AbaseGalathiya 3:17 - iBhayibhili Elingcwele 1978

¹⁷ Ngitsho ukuthi isivumelwano esaqiniswa nguNkulunkulu ngaphambili kasichithwa ngumlayo owavela eminyakeni engamakhulu amane lamatshumi amathathu emva kokwenziwa kwaso, usenze isithembiso sibe yize.

IBhayibhili Elingcwele LesiNdebele

¹⁷ Engikutshoyo yilokhu: Umthetho owabekwa eminyakeni engamakhulu amane lamatshumi amathathu (430) muva, kawusibeki eceleni isivumelwano esamiswa ngaphambili nguNkulunkulu ngalokho wesule isithembiso.

AbaseGalathiya 3:17 ပူးပေါင်းရင်းမြစ်များ

UGenesisi 15:13

INkosi yathi kuAbrama: Yazi impela ukuthi inzalo yakho izazula elizweni elingesilo layo, isebenzele abantu abazakuyihlupha iminyaka engamakhulu amane.

UGenesisi 15:18

Ngalolosuku iNkosi yenza isivumelwano loAbrama, yathi: Ngiyayinika inzalo yakho lelilizwe, kusukela emfuleni waseGibithe kuze kube semfuleni omkhulu othiwa liYufrathi,

UGenesisi 17:19

UNkulunkulu wathi: Atshi, uSara umkakho uzakukuzalela indodana; uzakuyitha ibizo uthi nguIsaka; ngizakumisa isivumelwano sami laye kanye lenzalo yakhe emva kwakhe sibe yisivumelwano esingapheliyo.

UJobe 40:8

Lembala, uzachitha ukwahlulela kwami, ungilahle, ukuba wena ube ngolungileyo na?

AmaHubo 105:9

isivumelwano eyasenza loAbrahama, isithembiso eyasenza kuIsaka;

AmaHubo 33:10

INkosi ichitha icebo lezizwe, iphuthisa imicabango yabantu.

U-Isaya 14:27

Ngoba iNkosi yamabandla ikumisile, ngubani ongakuchitha na? Lesandla sayo siphakanyisiwe, ngubani ongasibuyisela emuva na?

U-Isaya 28:18

Laphoke isivumelwano senu lokufa sizakuchithwa, lesivumelwano senu lendawo yabafileyo siphele; lapho inhlupheko ezikhukhulayo zisedlula, zizalinyathela phansi.

AmaNani 23:19

UNkulunkulu kafanani lomuntu ukuba aqambe amanga, kasuye umuntu ukuba azisole. Utshilo, kanti kayikukwenza na? Ukhulumile, kanti kayikukuphelelisa na?

AmaNani 30:8

Kodwake uba indoda yakhe imtshela lapho ikuzwa ukuthi kayivumi, izakwenza isifungo asenzileyo sibe yize, lesithembiso asithembise ngokungananzeleli azibophe ngaso, sibe yize; leNkosi izakumyekela.

UJohane 1:17

Ngoba umlayo wanikwa ngoMose, umusa leqiniso kweza ngoJesu Kristu.

Imisebenzi 7:6

UNkulunkulu wakhuluma kanje, wathi: Inzalo yakho izakuhlala elizweni labanye abazakuyenza izigqili, bayiphathe kubi iminyaka engamakhulu amane.

AbaseRoma 3:25

ammisayo uNkulunkulu ukuba abe yinhlawulo ngegazi lakhe, emukelwe ngokukholwa. UNkulunkulu wakwenza lokhu ukuba abonakalise ukulunga kwakhe, ngoba ngokubekezela kwakhe wayekela izono ezenziwa ngaphambili;

AbaseRoma 3:3

Uba abanye bengathembekanga, kunjani pho? Ukungathembeki kwabo kuzakwenza ize ukuthembeka kukaNkulunkulu na?

1 AbaseKhorinte 1:12

Ngitsho lokhu kokuthi ilowo lalowo wenu uthi: Mina ngingokaPawuli; mina ngingokaApolosi; mina ngingokaKefasi; mina ngingokaKristu.

1 AbaseKhorinte 1:17

Ngoba uKristu kangithumanga ukuba ngibhaphathize, kodwa ukuba ngitshumayele ivangeli kungesikho ngokuhlakanipha kwamazwi, funa isiphambano sikaKristu senziwe ize.

1 AbaseKhorinte 10:19

Ngitshoni pho? Ngitsho ukuthi okuhlatshelwe izithombe kuyilutho na? lokuthi isithombe siyilutho na?

1 AbaseKhorinte 7:29

Ngitsho lokhu, bazalwane, ukuthi isikhathi sesinciphile; ngakho kusukela khathesi abalabafazi kababe njengabangelabo,

2 AbaseKhorinte 1:20

Zonke izithembiso zikaNkulunkulu zipheleliswe kuye, ngakhoke ngaye sithi: Ameni; kudunyiswe uNkulunkulu.

2 AbaseKhorinte 9:6

Khumbulani ukuthi ohlanyela ingcosana uzakuvuna ingcosana, lohlanyela kakhulu uzakuvuna kakhulu.

AbaseGalathiya 3:15

Bazalwane, ake ngililinganisele ngokwabantu. Intando yokucina yomuntu esiqinisiwe, kakho ongayichitha loba ongengezelela kuyo.

AbaseGalathiya 3:21

Phoke, umlayo uphambene lezithembiso zikaNkulunkulu na? Phinde! Ngoba uba wawunikiwe umlayo olamandla okuphilisa, ukulunga ngabe kukhona ngomlayo isibili.

AbaseGalathiya 5:16

Ngithi: Hambani ngoMoya lingakholisi inkanuko zomzimba.

AbaseGalathiya 5:4

Lehlukene loKristu lina elifuna ukulungisiswa ngomlayo; lehlukene lomusa.

Abase-Efesu 2:12

Khumbulani ukuthi ngalesosikhathi lalingelaye uKristu, lalingaphandle kombuso wakoIsrayeli, lalingabezizwe ezivumelwaneni zesithembiso, lalingelalo ithemba, lalingelaye uNkulunkulu emhlabeni.

Abase-Efesu 4:17

Ngakhoke ngiyaqinisa, ngifakaza lokhu eNkosini, ngithi lingabe lisahamba ngokuhamba kwabezizwe ebuzeni bengqondo yabo.

AbaseKholose 2:4

Ngilitshela lokhu ukuze lingakhohliswa muntu ngamazwi ayengayo.

AmaHebheru 11:13

Bonke laba bafela ekukholweni, bengamukeliswanga okwathenjiswayo, kodwa bakubonela khatshana, bakuthakazelela, bavuma ukuthi bangabezizwe lezihambi emhlabeni.

AmaHebheru 7:18

Umthetho wokuqala uyachithwa ngenxa yobuthakathaka bawo lokungasizi lutho kwawo,

1 UPhethro 1:20

Wamiswa ngaphambili umhlaba ungakabi khona, kodwa wabonakaliswa esikhathini sokucina ngenxa yenu;