AbaseKholose 2:18 - iBhayibhili Elingcwele 1978

¹⁸ Kakungabi khona umuntu olamuka umvuzo wenu, ethanda ukuzenza othobileyo lokukhonza izithunywa, ebambelela phezu kwemibono yakhe, ezikhukhumeza ngeze ngemicabango yakhe emibi.

IBhayibhili Elingcwele LesiNdebele

¹⁸ Lingavumeli umuntu othokoziswa yikuzithoba kwamanga lokukhonza izingilosi eliphuthisa umvuzo wenu. Umuntu onjalo ubalisa ngokupheleleyo konke akubonileyo, kuthi ingqondo yakhe engayisiyo yomoya imkhukhumeze ngemicabango eyize.

AbaseKholose 2:18 ပူးပေါင်းရင်းမြစ်များ

UGenesisi 3:13

INkosi uNkulunkulu yathi kowesifazana: Kuyini lokhu okwenzileyo na? Owesifazana wathi: Inyoka ingikhohlisile, ngadla.

UJobe 38:2

Ngubani lo ofiphaza iseluleko sami ngamazwi angelakwazi na?

U-Isaya 57:9

Waziqhola ngamakha, wazigcoba ngamagcobo, wayakhonza unkulunkulu uMoloki; wathumela khatshana izithunywa zakho, wazehlisela lasendaweni yabafileyo.

UHezekhiyeli 13:3

INkosi uNkulunkulu ithi: Maye kubaprofethi abayizithutha abalandela owabo umoya, bengabonanga mibono!

UDanyeli 11:38

Izadumisa unkulunkulu wezinqaba; unkulunkulu owayengaziwa ngokhokho bakhe izamdumisa ngegolide langesiliva, langamatshe amahle, langeziphiwo ezibiza imali enengi.

AmaNani 25:18

ngoba alihluphile ngobuqili bawo alikhohlisa ngendaba kaPeyori langendaba kaKozibi udadewabo, indodakazi yesikhulu saseMidiyani, owabulawa ngosuku lomkhulane ngenxa kaPeyori.

UMatewu 24:24

Ngoba kuzakuvela okristu bamanga labaprofethi bamanga, benze izibonakaliso ezinkulu lezimangaliso, ukuze kuthi nxa kungenzeka baduhise labakhethiweyo.

AbaseRoma 1:25

ngoba baphendula iqiniso ngoNkulunkulu balenza amanga, bakhuleka bekhonza okudaliweyo kuloMdali ongobongekayo kuze kube nininini; Ameni.

AbaseRoma 16:18

ngoba abanjalo kabakhonzi iNkosi yethu uKristu, kodwa bakhonza inkanuko zabo; ngamazwi langokulalisa ngolimi bakhohlisa izinhliziyo zabangelacala.

1 AbaseKhorinte 13:4

Uthando luyabekezela, lulobubele; uthando kalulamona, kaluzincomi, kaluzikhukhumezi;

1 AbaseKhorinte 3:3

ngoba liseyibo abomhlaba. Nxa kusekhona umhawu lokuphikisana phakathi kwenu, kalisibo abomhlaba na? Kalihambisi okwabantu na?

1 AbaseKhorinte 4:18

Abanye bazikhukhumezile kungathi kangisayikuza kini.

1 AbaseKhorinte 4:6

Lokhuke, bazalwane, ngikuqondanise lami loApolosi ngenxa yenu, ukuze lifunde kithi ukuhamba okuvumelana lemibhalo; kakungabi loyedwa phakathi kwenu ozikhukhumezayo ekhetha omunye kulomunye.

1 AbaseKhorinte 8:1

Mayelana lokuhlatshelwe izithombe siyazi ukuthi silakho ukwazi. Ukwazi kuyakhukhumeza, kodwa uthando luyakha.

1 AbaseKhorinte 9:24

Kalazi yini ukuthi bonke abagijima ngokuncintisana bagijima bonke, kodwa munye owamukela umvuzo. Ngakhoke gijimani ngokunjalo, ukuze lamukele umvuzo.

2 AbaseKhorinte 11:3

Kodwa ngilovalo lokuthi njengalokhu inyoka yamkhohlisa uEva ngobuqili bayo, ngokunjalo imicabango yenu mhlawumbe ingaduhiswa, iyekele ukuthembeka okuqotho kuKristu.

2 AbaseKhorinte 12:20

Ngilovalo lokuthi ekufikeni kwami mhlawumbe ngizakulifumana lingenjengalokho engikuthandayo, lami lingifumane ngingenjengalokho elikuthandayo. Ngilovalo lokuthi mhlawumbe kungaba khona ukuxabana, lomona, lokuthukuthela, lombango, lokuhleba, lokunyeya, lokuzazisa, leziphithiphithi.

Abase-Efesu 4:17

Ngakhoke ngiyaqinisa, ngifakaza lokhu eNkosini, ngithi lingabe lisahamba ngokuhamba kwabezizwe ebuzeni bengqondo yabo.

Abase-Efesu 5:6

Lingakhohliswa muntu ngamazwi ayize, ngoba ngenxa yalezizinto ulaka lukaNkulunkulu luyehlela phezu kwabantu abangalaleliyo.

UDutheronomi 29:29

Izimfihlakalo zingezeNkosi uNkulunkulu wethu, kodwa izinto ezambuliweyo zingezethu lezabantwana bethu kuze kube nininini, ukuba sigcine wonke amazwi alumlayo.

AbaseFiliphi 3:14

ngizamelela ukufika ekucineni, ngizuze umvuzo wokubizwa okukhulu kwaphezulu okukaNkulunkulu kuKristu Jesu.

AbaseKholose 2:23

Yona ikhanya injengokuhlakanipha, ngoba kuvela ngayo ukukhonza lokuzithoba lokuphatha kanzima umzimba; kodwa kayisizi lutho mayelana lokuzithinta.

AbaseKholose 2:4

Ngilitshela lokhu ukuze lingakhohliswa muntu ngamazwi ayengayo.

AbaseKholose 2:8

Xwayani funa kube khona olithumbayo ngokuhlakanipha langokukhohlisa okuyize, okungokwemvelo yabantu langokwempi yemimoya yalumhlaba, kungesikho ngokukaKristu.

1 uTimothi 1:7

befuna ukuba babe ngabafundisi bomlayo, bengaqedisisi lalokho abakutshoyo labaqinisa ngakho.

1 uTimothi 4:1

UMoya utsho ngokusobala ukuba ngezikhathi zokucina abanye bazakumonyuka ekukholweni, balalele omoya abaduhisayo lezifundiso zabomoya ababi,

2 UPhethro 2:14

Balamehlo akhangele ubufebe langayekeli ukukhangela isono; bayenga ababuthakathaka; balenhliziyo ezejwayele ubuhwaba; bangabantwana abaqalekisiweyo;

1 UJohane 2:26

Ngililobela lokhu ngalabo abalikhohlisayo.

Isambulo 12:9

Umgobho omkhulu waphoselwa phansi, inyoka endala ebizwa ngokuthi nguSathane loMubi, umkhohlisi womhlaba wonke; waphoselwa phansi emhlabeni kanye lezithunywa zakhe.

Isambulo 13:14

Sabaduhisa abakhileyo emhlabeni ngezibonakaliso esazinikwayo ukuba sizenze phambi kwesilo, sisithi kwabakhileyo emhlabeni kabasenzele umfanekiso isilo, ebesilenxeba lomkhonto kodwa sasila.

Isambulo 13:8

Bonke abakhileyo emhlabeni bazakusikhonza, ngaphandle kwalabo amabizo abo alotshwa encwadini yokuphila yeWundlu elahlatshwayo, selokhu kwasukela ekudatshulweni komhlaba.

Isambulo 19:10

Ngasengiziwisela phansi ngasenyaweni zaso ukusikhonza. Kodwa sathi kimi: Musa ukwenza lokhu; lami ngiyinceku kanye lawe labazalwane bakho abafakazela uJesu. Dumisa uNkulunkulu. Labo abafakazela uJesu baloMoya njengabaprofethi.

Isambulo 3:11

Ngiyeza masinyane; bambisisa lokho olakho, ukuze ungawamukwa muntu umqhele wakho.