AbaseGalathiya 5:10 - iBhayibhili Elingcwele 1978

¹⁰ Ngilethemba eNkosini ukuba kaliyikunakana okwehlukene lokwami; kodwa lowo olihluphayo uzakuthwala okwakhe ukulahlwa loba engubani.

IBhayibhili Elingcwele LesiNdebele

¹⁰ Ngiyathemba eNkosini ukuthi kaliyikwamukela omunye umnakano. Lowo olibeka phakathi kwenyakanyaka uzajeziswa, loba engubani.

AbaseGalathiya 5:10 ပူးပေါင်းရင်းမြစ်များ

Imisebenzi 15:24

Njengokuba sizwile ukuthi abantu abathile abavela kithi balikhathazile ngamazwi, bedunga ingqondo zenu ngesingabalayanga khona,

1 AbaseKhorinte 5:5

onjalo kanikelwe kuSathane kukho ukubhubha kwenyama yakhe, ukuze umoya wakhe usiliswe osukwini lweNkosi.

2 AbaseKhorinte 1:15

Ngenxa yalelithemba ngafisa ukuza kini kuqala, ukuze lithokoziswe kabili;

2 AbaseKhorinte 10:2

Ngiyalincenga ukuthi, nxa ngifikayo, kungadingeki ukuba ngibasukele ngesibindi engizimisele ukuba laso kwabanye abatshoyo ngathi ukuthi sihamba ngokomhlaba.

2 AbaseKhorinte 10:6

futhi silungele ukutshaya ukungalaleli konke, nxa ukulalela kwenu sekuphelele.

2 AbaseKhorinte 13:10

Ngiloba lezizinto ngingekho, ukuze kuthi nxa ngifikayo, ngingabi bukhali ekusebenziseni amandla iNkosi eyanginika wona, abe ngawokwakha, angabi ngawokubhidliza.

2 AbaseKhorinte 2:3

Ngaloba ngokunjalo, ukuze kuthi ekufikeni kwami ngingabangelwa usizi yilabo ebengifanele ukuthokoziswa yibo, ngoba ngaba lethemba ngani lonke ukuthi ukuthokoza kwami kuzakuba yikuthokoza kwenu lonke.

2 AbaseKhorinte 2:6

Kumanele onjalo lokhukukhuza kwabanengi benu;

2 AbaseKhorinte 5:16

Ngakhoke thina kasisayikuhlola umuntu ngokwabantu, lanxa sake samhlola uKristu ngokwabantu, kodwa khathesi kasisamhloli.

2 AbaseKhorinte 7:16

Ngiyathokoza, ngoba ngiyalithemba kakhulu.

2 AbaseKhorinte 8:22

Sithumela kanye labo umzalwane wethu esimfumene kanengi ekhuthele ezintweni ezinengi, khathesi ukhuthele kakhulu ngenxa yokulithemba kwakhe okukhulu.

AbaseGalathiya 1:7

kungesilo elinye, kodwa bakhona abalididayo bethanda ukuhlanekela ivangeli likaKristu.

AbaseGalathiya 2:4

Kodwa kwaba ngenxa yabazalwane bamanga abangeniswa ngensitha, abangena ngokunyenya ukuba bahlole ukukhululeka kwethu esilakho kuKristu Jesu, ukuze basenze izigqili.

AbaseGalathiya 2:6

Kodwa labo okuthiwa ngabadumileyo — loba bengobani kakutsho lutho kimi; uNkulunkulu kakhethi muntu — ngithi labo abadumileyo kabangelekelelanga ngalutho;

AbaseGalathiya 3:1

Hawu maGalathiya ayizithutha! Ngubani oliloyileyo lina abekwa obala phambi kwenu uJesu Kristu ebethelwe na?

AbaseGalathiya 4:11

Ngilovalo ngani ukuthi mhlawumbe ngisebenzele ize ngenxa yenu.

AbaseGalathiya 4:17

Labobantu bayalitshisekela, kodwa kungesikho ngokuhle; bafuna ukulivalela ngaphandle ukuze litshisekele bona.

AbaseGalathiya 4:20

Bengingathanda ukuba khona phakathi kwenu ngiphendule indlela yokukhuluma kwami, ngoba ngididekile ngani.

AbaseGalathiya 5:12

Ngalabo abalihluphayo ngingathi kabazithene isibili!

AbaseGalathiya 5:7

Beligijima kuhle; livinjelwe ngubani ukuba lingalaleli iqiniso na?

AbaseGalathiya 6:17

Kangingabe ngisahlutshwa muntu, ngoba ngilazo emzimbeni wami impawu zikaJesu.

AbaseFiliphi 3:15

Ngakhoke thina esesiphelele asibe lomqondo onjalo; uba ezintweni ezithile lilomqondo omunye, lalokhu uNkulunkulu uzakulambulela khona.

2 AbaseThesalonika 3:4

Silethemba eNkosini ngani ukuthi lokhu esililaya khona liyakwenza, njalo lizakukwenza.

1 uTimothi 1:20

okukhona phakathi kwabo uHimeneyo loAleksandro engibanikele kuSathane, ukuze bafunde ukuba bangahlambazi.

UFilimoni 1:21

Ngiloba ngokuthemba ukulalela kwakho, ngisazi ukuthi uzakwenza okungaphezu kwalokho engikutshoyo.