AbaseRoma 11:4 - iBhayibhili Elingcwele 1978

⁴ Kodwa uNkulunkulu emphendula wathini? Wathi: Ngizilondolozele mina amadoda azinkulungwane eziyisikhombisa angaguqanga ngamadolo kuBali.

IBhayibhili Elingcwele LesiNdebele

⁴ Impendulo kaNkulunkulu kuye yathini na? Yathi, “Ngizigodlele mina ngokwami abazinkulungwane eziyisikhombisa abangamkhothamelanga uBhali.”

AbaseRoma 11:4 ပူးပေါင်းရင်းမြစ်များ

1 AmaKhosi 16:31

Kwakungathi kakwanelanga kuye ukwenza izono zikaJerobowamu indodana kaNebati, wathatha uJezebeli indodakazi kaEthibali inkosi yaseSidoni ukuba abe ngumkakhe. Wakhonza uBali, wakhuleka kuye.

1 AmaKhosi 19:10

Wathi: Bengikutshisekela kakhulu, wena Nkosi, uNkulunkulu wamabandla, ngoba abantu bakoIsrayeli basephule isivumelwano sakho, badiliza amaaltare akho, babulala abaprofethi bakho; sekuyimi ngedwa engiseleyo, bayangizingela, bafuna ukungibulala.

1 AmaKhosi 19:18

Kodwa ngizatshiya koIsrayeli abantu abazinkulungwane eziyisikhombisa, bonke abangazanga baguqe ngamadolo abo kuBali, lemilomo yabo engazanga imange.

U-Isaya 4:3

Kuzakuthi bonke abaseleyo eZiyone, abatshiywe eJerusalema, bonke ababhaliweyo ogwalweni lokuphila, kuthiwe bangcwele,

UJeremiya 19:5

bakha izindawo eziphakemeyo zikaBali ukutshisa amadodana abo ngomlilo abe ngumnikelo wokutshiswa kuBali, into engingabalayanga yona ngayimisa, lengafikanga engqondweni yami.

UHosiya 13:1

Kwakuthi lapho uEfrayimi ekhuluma, abantu bathuthumele, wayemkhulu kuye wonke uIsrayeli; kodwa wazehlisela icala ngokukhonza uBali, wafa.

UHosiya 2:8

Wayengakwazi ukuba kwakuyimi engangimnika amabele lewayini elitsha lamafutha, ngimnika isiliva esinengi legolide elinengi abakusebenzisela uBali.

UZefaniya 1:4

Ngizaphakamisela isandla sami phezu kukaJuda laphezu kwabo bonke abakhileyo eJerusalema, ngiqede konke okuseleyo kukaBali kulindawo lebizo labapristi bezithombe,

AmaNani 25:3

Ngalokhu abakoIsrayeli bahlanganyela ukukhonza uBali wasePeyori; iNkosi yabathukuthelela.

UDutheronomi 4:3

Lakubona okwenziwa yiNkosi eBali‐Peyori; ngoba iNkosi uNkulunkulu wenu yabhubhisa phakathi kwenu bonke abantu abalandela uBali wasePeyori;

Abahluleli 2:13

Batshiya iNkosi, bakhonza oBali laboAshera.