AbaseGalathiya 6:10 - iBhayibhili Elingcwele 1978

¹⁰ Ngakhoke njengoba silethuba asenze okuhle kibo bonke, ikakhulu kwabendlu yokukholwa.

IBhayibhili Elingcwele LesiNdebele

¹⁰ Ngakho-ke, njengokuba silethuba kasenzeni okulungileyo ebantwini bonke ikakhulu kulabo abangabemuli yabakholwayo.

AbaseGalathiya 6:10 ပူးပေါင်းရင်းမြစ်များ

AmaHubo 37:27

Suka kukho okubi, wenze okuhle; uzakuhlala kuze kube nininini.

AmaHubo 37:3

Themba eNkosini, wenze okuhle, uhlale elizweni ngokuthembeka.

Izaga 3:27

Ungali ukusiza abantu abakucelayo, nxa ulamandla ukukwenza.

UmTshumayeli 3:12

Ngiyazi ukuthi kakukho okungcono kuye ukwedlula ukuthaba lokuzithokozisa esaphila,

UmTshumayeli 9:10

Lokho okwenzayo ukwenze kuhle, ngoba kawukho umsebenzi lomcabango lolwazi lokuhlakanipha endaweni yabafileyo lapho uya khona.

UMatewu 10:25

Kwanele ukuba umfundi abe njengomfundisi wakhe, lenceku ibe njengenkosi yayo. Aluba bebizile umninindlu ngokuthi nguBelezebule, kakhulu labendlu yakhe njalo.

UMatewu 12:50

Ngoba ilowo lalowo owenza intando kaBaba osezulwini nguye ongumfowethu lodadewethu lomama.

UMatewu 25:40

INkosi izakuphendula ithi kibo: Ngiqinisile ngithi kini: Njengokuba likwenzile komunye walaba abafowethu abancinyane, likwenzile lakimi.

UMatewu 5:43

Lizwile kwathiwa: Wothanda umakhelwane wakho, uzonde isitha sakho.

UMakho 3:4

Wathi kubo: Kuvunyelwe yini ngeSabatha ukwenza okulungileyo ingabe ukwenza okungalunganga, ukusilisa ingabe ukubulala na? Bathula.

ULukha 6:35

Kodwa thandani izitha zenu, lenze okuhle, leboleke, lingalindeli mvuzo; lomvuzo wenu uzakuba mkhulu, libe ngabantwana boPhezukonke, ngoba yena ulobubele kwabangabongiyo lababi.

UJohane 12:35

UJesu wasesithi kibo: Kuseyisikhatshana ukukhanya lilakho. Hambani liselokukhanya, ukuze umnyama ungalahluli. Ohambayo emnyameni kazi ukuthi uya ngaphi.

UJohane 9:4

Kufanele sisebenze imisebenzi yongithumileyo kusesemini; ubusuku buyeza lapho kungesebenze muntu.

Imisebenzi 6:7

Ilizwi likaNkulunkulu landa, lobunengi babafundi bakhula kakhulu eJerusalema, labapristi abanengi bakholwa.

2 AbaseKhorinte 2:8

Ngakhoke ngiyalincenga ukuba limphathe ngothando.

AbaseGalathiya 1:23

ayesizwa nje kuthiwa: Lowo owayesizingela usetshumayela ukukholwa ayekade ezama ukukuchitha.

Abase-Efesu 2:19

Ngakhoke kaliseyibo abemzini lezihambi, kodwa selingabombuso munye labangcwele, lingabendlu kaNkulunkulu.

Abase-Efesu 3:15

okubizwa ngebizo lakhe lonke usendo olusezulwini lolusemhlabeni,

Abase-Efesu 4:28

Olisela kangabe eseba, kodwa kakhuthale asebenze kuhle ngezandla zakhe, ukuze abe lamandla okunika labo abaswelayo.

Abase-Efesu 5:16

lisebenzise wonke amathuba, ngoba insuku zimbi.

AbaseFiliphi 4:10

Ngiyathokoza kakhulu eNkosini, ngokuthi khathesi selize lavuselela ukunginanzelela kwenu; belinginanzelela kambe, kodwa laswela ithuba.

AbaseKholose 4:5

Hambani ngokuhlakanipha mayelana labangaphandle, lisebenzise amathuba wonke.

1 AbaseThesalonika 5:15

Qaphelani ukuba kungabi khona ophindisela omunye okubi ngokubi; kodwa zamani ukwenza okuhle omunye komunye lakibo bonke.

1 AbaseThesalonika 5:21

kodwa hlolisisani konke, libambelele kokulungileyo;

UThithu 2:14

Yena wazinikela ngenxa yethu ukuze asihlenge ebubini bonke, lokuzihlambululela abantu abangabakhe abatshisekela izenzo ezinhle.

UThithu 3:8

Liqinisile lelilizwi. Ngithanda ukuba uqinise impela ngalezizinto, ukuze abakholwa kuNkulunkulu bakhuthalele ukwenza imisebenzi emihle. Lezizinto zinhle zilosizo ebantwini.

AmaHebheru 13:16

lingakhohlwa ukwenza okuhle lokuphana; ngoba iminikelo enjalo iyamthokozisa uNkulunkulu.

AmaHebheru 3:6

kodwa uKristu uthembekile phezu kwendlu kaNkulunkulu njengendodana. Thina siyindlu yakhe, uba sihlala silesibindi siziqhenya ngethemba lethu.

AmaHebheru 6:10

Ngoba uNkulunkulu kasuye ongalunganga ukuba akhohlwe umsebenzi wenu lothando elalubonakalisa ngenxa yakhe ngokusebenzela abangcwele, njengoba lisakwenza.

1 UPhethro 2:5

njengamatshe aphilayo lakhiwe indlu yokomoya, libe yibupristi obungcwele, linikele imihlatshelo yokomoya eyamukelekayo kuNkulunkulu ngoJesu Kristu.

1 UPhethro 4:17

Ngoba sekuyisikhathi sokuba ukuthonisiswa kuqale endlini kaNkulunkulu; uba kuqala ngathi, kuzakuba yini ukuphela kwalabo abangalalelanga ivangeli likaNkulunkulu na?

1 UJohane 5:1

Yilowo lalowo okholwa ukuthi uJesu unguKristu, ungumntwana kaNkulunkulu; lalowo othanda umzali uthanda laye ozelweyo nguye.

3 UJohane 1:10

Ngakho uba ngifika, ngizakumkhumbuza lokho akwenzayo; uyasihleba ngamazwi amabi; futhi kakholiswa layilokho, uyala ukubamukela abazalwane yena, uyabalela lalabo abathanda ukubamukela, abakhuphe ebandleni.

3 UJohane 1:11

Sithandwa, ungakulingiseli okubi, kodwa lingisela okuhle. Owenza okuhle ungokaNkulunkulu; owenza okubi kambonanga uNkulunkulu.

3 UJohane 1:3

Ngathokoza kakhulu lapho kufika abazalwane abafakazela iqiniso lokuhamba kwakho, njengoba uhamba eqinisweni impela.