AbaseRoma 10:12 - iBhayibhili Elingcwele 1978

¹² Ngakho kakukho ukwahlukana phakathi komJuda lomGriki, ngoba iNkosi yona yiNkosi yabo bonke, inothele bonke abakhuleka kuyo.

IBhayibhili Elingcwele LesiNdebele

¹² Ngoba kawukho umahluko phakathi komJuda loweZizwe, iNkosi yinye iyiNkosi yabo bonke njalo iyababusisa kakhulu bonke abakhuleka kuyo,

AbaseRoma 10:12 ပူးပေါင်းရင်းမြစ်များ

AmaHubo 145:18

INkosi iseduze labo bonke abakhuleka kuyo, bonke abakhuleka kuyo ngeqiniso.

AmaHubo 86:5

Ngoba wena, Nkosi, ulungile, uyathethelela; uthando lwakho olungapheliyo lukhulu kubo bonke abakhuleka kuwe.

U-Isaya 55:6

Dingani iNkosi iselokufunyanwa, likhuleke kuyo iseseduze;

Imisebenzi 7:59

Bamkhanda ngamatshe uStefane ekhuleka esithi: Nkosi Jesu, yamukela umoya wami.

Imisebenzi 9:14

lalapha ulamandla avela kubapristi abakhulu okubopha bonke labo abakhuleka ebizweni lakho.

AbaseRoma 14:9

Ngenxa yalokhu uKristu wafa, wabuya waphila, ukuba abe yiNkosi yabafileyo labaphilayo.

AbaseRoma 15:12

Futhi uIsaya uthi: Kuzakuba khona impande kaJese, yena owaphakanyiswa ukubusa abezizwe, abezizwe bazakuthembela kuye.

AbaseRoma 2:4

Kumbe uyabeyisa yini ubukhulu besihawu sakhe lobokubekezela lobesineke sakhe na? Kawazi yini ukuba isihawu sikaNkulunkulu sikudonsela ekuphendukeni na?

AbaseRoma 3:22

ngitsho ukulunga kukaNkulunkulu okungokukholwa kuKristu kibo bonke abakholwayo. Ngoba kawukho umahluko.

1 AbaseKhorinte 1:2

sithi kulo ibandla likaNkulunkulu eliseKorinte, kubo abahlukaniselwe kuKristu Jesu, ababizelwe ukuba ngabangcwele, kanye labo bonke abakhuleka ebizweni leNkosi yethu uJesu Kristu endaweni zonke, iNkosi yabo leyethu:

1 AbaseKhorinte 15:47

Umuntu wokuqala wavela emhlabeni, ungowomhlabathi; umuntu wesibili wavela ezulwini.

2 AbaseKhorinte 8:9

Ngoba liyawazi umusa weNkosi yethu uJesu Kristu ukuthi, lanxa wayenothile, waba ngumyanga ngenxa yenu, ukuze ngobuyanga bakhe linothe lina.

AbaseGalathiya 3:28

Kakukho umJuda lomGriki, kakukho obotshiweyo lokhululekileyo, kakukho owesilisa lowesifazana; ngoba lina lonke limunye kuKristu Jesu.

Abase-Efesu 1:7

Ngaye silokuhlengwa ngegazi lakhe, lokuthethelelwa kweziphambeko zethu ngokwenotho yomusa wakhe

Abase-Efesu 2:4

Kodwa uNkulunkulu onothileyo ngesihawu, ngenxa yothando lwakhe olukhulu asithanda ngalo,

Abase-Efesu 2:7

ukuze kuthi ezikhathini ezizayo abonakalise inotho enkulu yomusa wakhe lobubele bakhe kithi kuKristu Jesu.

Abase-Efesu 3:16

ukuba ngokwenotho yobukhosi bakhe liqiniswe ngamandla ngoMoya wakhe enhliziyweni;

Abase-Efesu 3:6

ukuthi abezizwe bayizindlalifa kanye lathi, lokuthi bangumzimba munye kanye lathi, bangabahlanganyeli besithembiso kuKristu Jesu ngevangeli.

Abase-Efesu 3:8

Mina engimncinyane kulabo bonke abangcwele ngawuphiwa lowomusa wokutshumayela kwabezizwe ivangeli lenotho kaKristu engelakulinganiswa,

AbaseFiliphi 2:11

lezindimi zonke zivume ukuthi uJesu Kristu uyiNkosi, kube ludumo lukaNkulunkulu uYise.

AbaseFiliphi 4:19

UNkulunkulu wami uzakugcwalisa konke ukuswela kwenu ngobunengi benotho yakhe kuKristu Jesu.

AbaseKholose 1:27

Bona uNkulunkulu wathanda ukubazisa ukuthi ingakanani inotho lobukhosi baleyomfihlakalo phakathi kwabezizwe; leyomfihlakalo yilokhu ukuthi uKristu uphakathi kwenu, lilethemba lenkazimulo.

AbaseKholose 3:11

Lapho kakukho umGriki lomJuda, osokileyo longasokanga, owezizwe lomSikethiya, isigqili lokhululekileyo; kodwa uKristu uyikho konke, ukibo bonke.

1 uTimothi 2:5

Ngoba munye uNkulunkulu; munye umlamuli phakathi kukaNkulunkulu labantu, umuntu uKristu Jesu,

Isambulo 17:14

Azakuhlasela iWundlu, kodwa iWundlu lizakuwanqoba, ngoba liyiNkosi yamakhosi loMbusi wababusi, abakanye lalo ngababiziweyo, labakhethiweyo, labathembekileyo.

Isambulo 19:16

Engutsheni yakhe lasethangazini lakhe kulotshwe ibizo elithi: INkosi yamakhosi loMbusi wababusi.