AbaseRoma 1:30 - iBhayibhili Elingcwele 1978

³⁰ labanyeyayo, labazonda uNkulunkulu, labangelamakhanda, labazigqajayo, labazikhukhumezayo, labaqambi bokubi, labangalaleli abazali,

IBhayibhili Elingcwele LesiNdebele

³⁰ labahlebi, labazonda uNkulunkulu, leziqholo, labazigqajayo kanye labazikhukhumezayo; baqala izindlela zokwenza okubi; badelela abazali babo;

AbaseRoma 1:30 ပူးပေါင်းရင်းမြစ်များ

1 AmaKhosi 20:11

Inkosi yakoIsrayeli yaphendula yathi: Limtshele lelilizwi lokuthi: Osahlomayo izikhali zakhe angaziqakisi njengosezibeka.

2 ImiLando 19:2

UJehu indodana kaHanani umboni waphuma ukumhlangabeza, wathi kuye: Kufanele yini ukuba usize ababi, ubathande labo abazonda iNkosi na? Ngenxa yalokhu ulaka lweNkosi luzakwehlela phezu kwakho.

2 ImiLando 25:19

Wena uthi: Khangela, ngilehlule iEdoma; usuzikhukhumeza ngokuzincoma; kodwa hlala ekhaya, ngoba ufunelani ukuzivusela uhlupho ukuba uwe wena labakoJuda na?

AmaHubo 10:3

Ngoba omubi uyazikhukhumeza ngezifiso zenhliziyo yakhe, loyisihwaba uyayithuka ayeyise iNkosi.

AmaHubo 106:39

Bangcola ngokunjalo ngemisebenzi yabo, benza ukuphinga ngezenzo zabo.

AmaHubo 49:6

abantu abathemba inotho yabo, bezincoma ngobunengi benotho yabo na?

AmaHubo 5:5

Abazikhukhumezayo kabazukuma phambi kwakho; uyabazonda bonke abenza okubi.

AmaHubo 52:1

Uzincomelani ngokubi okwenziwa phezu kolungileyo, wena qhawe na?

AmaHubo 81:15

Labo abayizondayo iNkosi bangatshotshobala phambi kwayo, ukuba ukutshaywa kwabo kume kuze kube nininini.

AmaHubo 94:4

Bonke ababi bayaphophotha bekhuluma amazwi okuzigqaja, bezikhukhumeza.

AmaHubo 97:7

Bayayangeka bonke abakhonza izithombe, abazikhukhumeza ngezithombe eziyize; onkulunkulu bonke bayakhothama phambi kwayo.

AmaHubo 99:8

Nkosi Nkulunkulu wethu, wena wabaphendula; waba nguNkulunkulu othethelelayo kibo, lomphindiseli wezenzo zabo ezimbi.

Izaga 24:8

Oceba ukwenza okubi uzakuthiwa ngumcebi omubi.

Izaga 25:23

Njengomoya wasenyakatho uletha izulu, ngokunjalo ukunyeya kuletha ulaka.

Izaga 30:17

Amehlo omuntu oklolodela uyise lodelela ubudala bukanina azakukhutshwa ngamawabayi, loba adliwe ngamanqe.

Izaga 8:36

kodwa ongangifumaniyo uyazilimaza; bonke abangizondayo bathanda ukufa.

UmTshumayeli 7:29

Yilokhu kuphela engikufumanisayo ukuthi uNkulunkulu wamenza umuntu waqonda; kodwa abantu bazenzela amacebo amanengi.

UHezekhiyeli 14:5

ukuze ngibambe inhliziyo zabakoIsrayeli abehlukene lami ngenxa yezithombe zabo.

UHezekhiyeli 22:7

Phakathi kwakho abazali benziwa inhlekisa, owezizweni uyacindezela phakathi kwakho, koniwe intandane lomfelwakazi.

AmaNani 10:35

Kwakuye kuthi ekusukeni komtshokotsho, uMose athi: Vuka, Nkosi, zichitheke izitha zakho, lalabo abakuzondayo babaleke phambi kwakho.

UMatewu 15:4

Ngoba uNkulunkulu walaya wathi: Hlonipha uyihlo lonyoko; lokuthi: Okhuluma kubi ngoyise ingabe ngonina kafe lokufa.

UMatewu 16:21

Kusukela kulesosikhathi uJesu waqala ukubatshengisa abafundi bakhe ukuba umele ukuya eJerusalema, ahlutshwe kakhulu ngabadala labapristi abakhulu lababhali, abulawe, avuswe ngosuku lwesithathu.

ULukha 21:16

Lizakunikelwa langabazali, labafowenu, lezihlobo zenu, labangane benu; abanye benu bazakubulawa yibo.

UJohane 7:7

Ungelizonde umhlaba lina, kodwa mina uyangizonda, ngoba ngifakaza ngawo ukuba imisebenzi yawo mibi.

Imisebenzi 5:36

Ngoba ngaphambi kwalezinsuku kwasuka uTewuda wazitshaya umuntu omkhulu; amlandela amadoda angaba ngamakhulu amane; kodwa wabulawa, kwathi labo ababemlandela bachitheka, baphela.

AbaseRoma 2:17

Kodwa wenake, uba usithi ungumJuda, uba uthemba umlayo, uzincoma ngoNkulunkulu,

AbaseRoma 2:23

Wena ozincoma ngomlayo, udumaza uNkulunkulu ngokweqa umlayo na?

AbaseRoma 3:27

Ngakhoke kungaphi ukuzincoma kwethu na? Kuvalelwe phandle. Ngomthetho bani? Ngokwemisebenzi na? Atshi bo, kodwa ngomthetho wokukholwa.

2 AbaseKhorinte 10:15

Kasizincomi ngokudlulayo ngomsebenzi owenziwe ngabanye, kodwa silethemba lokuthi ngokukhula kokukholwa kwenu indawo yomsebenzi wethu izakukhuliswa phakathi kwenu,

2 AbaseKhorinte 12:20

Ngilovalo lokuthi ekufikeni kwami mhlawumbe ngizakulifumana lingenjengalokho engikuthandayo, lami lingifumane ngingenjengalokho elikuthandayo. Ngilovalo lokuthi mhlawumbe kungaba khona ukuxabana, lomona, lokuthukuthela, lombango, lokuhleba, lokunyeya, lokuzazisa, leziphithiphithi.

UDutheronomi 27:16

Kaqalekiswe odumaza uyise lonina. Bonke abantu bazakuthi: Ameni.

UDutheronomi 7:10

ophindisela labo abamzondayo, ababhubhise. Kayikuphuza ukumphindisela omzondayo.

2 AbaseThesalonika 2:4

omelana lakho konke, lozikhukhumeza phezu kwakho konke okuthiwa ngunkulunkulu, loba yinto nje ekhonzwayo aze ahlale ethempelini likaNkulunkulu ezibiza ngokuthi unguNkulunkulu.

2 uTimothi 3:2

Ngoba abantu bazakuba ngabazithandayo, labathanda imali, labazigqajayo, labaziqakisayo, labathukayo, labangalaleli abazali babo, labangabongiyo, lababi,

UThithu 3:3

Ngoba lathi kade sasiyiziphukuphuku, singalaleli, sikhohliswa, sifuywe yizinkanuko lokuzithokozisa okunenginengi, sihlezi ebubini langomhawu, sizondeka ebantwini bonke, sizondana.

UJakhobe 3:5

Lunjalo lolimi, luyisitho esincinyane, kanti luzincoma ngezinto ezinkulu. Khangelani umlilo omncinyane uyatshisa ihlathi elikhulu!

UJakhobe 4:16

Kodwa liyazincoma liziqakise; konke ukuzincoma okunje kubi.

2 UPhethro 2:18

Ngokuziqakisa okuyize bayabayenga ngezinkanuko zomzimba langamanyala labo asebephose baphuma ekuduheni;

UJuda 1:16

Laba bangabangungunayo labasolayo, behamba ngenkanuko zabo, bekhuluma amazwi aqatha, bezikhukhumeza, besebenzisa amazwi okulalisa ngolimi ngenxa yenzuzo.