AbaseRoma 11:22 - iBhayibhili Elingcwele 1978

²² Khangelake ububele lobukhali bukaNkulunkulu; ubukhali kulabo abawayo, kodwa kuwe kukhona ububele uba uhlala ebubeleni; uba kungenjalo, uzakuqunywa lawe.

IBhayibhili Elingcwele LesiNdebele

²² Ngakho cabangani ngesisa njalo lobulukhuni bukaNkulunkulu: ubulukhuni kulabo abawayo, kodwa isisa kini, nxa liqhubeka esiseni sakhe. Kungenjalo, lani lizaqunywa.

AbaseRoma 11:22 ပူးပေါင်းရင်းမြစ်များ

AmaHubo 31:19

Yeka ubukhulu bokulunga kwakho okubekele labo abakwesabayo, okwenzela phambi kwabantu labo abaphephela kuwe!

U-Isaya 66:14

Lizakubona lokhu, lenhliziyo yenu ithokoze; lemizimba yenu ikhule iqine; kuzakwaziwa ukuthi isandla seNkosi sesisencekwini zayo, izithukuthelele izitha zayo.

UHezekhiyeli 18:24

Kodwa nxa olungileyo ephambuka ekulungeni kwakhe, enze okubi, enze amanyala enziwa ngomubi, uzakuphila na? Izenzo zakhe zonke ezilungileyo abezenzile kazisayikukhunjulwa; ngenxa yenkohliso alecala ngayo, lesono asenzileyo, uzakufa.

UHezekhiyeli 3:20

Lalapho olungileyo ephambuka ekulungeni kwakhe, enze okubi, ngibeke isikhubekiso phambi kwakhe, uzakufa. Ngoba ungamxwayisanga yena, uzafela ezonweni zakhe kuthi izenzo zakhe ezilungileyo azenzileyo zingakhunjulwa. Kodwa igazi lakhe ngizalibiza kuwe.

ULukha 8:15

Okusemhlabathini omuhle yilabo abathi belizwile ilizwi, balibambe ngenhliziyo enhle lelungileyo, bathele izithelo ngokubekezela.

UJohane 15:2

Lolo lalologatsha olukimi, olungatheliyo izithelo, uyalususa. Lolo lalologatsha oluthela izithelo uyaluthena ukuze luthele kakhulu.

UJohane 8:31

Ngakho uJesu wathi kubaJuda abakholwe kuye: Uba lihlala elizwini lami, lingabafundi bami isibili;

Imisebenzi 11:23

Kwathi ukuba afike, wabona umusa kaNkulunkulu, wathokoza, wabalaya bonke ukuba babambelele eNkosini ngokuzimisela kwenhliziyo.

Imisebenzi 14:22

beqinisa imimoya yabafundi bebaluleka ukuba babambelele ekukholweni, besithi: Simele ukungena embusweni kaNkulunkulu ngenhlupheko ezinengi.

AbaseRoma 11:21

ngoba uba uNkulunkulu engayekelanga ingatsha zemvelo, lawe kayikukuyekela.

AbaseRoma 2:7

Labo abathi ngesineke bafune inkazimulo lodumo lokungabhubhi ngokwenza imisebenzi emihle, uzakubanika ukuphila okungapheliyo;

1 AbaseKhorinte 15:2

lelisiliswa ngalo uba libambelela kulo, uba kambe lingakholwanga ize.

AbaseGalathiya 6:9

Kasingadinwa yikwenza okuhle, ngoba ngesikhathi esifaneleyo sizakuvuna uba singadinwanga.

1 AbaseThesalonika 3:5

Ngenxa yalokhu, ngingaselamandla okubekezela, ngathumela ukuba ngazi ukukholwa kwenu, ngoba ngesaba ukuthi mhlawumbe umlingi ulilingile, lokuthi umsebenzi wethu ube yize.

1 AbaseThesalonika 3:8

ngoba khathesi siyavuselelwa, uba lina limi liqinile eNkosini.

AmaHebheru 10:23

Kasibambisise isivumo sokuthemba kwethu singanyikinyeki, ngoba uthembekile lowo owasithembisayo.

AmaHebheru 3:14

Ngoba siyahlanganyela kuKristu, uba sibambisisa ithemba lethu lokuqala kuze kube sekupheleni.

AmaHebheru 3:6

kodwa uKristu uthembekile phezu kwendlu kaNkulunkulu njengendodana. Thina siyindlu yakhe, uba sihlala silesibindi siziqhenya ngethemba lethu.

1 UJohane 2:19

Baphuma kithi, kodwa babengesibo abakithi; ngoba uba babengabakithi ngabe bahlala lathi; kodwa baphuma ukuze babonakalise ukuthi kabasibo bonke abakithi.

Isambulo 2:5

Ngakhoke khumbula lapho uwe khona, uphenduke, wenze imisebenzi owayenza kuqala. Uba kungenjalo, ngizakuza kuwe, ngilususe uluthi lwesibane sakho endaweni yalo, uba ungaphenduki.