AbaseRoma 1:21 - iBhayibhili Elingcwele 1978

²¹ ngoba kuthe bemazi uNkulunkulu, kabamdumisanga njengoNkulunkulu, kabambonganga; ngakho ukucabanga kwabo konke kwaba yize, ingqondo zabo ezingaqondiyo zaba mnyama.

IBhayibhili Elingcwele LesiNdebele

²¹ Ngoba lanxa uNkulunkulu babemazi, kabamdumisanga njengoNkulunkulu loba bambonge, kodwa imicabango yabo yaba yize lezinhliziyo zabo eziyiziwula zaba mnyama.

AbaseRoma 1:21 ပူးပေါင်းရင်းမြစ်များ

UGenesisi 6:5

INkosi yasibona ukuthi ububi bomuntu bukhulu emhlabeni, lokuthi yonke imicabango yenhliziyo yakhe mibi.

UGenesisi 8:21

INkosi yezwa iphunga elimnandi, yathi enhliziyweni yayo: Kangisayikuphinda ngiqalekise umhlaba ngenxa yabantu, ngoba imicabango yomuntu mibi kusukela ebutsheni bakhe; futhi kangisayikuphinda ngibhubhise okuphilayo njengalokhu ngenzile.

1 AmaKhosi 20:23

Inceku zenkosi yaseSiriya zathi kuyo: Onkulunkulu bakoIsrayeli bangonkulunkulu basezintabeni, yikho abantu besehlule; asilwe labo emagcekeni, sizakubehlula.

2 AmaKhosi 17:15

Badelela izimiso zayo lesivumelwano eyasenza lokhokho babo lezixwayiso eyabanika zona. Balandela izithombe ezilize, labongokwabo baba yilize, balandela izizwe ezazibahanqile iNkosi eyayibatshele ukuba bangenzi njengazo.

AmaHubo 50:23

Onikela umnikelo wokubonga uyangidumisa; oqaphela indlela yakhe ngizakumbonisa ukukhulula kwami.

AmaHubo 81:12

Ngasengibayekela enkanini yenhliziyo zabo, ukuba bahambe ngokuthanda kwabo.

AmaHubo 86:9

Izizwe zonke ozenzileyo zizakuza zikhothame phambi kwakho, Nkosi, zidumise ibizo lakho.

UmTshumayeli 7:29

Yilokhu kuphela engikufumanisayo ukuthi uNkulunkulu wamenza umuntu waqonda; kodwa abantu bazenzela amacebo amanengi.

U-Isaya 60:2

Khangela, umnyama uyasibekela umhlaba, lomnyama omkhulu usibekele izizwe; kodwa iNkosi izakhanya phezu kwakho, lenkazimulo yayo ibonakale phezu kwakho.

UJeremiya 16:19

Nkosi, wena ongamandla ami lenqaba yami, isiphephelo sami ngosuku lokuhlupheka, izizwe zizakufika kuwe zivela emikhawulweni yomhlaba, zithi: Okhokho bethu badlile ilifa lamanga kuphela, izinto ezingelamsebenzi ezingasizi lutho.

UJeremiya 17:9

Inhliziyo iyakhohlisa ukwedlula izinto zonke, futhi imbi kakhulu. Ngubani ongayazi na?

UJeremiya 2:5

INkosi ithi: Yibubi bani okhokho benu ababufumana kimi ukuze basuke baye khatshana lami, balandele lokho okuyize, babe yize na?

UJeremiya 9:14

belandela inhliziyo zabo ezilenkani bedinga oBali, njengokufundiswa kwabo ngoyise.

UHezekhiyeli 14:5

ukuze ngibambe inhliziyo zabakoIsrayeli abehlukene lami ngenxa yezithombe zabo.

UHezekhiyeli 20:25

Futhi ngabanika izimiso ezazingalunganga lemithetho ababengeke baphile ngayo;

UHosiya 2:8

Wayengakwazi ukuba kwakuyimi engangimnika amabele lewayini elitsha lamafutha, ngimnika isiliva esinengi legolide elinengi abakusebenzisela uBali.

UJohane 3:19

Ukulahlwa kuyilokhu ukuthi ukukhanya kufikile emhlabeni, kodwa abantu bathanda umnyama kulokukhanya, ngoba imisebenzi yabo imibi.

Imisebenzi 26:18

ukuvula amehlo abo ukuze basuke emnyameni, baphendukele ekukhanyeni, basuke emandleni kaSathane, baphendukele kuNkulunkulu, ukuze bamukeliswe ukuthethelelwa kwezono lendawo phakathi kwalabo abahlukanisiweyo ngokukholwa kimi.

AbaseRoma 1:19

Ngoba lokho okwaziwayo ngaye uNkulunkulu kusobala phakathi kwabo; ngoba uNkulunkulu ukubonakalisile kibo.

AbaseRoma 1:28

Kuthi njengalokhu bengakunanzanga ukumazi uNkulunkulu, uNkulunkulu wabayekela baba lenhliziyo ebolileyo ukuba benze okungafanelanga,

AbaseRoma 11:10

amehlo abo kawafiphale ukuba bangaboni, kugotshwe umhlane wabo kokuphela.

AbaseRoma 15:9

lokuba abezizwe bamdumise uNkulunkulu ngenxa yesihawu sakhe; njengokulotshiweyo ukuthi: Ngakhoke ngizakukudumisa phakathi kwabezizwe ngihubele ibizo lakho.

UDutheronomi 28:29

uphumputhe emini njengesiphofu siphumputha emnyameni, ungaphumeleli ekuhambeni kwakho; ucindezelwe kuphela, uphangwe njalonjalo, kungabi khona muntu okusizayo.

2 uTimothi 3:2

Ngoba abantu bazakuba ngabazithandayo, labathanda imali, labazigqajayo, labaziqakisayo, labathukayo, labangalaleli abazali babo, labangabongiyo, lababi,

1 UPhethro 1:18

Liyazi ukuthi kalihlengwanga ngezinto ezibhubhayo ezinjengesiliva legolide ekuhambeni kwenu okuyize elakwamukela kubokhokho benu;

1 UPhethro 2:9

Kodwa lina liluhlanga olukhethiweyo, ubupristi bobukhosi, lesizwe esingcwele, abantu abamisiweyo babe ngabakaNkulunkulu, ukuze litshumayele izenzo ezimangalisayo zalowo owalikhupha emnyameni, walisa ekukhanyeni kwakhe okumangalisayo.

Isambulo 14:7

Sathi ngelizwi elikhulu: Mesabeni uNkulunkulu, limdumise, ngoba isikhathi sokuthonisisa kwakhe sesifikile; limkhonze yena owenza izulu lomhlaba lolwandle lemithombo yamanzi.

Isambulo 15:4

Ngubani ongayikukwesaba, Nkosi, adumise ibizo lakho na? Ngoba nguwe wedwa ongcwele; izizwe zonke zizakuza zikudumise, ngoba izenzo zakho zokulunga zibonakalisiwe.