AbaseGalathiya 5:20 - iBhayibhili Elingcwele 1978

²⁰ lokukhonza izithombe, lokuthakatha, lobutha, lenkani, lomona, lolaka, lokubanga, lokuxabana, lokwahlukana,

IBhayibhili Elingcwele LesiNdebele

²⁰ ukukhonza izithombe lobuthakathi; inzondo lokuxabana, umona lentukuthelo, lobuhwaba, ukungezwani lokungavumelani

AbaseGalathiya 5:20 ပူးပေါင်းရင်းမြစ်များ

2 ImiLando 33:6

Watshisa abantwana bakhe baba ngumnikelo esihotsheni saseBeni‐Hinomu, wavumisa, wenza imilingo lamalumbo, wasebenza labalamadlozi labathakathi. Wenza okubi kakhulu phambi kweNkosi, wayithukuthelisa.

UHezekhiyeli 22:18

Ndoda, uIsrayeli wonke usenjengamanyele kimi, wonke ngoluthi lwakhe, unjengamanyele esiliva lethusi lensimbi lomnuso phakathi kwesithando.

AbaseRoma 2:8

kodwa abalenkani bengalaleli iqiniso, belalela ukungalungi, bazakuzwa intukuthelo lolaka.

1 AbaseKhorinte 11:19

Ngoba kufanele ukuba kube khona ukwahlukana phakathi kwenu ukuze labo abaqinisileyo babonakale.

2 AbaseKhorinte 11:19

Ngoba lithanda ukuzibekezelela izithutha, lina lingabahlakaniphileyo!

2 AbaseKhorinte 12:20

Ngilovalo lokuthi ekufikeni kwami mhlawumbe ngizakulifumana lingenjengalokho engikuthandayo, lami lingifumane ngingenjengalokho elikuthandayo. Ngilovalo lokuthi mhlawumbe kungaba khona ukuxabana, lomona, lokuthukuthela, lombango, lokuhleba, lokunyeya, lokuzazisa, leziphithiphithi.

AbaseGalathiya 5:15

Kodwa uba lilumana, lidlana, qaphelani ukuba lingaqedani.

UDutheronomi 18:10

Kakungabi khona phakathi kwenu umuntu otshisa ngomlilo indodana yakhe lendodakazi yakhe ibe ngumnikelo, lovumisayo, lohlolayo imihlola, lowenza imilingo, lomthakathi,

UThithu 3:10

Umuntu olesifundiso esiduhisayo, eselulekwe kanye lakabili, mdele,

UJakhobe 3:14

Kodwa uba lilomhawu obabayo lombango enhliziyweni zenu, lingazincomi, liqambele amanga iqiniso.

2 UPhethro 2:1

Kodwa kwavela abaprofethi bamanga phakathi kwabantu, njengokuba lakini kuzakuba khona abafundisi bamanga abazakungenisa ngensitha izifundiso ezichithayo, bephika iNkosi eyabathengayo, bezilethela ngokuphangisa ukuchitheka.

1 UJohane 3:15

Lowo ozonda umzalwane wakhe ungumbulali; liyazi ukuthi kakho umbulali olokuphila okungapheliyo okuhlezi kuye.

Isambulo 21:8

Kodwa amagwala, labangakholwayo, labangcolileyo, lababulali, leziphingi, labathakathi, labakhonza izithombe, labo bonke abaqambi bamanga, isabelo sabo sizakuba echibini elivutha umlilo lesolufa, okuyikufa kwesibili.

1 USamuyeli 15:23

Ngoba ukuhlamuka kufana lesono sokuvumisa, lenkani ifana lobubi lokukhonza izithombe. Ngoba ulilahlile ilizwi leNkosi, layo ikulahlile wena ukuba ungabe usaba yinkosi.