kithi ukuba wamukele okuhle, sikudumise ngemilomo yethu.

AmaNani 7:21

inkunzi eyodwa, lenqama eyodwa, lewundlu elilomnyaka munye, zibe ngumnikelo wokutshiswa;

ULukha 7:47

Ngenxa yalokhu ngithi kuwe: Izono zakhe ezinengi zithethelelwe, ngoba uthandile kakhulu. Kodwa lowo othethelelwa kancinyane uthanda kancinyane.

AbaseRoma 12:2

Lingalingisi lumhlaba, kodwa liphendulwe ngokwenziwa zibentsha ingqondo zenu, ukuze libonisise okuyintando kaNkulunkulu, lokulungileyo, lokwamukelekayo, lokupheleleyo.

AbaseRoma 15:16

wokuba ngibe yisikhonzi sikaKristu Jesu kwabezizwe, ngikhonze ngevangeli likaNkulunkulu njengompristi, ukuze ukunikela kwami abezizwe kwamukeleke, kwenziwe kube ngcwele nguMoya oNgcwele.

AbaseRoma 15:30

Ngiyalincenga, bazalwane, ngayo iNkosi yethu uJesu Kristu langothando lukaMoya, ukuba lizame kanye lami ngokungikhulekela kuNkulunkulu,

AbaseRoma 2:4

Kumbe uyabeyisa yini ubukhulu besihawu sakhe lobokubekezela lobesineke sakhe na? Kawazi yini ukuba isihawu sikaNkulunkulu sikudonsela ekuphendukeni na?

AbaseRoma 6:13

Linganikeli izitho zenu esonweni, zibe yizikhali zokungalungi; kodwa zinikeleni lina kuNkulunkulu njengabavusiweyo kwabafileyo abaphilayo, linikele izitho zenu kuNkulunkulu zibe yizikhali zokulunga;

AbaseRoma 6:16

Kalazi yini ukuthi lowo elizinikela kuye ukuba libe yizigqili zokumlalela, liyizigqili zakhe elimlalelayo, loba ezesono okusa ekufeni, loba ezokulalela okuletha ukulunga na?

AbaseRoma 6:19

Ngikhulumisa okwabantu ngenxa yobuthakathaka benu. Ngoba njengalokho lanikela izitho zenu ukuba zikhonze amanyala lobubi, kube khona ububi obukhulu, ngokunjaloke zinikeleni izitho zenu khathesi ukuba zikhonze ukulunga, kube khona ubungcwele.

AbaseRoma 9:23

ukuze abonakalise inotho yenkazimulo ezitsheni zomusa ayezilungisele inkazimulo yakhe ngaphambili na?

1 AbaseKhorinte 1:10

Ngiyalincenga, bazalwane, ngebizo leNkosi yethu uJesu Kristu, ukuthi lonke likhulume ilizwi libe linye, kungabi khona ukwahlukana phakathi kwenu, kodwa lipheleliswe emqondweni munye lasekuboneni kunye.

2 AbaseKhorinte 10:1

Mina Pawuli uqobo ngiyalincenga ngobumnene langothando lukaKristu, mina engithobileyo nxa ngikhona phakathi kwenu, njengokutsho kwenu, kodwa engilesibindi nxa ngingekho.

2 AbaseKhorinte 4:1

Ngakhoke, lokhu siyinikiwe linkonzo ngobubele bukaNkulunkulu, kasidinwa.

2 AbaseKhorinte 4:16

Ngakhoke kasidinwa. Loba umuntu wethu wangaphandle ebhubha, umuntu wethu wangaphakathi wenziwa abe mutsha insuku zonke.

2 AbaseKhorinte 5:20

Ngakhoke siyizithunywa zikaKristu okuyikuthi uNkulunkulu uyalincenga ngathi; lathi siyalincenga esikhundleni sikaKristu sithi: Buyisanani loNkulunkulu.

2 AbaseKhorinte 6:1

Thina esisebenza kanye laye siyalincenga ukuba lingawamukeli ngeze umusa kaNkulunkulu.

Abase-Efesu 4:1

Ngakhoke mina sibotshwa ngenxa yeNkosi ngiyalincenga ukuba lihambe ngokufanele ukubizwa elabizwa ngakho,

Abase-Efesu 5:10

Qedisisani okuthandekayo eNkosini.

UDutheronomi 14:2

Ngoba lingabantu abangcwele eNkosini yenu; ilikhethile ukuba libe ligugu layo phakathi kwezizwe zonke zasemhlabeni.

AbaseFiliphi 1:20

njengokufisa lokuthemba kwami okukhulu ukuthi kangiyikuyangeka, kodwa ngesibindi sonke, khathesi langezikhathi zonke, uKristu uzakudunyiswa emzimbeni wami, loba ngisila loba ngisifa.

AbaseFiliphi 2:17

Yebo, loba nginikelwa emhlatshelweni ongumnikelo wokukholwa kwenu, ngiyathokoza kanye lani lonke.

AbaseFiliphi 4:18

Kodwa ngilakho konke ngokupheleleyo; nganelisiwe nginikwe nguEpafrodithu iziphiwo elazithumelayo, eziliphunga elihle, umnikelo omuhle lowamukelekayo kuNkulunkulu.

1 AbaseThesalonika 4:1

Elokucinake, bazalwane, siyalincenga, sililaya ngeNkosi uJesu ukuba njengalokhu lakufunda kithi ukuthi lifanele ukuhamba lokumthokozisa kanjani uNkulunkulu, njengalokho lihamba ngokunjalo, kwenzenike lokhu kakhulu.

1 AbaseThesalonika 4:10

Lempela liyakwenza lokhu, liyabathanda bonke abazalwane abaseMakedoniya lonke. Kodwa siyalilaya, bazalwane, ukuba likwenze lokhu kakhulu,

1 AbaseThesalonika 5:12

Kodwa siyalincenga, bazalwane, ukuba libahloniphe labo abasebenza phakathi kwenu, abaliphetheyo eNkosini, labalelulekayo,

1 uTimothi 2:3

Lokhu kuhle, kuyabongeka phambi kukaNkulunkulu uMsilisi wethu

1 uTimothi 5:4

Uba umfelwakazi elabantwana loba abantwana bomntanakhe, kabafunde kuqala ukuhlonipha indlu yakwabo, benzele abazali babo okufaneleyo; ngoba lokhu kuyabongeka phambi kukaNkulunkulu.

UFilimoni 1:10

Ngiyakuncenga ngomntanami engimzeleyo ekubotshweni kwami, uOnesimo;

UFilimoni 1:9

kanti ngenxa yothando kungcono ukukuncenga, njengoba nginje mina Pawuli oyisithunywa, esengiyisibotshwa futhi ngenxa kaKristu Jesu.

AmaHebheru 13:22

Ngiyalincenga, bazalwane, lamukeleni ngesineke ilizwi lami lokulaya, ngoba ngililobele ngokufitshane.

1 UPhethro 2:20

Kulilethela udumo bani, uba libekezela lapho litshayelwa ukona na? Kodwa uba libekezela lapho lenza okuhle lihlupheke ngakho, lokhu kuyabongeka kuNkulunkulu.

1 UPhethro 2:5

njengamatshe aphilayo lakhiwe indlu yokomoya, libe yibupristi obungcwele, linikele imihlatshelo yokomoya eyamukelekayo kuNkulunkulu ngoJesu Kristu.