AbaseRoma 1:20 - iBhayibhili Elingcwele 1978

²⁰ Selokhu kwadatshulwa umhlaba isimo sakhe esingabonwayo, okutsho amandla akhe angelakuphela lobuNkulunkulu bakhe, kubonakele ngokusobala, kubonakaliswa ngezenzo zakhe. Ngakhoke kabalakuzivikela;

IBhayibhili Elingcwele LesiNdebele

²⁰ Ngoba kusukela ekudalweni komhlaba isimo sikaNkulunkulu esingabonakaliyo, amandla akhe angapheliyo kanye lobuNkulunkulu bakhe, sekubonakele ngokusobala, kuzwisiseka ngokwenziweyo, ukuze abantu bangabi lasizatho sokuzigeza.

AbaseRoma 1:20 ပူးပေါင်းရင်းမြစ်များ

UGenesisi 1:1

Ekuqaleni uNkulunkulu wadala izulu lomhlaba.

UGenesisi 21:33

UAbrahama esehlanyele isihlahla esithiwa yitamarisiki eBerisheba wakhuleka khona ebizweni leNkosi, uNkulunkulu ongelakuphela.

UJobe 12:7

Kodwa ake ubuze inyamazana, zizakukufundisa, lenyoni zaphezulu, zizakukutshela,

AmaHubo 104:31

Udumo lweNkosi kalume kuze kube nininini; iNkosi kayithokoze ngemisebenzi yayo,

AmaHubo 104:5

Wamisa umhlaba phezu kwezisekelo zawo, ukuba ungazanyazanyiswa lakanye.

AmaHubo 119:90

Ukuthembeka kwakho kusezizukulwaneni zonke; wamisa umhlaba, usemi.

AmaHubo 139:13

Ngoba wena wayenza imibilini yami, wangibumba ngisesiswini sikamama,

AmaHubo 8:3

Lapho ngikhangela amazulu akho, umsebenzi weminwe yakho, inyanga lenkanyezi owazimisayo,

AmaHubo 90:2

Zingakaveli intaba, ungakawenzi umhlaba lelizwe, kusukela endulo kuze kube nini lanini wena unguNkulunkulu.

U-Isaya 26:4

Thembani eNkosini kokuphela, ngoba iNkosi uNkulunkulu ilidwala elingelakuphela.

U-Isaya 40:26

Phakamiselani amehlo enu phezulu libone; ngubani owenza izinkanyezi leziyana na? Nguye ozikhupha njengebutho, azibize zonke ngamabizo azo; ngenxa yobukhulu bamandla akhe, ngoba eqinile, kayikho leyodwa esilelayo.

U-Isaya 9:6

Ngoba sizalelwe umntwana, sinikiwe indodana: izanikwa amandla obukhosi, ibizwe ngokuthi: UMluleki omangalisayo, uNkulunkulu olamandla, uBaba ongelakuphela, iNkosi yokuthula.

UJeremiya 5:21

Zwanini lokhu, lina bantu abayizithutha labayiziphuphuku, elilamehlo kodwa lingaboni, elilendlebe kodwa lingezwa.

UJeremiya 51:15

UNkulunkulu wawenza umhlaba ngamandla akhe, walimisa ilizwe ngokuhlakanipha kwakhe, langokuqedisisa kwakhe walendlala iphezulu.

UMatewu 5:45

ukuba libe ngabantwana bakaYihlo osezulwini; ngoba yena uyaliphumisela ilanga lakhe ababi labahle, alinisele izulu abalungileyo labangalunganga.

UMakho 10:6

Kodwa kusukela ekuqaleni kokudatshulwa komhlaba uNkulunkulu wabenza owesilisa lowesifazana.

UJohane 1:18

Kakho owake wabona uNkulunkulu; iNdodana ezelwe yodwa esesifubeni sikaYise yiyo emvezileyo.

UJohane 15:22

Uba bengingafikanga, ngakhuluma labo, ngabe kabalasono; kodwa khathesi kabalazaba ngesono sabo.

Imisebenzi 17:29

Ngakhoke lokhu siyinzalo kaNkulunkulu, kakufanele ukuba sinakane ukuthi ubuNkulunkulu bunjengegolide ingabe isiliva loba ilitshe okwenziweyo ngeminwe langokunakana kwabantu.

Imisebenzi 22:1

Bobaba, labazalwane, zwanini ukuziphendulela kwami engikwenza phambi kwenu.

AbaseRoma 1:19

Ngoba lokho okwaziwayo ngaye uNkulunkulu kusobala phakathi kwabo; ngoba uNkulunkulu ukubonakalisile kibo.

AbaseRoma 16:26

kodwa isibonakalisiwe khathesi, yaziswa ezizweni zonke ngemibhalo yabaprofethi njengomlayo kaNkulunkulu ongapheliyo ukuze zilalele ngokukholwa,

AbaseRoma 2:1

Ngakhoke, wena muntu, kawulakuzilandulela, loba ungubani, lapho uthonisisa; ngoba ngalokho othonisisa ngakho omunye uyazilahla wena, ngoba wena othonisisayo uyakwenza khona lokho lawe.

AbaseRoma 2:15

ngoba babonakalisa ukuba umsebenzi womlayo ulotshiwe enhliziyweni zabo; lesazela sabo siyafakaza laso, lemicabango yabo ibasole loba ibavumele,

1 AbaseKhorinte 1:20

Singaphi isihlakaniphi? Ungaphi umbhali? Ungaphi umphikisi na? Kayisibo balesisikhathi na? UNkulunkulu kakwenzanga kube yibuthutha ukuhlakanipha komhlaba na?

UDutheronomi 33:27

UNkulunkulu wanininini uyisiphephelo sakho, langaphansi zikhona ingalo ezingelakuphela. Waxotsha izitha phambi kwakho, wathi: Bhubhisa.

UDutheronomi 4:19

Futhi lapho liphakamisela amehlo enu phezulu, libone ilanga lenyanga lezinkanyezi, konke okusezulwini, xwayani, funa liyengwe, likudumise likukhonze. INkosi uNkulunkulu wenu lokhu ikunike bonke abantu abangaphansi komthunzi welanga ukuba bakukhonze.

AbaseKholose 1:15

Yona ifuze uNkulunkulu ongelakubonwa, elizibulo lezidalwa zonke.

AbaseKholose 2:9

Ngoba kuhlala kuye ngomzimba ukuphelela konke kobuNkulunkulu;

1 uTimothi 1:17

Kuyo iNkosi eyisimakade engabhubhiyo engelakubonwa, uNkulunkulu yedwa, kakube udumo lobukhosi kuze kube nininini. Ameni.

1 uTimothi 6:16

yena yedwa olokungafi, ohlala ekukhanyeni okungelakusondelelwa, ongazange abonwe muntu, ongebonwe. Kakube kuye udumo lamandla angapheliyo. Ameni.

AmaHebheru 11:27

Ngokukholwa wasuka eGibithe, engalwesabi ulaka lwenkosi; ngoba waqinisela kungathi uyambona uNkulunkulu ongabonwayo.

AmaHebheru 9:14

kakhulu kangakanani igazi likaKristu, owazinikela kuNkulunkulu engelasici ngoMoya ongelakuphela, lizakuhlambulula izazela zethu emisebenzini efileyo, ukuze sikhonze uNkulunkulu ophilayo.