AbaseKholose 2:9 - iBhayibhili Elingcwele 1978

⁹ Ngoba kuhlala kuye ngomzimba ukuphelela konke kobuNkulunkulu;

IBhayibhili Elingcwele LesiNdebele

⁹ Ngoba bonke ubuNkulunkulu buhlezi kuKhristu ngesimo somzimba

AbaseKholose 2:9 ပူးပေါင်းရင်းမြစ်များ

U-Isaya 7:14

Ngakhoke iNkosi uqobo izakukunika isibonakaliso. Khangela, intombi izakuthatha isisu, ibelethe indodana ezakubizwa ngokuthi nguEmanuweli.

UMatewu 1:23

Khangela, intombi izakuthatha isisu ibelethe indodana, ezakubizwa ngokuthi nguEmanuweli, okuyikuthi ngokuphendulelwa, uNkulunkulu ulathi.

ULukha 14:22

Inceku yathi: Nkosi, sekwenziwe ongilaye khona; kodwa indawo isekhona.

ULukha 3:22

uMoya oNgcwele elesimo sejuba wehlela phezu kwakhe; kwezwakala ilizwi livela ezulwini lisithi: Wena uyiNdodana yami ethandekayo; ngithokozile ngawe.

UJohane 1:14

ULizwi waba yinyama, wahlala phakathi kwethu, sabona inkazimulo yakhe injengeyozelwe yedwa kaYise, egcwele umusa leqiniso.

UJohane 1:16

Ngoba ekugcwaleni kwakhe samukele sonke umusa phezu komusa.

UJohane 10:30

Mina loBaba simunye.

UJohane 10:38

Kodwa uba ngiyenza, lanxa lingakholwa kimi, kholwani imisebenzi, ukuze lazi, liqedisise ukuthi uBaba ukimi, lami ngikuBaba.

UJohane 14:20

Ngalolosuku lizakukwazi ukuba ngikuBaba, lani likimi, lami ngikini.

UJohane 17:21

ukuba bonke babe munye, njengalokhu wena Baba ukimi, lami ngikuwe, ukuba labo babe kithi, ukuze umhlaba ukholwe ukuthi ungithumile wena.

UJohane 2:21

Kodwa wayekhuluma ngethempeli lomzimba wakhe.

Imisebenzi 17:29

Ngakhoke lokhu siyinzalo kaNkulunkulu, kakufanele ukuba sinakane ukuthi ubuNkulunkulu bunjengegolide ingabe isiliva loba ilitshe okwenziweyo ngeminwe langokunakana kwabantu.

2 AbaseKhorinte 5:19

okuyikuthi uNkulunkulu wayekuKristu ebuyisana lomhlaba, engababaleli iziphambeko zabo, lokuthi wanika thina ilizwi lokubuyisana

AbaseKholose 1:19

Ngoba kwaba kuhle kuNkulunkulu ukuba ukuphelela konke kukaNkulunkulu kuhlale kiyo;

1 uTimothi 3:16

Kuyavunywa ukuthi yinkulu impela imfihlakalo yokukholwa kwethu, yokuthi: Yena owabonakaliswa emzimbeni, walungisiswa emoyeni, wabonwa yizithunywa watshunyayelwa ezizweni, wakholwa ngumhlaba wonke, waphakanyiselwa ezulwini.

UThithu 2:13

silindele ithemba elibusisiweyo lokubonakala kwenkazimulo kaNkulunkulu wethu omkhulu loMsilisi wethu uJesu Kristu.

1 UJohane 5:20

Siyazi ukuthi iNdodana kaNkulunkulu isifikile, yasinika ukuqedisisa ukuze simazi oweqiniso; sikuye oweqiniso lokhu sikiyo iNdodana yakhe uJesu Kristu. Yena unguNkulunkulu weqiniso lokuphila okungapheliyo.

1 UJohane 5:7

UMoya ungufakazi walokhu, ngoba uMoya uliqiniso.