AbaseRoma 1:13 - iBhayibhili Elingcwele 1978

¹³ Ngithanda, bazalwane, ukuba lazi ukuthi ngazimisela kanengi ukuza kini, ukuba ngizuze izithelo lakini njengakwezinye izizwe, kodwa ngabambeka kuze kube khathesi.

IBhayibhili Elingcwele LesiNdebele

¹³ Kangifuni ukuba lingaze lazi, bazalwane, ukuthi sengaceba kanengi ukuba ngize kini (kodwa ngisehluleka ukwenzanjalo kuze kube khathesi) ukuze ngibe lesivuno phakathi kwenu, njengalokhu engakwenzayo kwabanye abeZizweni.

AbaseRoma 1:13 ပူးပေါင်းရင်းမြစ်များ

U-Isaya 27:6

Kuzakuthi ensukwini ezizayo uJakobe agxumeke, loIsrayeli ahlume, akhahlele, agcwalise umhlaba wonke ngezithelo.

UJohane 12:24

Ngiqinisile, ngiqinisile ngithi kini: Uba uhlamvu lwebele luwela emhlabathini lungafi, luhlala lodwa; kodwa aluba lusifa, luyathela izithelo ezinengi.

UJohane 15:16

Kalingikhethanga lina, kodwa yimi engilikhethileyo, ngilimisele ukuba lihambe, lithele izithelo, lezithelo zenu zihlale njalo, ukuba loba yini eliyicela kuBaba ngebizo lami alinike yona.

UJohane 4:36

Ovunayo wamukela umvuzo, abuthe isithelo esiba yikuphila okungapheliyo ukuze ohlanyelayo lovunayo bathokoze bebonke.

Imisebenzi 1:15

Ngalezonsuku uPetro wasukuma phakathi kwabazalwane, ixuku labantu ababekhona lalingaba likhulu lamatshumi amabili, wathi:

Imisebenzi 14:27

Kwathi sebefikile, balihlanganisa ibandla, balandisa konke uNkulunkulu abekwenzile ngabo lokuthi uvulele abezizwe umnyango wokukholwa.

Imisebenzi 15:12

Ixuku lonke lathula; lalalela uBarnabasi loPawuli belandisa ngezibonakaliso langezimangaliso uNkulunkulu ayezenze ngabo phakathi kwabezizwe.

Imisebenzi 19:21

Ngemva kwalezizinto uPawuli wazimisela emoyeni ukuya eJerusalema esedabule eMakedoniya leAkaya, wathi: Emva kokufika kwami khona ngimele ukubona iRoma layo.

Imisebenzi 21:19

Esebabingelele, wabalandisela ngakunye ngazo zonke izinto uNkulunkulu abezenzile phakathi kwabezizwe ngomsebenzi wakhe.

Imisebenzi 28:14

Safumana khona abazalwane, sacelwa ukuhlala labo insuku eziyisikhombisa; safikake eRoma.

AbaseRoma 1:12

ngitsho ukuthi ngiduduzeke kanye lani, mina ngokukholwa kwenu lani ngokukholwa kwami.

AbaseRoma 11:25

Ngithanda ukuba lazi limfihlakalo, bazalwane, funa lizitshaye abahlakaniphileyo, ukuthi ingxenye kaIsrayeli yehlelwe yibulukhuni kuze kungene abezizwe ngokupheleleyo

AbaseRoma 7:1

Kalazi yini, bazalwane — ngoba ngikhuluma lalabo abawaziyo umlayo — ukuthi umlayo ubusa umuntu esasila kuphela na?

1 AbaseKhorinte 1:10

Ngiyalincenga, bazalwane, ngebizo leNkosi yethu uJesu Kristu, ukuthi lonke likhulume ilizwi libe linye, kungabi khona ukwahlukana phakathi kwenu, kodwa lipheleliswe emqondweni munye lasekuboneni kunye.

1 AbaseKhorinte 10:1

Ngithanda ukuba liqedisise, bazalwane, ukuthi okhokho babengaphansi kweyezi, bonke badabula ulwandle;

1 AbaseKhorinte 12:1

Mayelana leziphiwo zokomoya, bazalwane, kangithandi ukuba lingazi.

1 AbaseKhorinte 14:20

Bazalwane, lingabi ngabantwana ngengqondo zenu; kanti ebubini wobani msulwa njengezingane, kodwa ekunakaneni libe ngabakhulileyo.

1 AbaseKhorinte 14:26

Phoke, bazalwane? Nxa libuthana, ilowo lalowo uba lehubo, loba isifundiso, loba isambulelo, loba ulimi, ingabe ukuchasisa ulimi; konke kakwenzelwe ukwakhiwa kwebandla.

1 AbaseKhorinte 9:2

Uba ngingesuye umphostoli kwabanye, nginguye kini, ngoba lina ngokwenu liluphawu lobuphostoli bami eNkosini.

2 AbaseKhorinte 1:8

Sithanda ukuba lazi, bazalwane, ngokuhlupheka kwethu okwasehlela eAsiya, ngoba sasindwa kakhulu ngokungaphezu kwamandla ethu, saze saphelelwa lithemba lokusila.

2 AbaseKhorinte 2:14

Kabongwe uNkulunkulu osiholayo njalo odwendweni lokunqoba ngoKristu, ebonakalisa ngathi iphunga elihle lokwazi kwakhe endaweni zonke.

AbaseGalathiya 3:15

Bazalwane, ake ngililinganisele ngokwabantu. Intando yokucina yomuntu esiqinisiwe, kakho ongayichitha loba ongengezelela kuyo.

AbaseGalathiya 6:18

Umusa weNkosi yethu uJesu Kristu kawube lomoya wenu, bazalwane. Ameni.

AbaseFiliphi 1:22

kodwa uba lokhukusila emzimbeni kuyisithelo somsebenzi kimi, kangikwazi engingakukhetha.

AbaseFiliphi 4:17

Kangitsho ukuthi ngifuna isiphiwo, kodwa ngifuna isithelo esizakwandisa ukulunga kwenu.

AbaseKholose 1:10

lihambe ngokufanele iNkosi, liyithokozise ngakho konke, lithele izithelo emisebenzini yonke elungileyo, likhule ekumazini uNkulunkulu.

AbaseKholose 1:6

eselifikile kini, njengalokhu selikhona emhlabeni wonke. Lelivangeli liyanda lithela izithelo, njengoba kunjalo laphakathi kwenu, kusukela mhla wosuku elezwa ngalo, lawazi umusa kaNkulunkulu ngeqiniso.

1 AbaseThesalonika 2:18

Ngakhoke besithanda ukufika kini, ikakhulu mina Pawuli, kodwa uSathane wasivimbela.

1 AbaseThesalonika 4:13

Kasithandi, bazalwane, ukuba lingabi lakwazi ngalabo asebefile, ukuze lingadabuki njengabanye abangelalo ithemba.

2 AbaseThesalonika 2:7

Ngoba amandla afihlakeleyo obubi asesebenza. Asebenza kuphela okwalesisikhathi aze asuswe lowo owavimbeleyo.

2 uTimothi 4:17

Kodwa iNkosi yangimela, yangipha amandla okuba ngitshumayele ivangeli ngokupheleleyo, ukuze bonke abezizwe balizwe; ngakhutshwa emlonyeni wesilwane.