AbaseGalathiya 3:29 - iBhayibhili Elingcwele 1978

²⁹ Uba lingabakaKristu, liyinzalo kaAbrahama, liyizindlalifa njengokwathenjiswayo.

IBhayibhili Elingcwele LesiNdebele

²⁹ Nxa lingabakaKhristu, ngalokho liyinzalo ka-Abhrahama, lezindlalifa njengokutsho kwesithembiso.

AbaseGalathiya 3:29 ပူးပေါင်းရင်းမြစ်များ

UMatewu 3:9

Lingacabangi ukuba lingatsho phakathi kwenu ukuthi: Silobaba uAbrahama. Ngoba ngithi kini: UNkulunkulu ulamandla okumenzela uAbrahama abantwana kulamatshe.

AbaseRoma 8:17

uba singabantwana, siyizindlalifa futhi, izindlalifa zikaNkulunkulu lezindlalifa kanye loKristu, uba phela sihlupheka kanye laye ukuze sidunyiswe kanye laye.

1 AbaseKhorinte 15:23

Kodwa yilowo lalowo ngesigaba sakhe, uKristu kuqala, besekusiba ngabakaKristu ekufikeni kwakhe,

2 AbaseKhorinte 10:7

Khangelani iqiniso eliphambi kwenu. Uba umuntu ezithemba yena ukuba ungokaKristu, kanakane ukuthi, njengoba yena engokaKristu, sinjalo lathi.

AbaseGalathiya 3:16

Izithembiso zanikwa uAbrahama lenzalo yakhe. Kakutshiwo ukuthi: Ezinzalweni, ngokungathi zinengi; kodwa kungathi yinye kuthiwa: Lasenzalweni yakho; enguKristu.

AbaseGalathiya 3:18

Ngoba uba ilifa likhona ngomlayo, kalisekho ngesithembiso; kodwa uNkulunkulu walinika uAbrahama ngesithembiso.

AbaseGalathiya 3:28

Kakukho umJuda lomGriki, kakukho obotshiweyo lokhululekileyo, kakukho owesilisa lowesifazana; ngoba lina lonke limunye kuKristu Jesu.

AbaseGalathiya 3:7

Ngakhoke yazini ukuthi abakholwayo yibo abangamadodana kaAbrahama.

AbaseGalathiya 4:1

Ngitsho ukuthi lapho indlalifa iseyingane, kayahlukanga ngalutho esigqilini, lanxa ingumnikazi wakho konke;

AbaseGalathiya 4:7

Ngakhoke kawuseyiso isigqili kodwa usuyindodana; uba uyindodana, uyindlalifa ngaye uNkulunkulu.

AbaseGalathiya 5:24

AbakaKristu Jesu babethele umzimba kanye lokuhugeka lezinkanuko zawo.

AbaseGalathiya 6:16

Ukuthula lesihawu kakube kibo bonke abahamba ngalindlela, yebo, lakuIsrayeli kaNkulunkulu.

Abase-Efesu 3:6

ukuthi abezizwe bayizindlalifa kanye lathi, lokuthi bangumzimba munye kanye lathi, bangabahlanganyeli besithembiso kuKristu Jesu ngevangeli.

UThithu 3:7

ukuze silungisiswe ngomusa wakhe, sibe yizindlalifa zokuphila okungapheliyo ngokuthemba.

AmaHebheru 1:14

Kazisibo yini zonke omoya abasebenzayo abathunyelwe ukukhonza ngenxa yalabo abazakudla ilifa lokusiliswa na?

AmaHebheru 11:18

okwakuthiwe ngayo: Inzalo yakho izakubizwa ngoIsaka.

AmaHebheru 11:7

Ngokukholwa uNowa exwayisiwe nguNkulunkulu ngezinto ebezingakabonwa wakha umkolo wokusilisa indlu yakhe; wawulahla umhlaba ngokukholwa, waba yindlalifa yokulunga okuvela ngokukholwa.

AmaHebheru 6:17

Ngakhoke lapho uNkulunkulu ethanda ukubonisa ngokupheleleyo kuzo izindlalifa zesithembiso ukungaphenduki kwecebo lakhe, waqinisa ngesifungo,

UJakhobe 2:5

Zwanini, bazalwane bami abathandekayo; uNkulunkulu kabakhethanga yini abayanga emhlabeni ukuba babe ngabanothileyo ngokukholwa lezindlalifa zombuso awuthembisayo kulabo abamthandayo na?

Isambulo 21:7

Onqobayo uzakudla ilifa lalezizinto; ngizakuba nguNkulunkulu wakhe, yena abe yindodana yami.