AbaseKholose 1:10 - iBhayibhili Elingcwele 1978

¹⁰ lihambe ngokufanele iNkosi, liyithokozise ngakho konke, lithele izithelo emisebenzini yonke elungileyo, likhule ekumazini uNkulunkulu.

IBhayibhili Elingcwele LesiNdebele

¹⁰ Sikhulekela ukuba liphile impilo efanele iNkosi lokuba liyithokozise ngezindlela zonke, lithele izithelo kuyo yonke imisebenzi emihle, ukwazi kwenu uNkulunkulu kukhule,

AbaseKholose 1:10 ပူးပေါင်းရင်းမြစ်များ

Izaga 16:7

Nxa iNkosi ithokoziswa zindlela zomuntu, iyenza lezitha zakhe zihlalisane kuhle laye.

U-Isaya 53:11

Lapho ukuhlupheka kwayo sekuphelile, izakubona ukukhanya, yaneliswe; ngokwazi kwayo inceku yami elungileyo izalungisisa abanengi, ithwale izono zabo.

UDanyeli 12:4

Kodwa, wena Daniyeli, vala amazwi, unameke incwadi, kuze kube sesikhathini sokuphela. Abanengi bazazula baye le lale, lobubi buzabalokhu busanda.

UMikha 4:5

Ngoba bonke abantu balalela unkulunkulu wabo, kodwa thina sizalalela iNkosi uNkulunkulu wethu kuze kube nininini.

UHabhakhukhi 2:14

Ngoba umhlaba uzagcwala ukwazi ngobukhulu beNkosi njengamanzi agcwalisa ulwandle.

UJohane 15:16

Kalingikhethanga lina, kodwa yimi engilikhethileyo, ngilimisele ukuba lihambe, lithele izithelo, lezithelo zenu zihlale njalo, ukuba loba yini eliyicela kuBaba ngebizo lami alinike yona.

UJohane 15:8

UBaba uyadunyiswa ngalokhu ukuba lithele izithelo ezinengi, ukuze libe ngabafundi bami.

UJohane 17:3

Ukuphila okungapheliyo yilokhu ukuba bakwazi wena Nkulunkulu wedwa ongoweqiniso, loJesu Kristu omthumileyo.

AbaseRoma 1:13

Ngithanda, bazalwane, ukuba lazi ukuthi ngazimisela kanengi ukuza kini, ukuba ngizuze izithelo lakini njengakwezinye izizwe, kodwa ngabambeka kuze kube khathesi.

AbaseRoma 4:12

abe nguyise futhi wabasokileyo, kungabi ngoba bengabasokileyo kuphela, kodwa ngoba bahamba endleleni yokukholwa ayelakho ubaba uAbrahama engakasoki.

AbaseRoma 6:4

Ngalokhuke sambelwa laye ngokubhaphathizelwa ekufeni ukuba, njengoba uKristu wavuswa kwabafileyo ngobukhosi bukaYise, ngokunjalo lathi sihambe ekuphileni okutsha.

2 AbaseKhorinte 2:14

Kabongwe uNkulunkulu osiholayo njalo odwendweni lokunqoba ngoKristu, ebonakalisa ngathi iphunga elihle lokwazi kwakhe endaweni zonke.

2 AbaseKhorinte 4:6

Ngoba uNkulunkulu owathi: Kakuvele ukukhanya emnyameni, kukhanye; wenzile ukuba lokhukukhanya kukhanye phakathi kwethu, kusinike ukukhanya kokwambulwa, ukwambulwa kwenkazimulo kaNkulunkulu kuJesu Kristu.

2 AbaseKhorinte 5:9

Ngalokhoke, loba sisekhaya loba singekho, sizimisele ukuyithokozisa.

2 AbaseKhorinte 9:8

UNkulunkulu ulamandla okulinika kakhulu iziphiwo zonke zomusa, ukuze kuthi ngokwanela kwenu ezintweni zonke lasezikhathini zonke, likhule emisebenzini yonke emihle,

Abase-Efesu 1:17

ukuze uNkulunkulu weNkosi yethu uJesu Kristu, uYise olobukhosi, alinike umoya wokuhlakanipha lokwambulwa ekumazini yena.

Abase-Efesu 2:10

Ngoba singumsebenzi wakhe, kuKristu Jesu sadalelwa imisebenzi emihle uNkulunkulu ayilungiselela ngaphambili ukuba sihambe ngayo.

Abase-Efesu 4:1

Ngakhoke mina sibotshwa ngenxa yeNkosi ngiyalincenga ukuba lihambe ngokufanele ukubizwa elabizwa ngakho,

Abase-Efesu 4:13

size sifinyelele sonke ebunyeni bokukholwa lasekwazini iNdodana kaNkulunkulu, lasebuntwini obupheleleyo obulinganiswe ngesimo esigcweleyo sikaKristu.

Abase-Efesu 5:10

Qedisisani okuthandekayo eNkosini.

Abase-Efesu 5:15

Ngakhoke qaphelisisani ukuthi lihamba kanjani, kungabi njengezithutha kodwa njengabahlakaniphileyo,

Abase-Efesu 5:2

lihambe ngothando, njengalokhu uKristu wasithanda, wazinikela ngenxa yethu, abe ngumnikelo lomhlatshelo olephunga elimnandi kuNkulunkulu.

AbaseFiliphi 1:11

ligcwaliswe ngezithelo zokulunga ezingoJesu Kristu, kube yibukhosi lodumo kuNkulunkulu.

AbaseFiliphi 1:27

Kuphela hambani ngokufanele ivangeli likaKristu, kuze kuthi, loba ngifika kini loba ngingekho, ngizwe indaba zenu zokuthi liqinile emoyeni munye, lasengqondweninye lilwela ukukholwa kwevangeli,

AbaseFiliphi 4:18

Kodwa ngilakho konke ngokupheleleyo; nganelisiwe nginikwe nguEpafrodithu iziphiwo elazithumelayo, eziliphunga elihle, umnikelo omuhle lowamukelekayo kuNkulunkulu.

AbaseKholose 2:19

Lowo kabambeleli kuKristu oyinhloko, okondliwa ngaye wonke umzimba, uhlanganiswa ngamalunga lemisipha, ukhula ngokukhula kukaNkulunkulu.

AbaseKholose 2:6

Ngakhoke njengalokho limamukele uKristu Jesu iNkosi, hlalani kuye,

AbaseKholose 3:20

Bantwana, lalelani abazali benu ezintweni zonke, ngoba lokhu kuyayithokozisa iNkosi.

AbaseKholose 4:5

Hambani ngokuhlakanipha mayelana labangaphandle, lisebenzise amathuba wonke.

1 AbaseThesalonika 2:12

sililaya, silimisa isibindi, silitshela ukuba lihambe ngokufaneleyo phambi kukaNkulunkulu olibizela embusweni lebukhosini bakhe.

1 AbaseThesalonika 4:1

Elokucinake, bazalwane, siyalincenga, sililaya ngeNkosi uJesu ukuba njengalokhu lakufunda kithi ukuthi lifanele ukuhamba lokumthokozisa kanjani uNkulunkulu, njengalokho lihamba ngokunjalo, kwenzenike lokhu kakhulu.

2 uTimothi 2:4

Kakho owebutho osempini olibala ngezinto zabangabuthwanga, ukuba amkholise lowo ombuthileyo.

UThithu 3:1

Bakhumbuze ukuba bazehlisele ngaphansi kwababusi leziphathamandla, balalele, balungele imisebenzi yonke emihle,

UThithu 3:14

Abakithi kabafunde ukukhuthalela imisebenzi emihle, ukuze bakwazi ukusiza abaswelayo, bangabi ngabangelazithelo.

AmaHebheru 11:5

Ngokukholwa uEnoki wathathwa ukuze angezwa ukufa; kabe esafunyanwa, ngoba uNkulunkulu wayesemthethe; engakathathwa wafakazelwa ngokuthi umthokozisile uNkulunkulu;

AmaHebheru 13:16

lingakhohlwa ukwenza okuhle lokuphana; ngoba iminikelo enjalo iyamthokozisa uNkulunkulu.

AmaHebheru 13:21

angaliphelelisa kukho konke okuhle, ukuze lenze intando yakhe, esebenza kini lokho okumthokozisayo ngoJesu Kristu; kakube kuye ubukhosi kuze kube nininini. Ameni.

2 UPhethro 1:8

Ngoba uba lezizinto zikhona kini zisanda, ziyalenza ukuba lingabi ngabavilaphayo labangelazithelo ekwazini iNkosi yethu uJesu Kristu.

2 UPhethro 3:18

Kodwa khulani emuseni lasekwazini iNkosi yethu loMsilisi uJesu Kristu. Kakube kuye ubukhosi khathesi kuze kube lusuku olungapheliyo.

1 UJohane 3:22

lesikucelayo uzakusinika khona, ngoba sigcina imilayo yakhe, senze okuthandekayo kuye.

1 UJohane 5:20

Siyazi ukuthi iNdodana kaNkulunkulu isifikile, yasinika ukuqedisisa ukuze simazi oweqiniso; sikuye oweqiniso lokhu sikiyo iNdodana yakhe uJesu Kristu. Yena unguNkulunkulu weqiniso lokuphila okungapheliyo.

3 UJohane 1:6

bona bafakazele uthando lwakho phambi kwebandla. Uzabe wenze kuhle uba ubasiza ekuhambeni kwabo njengokufanele uNkulunkulu esimkhonzayo.