AbaseGalathiya 3:1 - iBhayibhili Elingcwele 1978

¹ Hawu maGalathiya ayizithutha! Ngubani oliloyileyo lina abekwa obala phambi kwenu uJesu Kristu ebethelwe na?

IBhayibhili Elingcwele LesiNdebele

¹ Lina maGalathiya ayizithutha! Ngubani oliloyileyo? Phambi kwamehlo enu uJesu Khristu wabonakaliswa obala ebethelwe.

AbaseGalathiya 3:1 ပူးပေါင်းရင်းမြစ်များ

UMatewu 24:24

Ngoba kuzakuvela okristu bamanga labaprofethi bamanga, benze izibonakaliso ezinkulu lezimangaliso, ukuze kuthi nxa kungenzeka baduhise labakhethiweyo.

UMatewu 7:26

Kodwa lowo owezwayo lamazwi ami, angawenzi, uzakufaniswa lendoda eyisithutha, eyakha indlu yayo phezu kwesihlabathi.

ULukha 24:25

Wasesithi kibo: O lina elingelakuqedisisa elilenhliziyo ezivilaphela ukukholwa konke lokho okwatshiwo ngabaprofethi!

Imisebenzi 16:6

Basebedabula ilizwe laseFrigiya lelaseGalathiya, balelwa nguMoya oNgcwele ukukhuluma ilizwi eAsiya.

Imisebenzi 6:7

Ilizwi likaNkulunkulu landa, lobunengi babafundi bakhula kakhulu eJerusalema, labapristi abanengi bakholwa.

AbaseRoma 10:16

Kodwa kabalilalelanga bonke ivangeli; ngoba uIsaya uthi: Nkosi, ngubani owakholwa ilizwi lethu na?

AbaseRoma 2:8

kodwa abalenkani bengalaleli iqiniso, belalela ukungalungi, bazakuzwa intukuthelo lolaka.

AbaseRoma 6:17

Kodwa kabongwe uNkulunkulu ngokuthi lina elake laba yizigqili zesono, selilalela ngenhliziyo indlela yesifundiso elanikelwa kuyo,

1 AbaseKhorinte 11:26

Ngoba nxa lisidla lesisinkwa, liyinatha linkezo, litshumayela ukufa kweNkosi ize ifike.

1 AbaseKhorinte 2:2

Ngoba ngamisa ukuthi kangizukwazi lutho phakathi kwenu, kuphela uJesu Kristu, lowo owabethelwayo.

2 AbaseKhorinte 10:5

Sichitha inkani, lakho konke okuziphakamisela ukumelana lokumazi uNkulunkulu, lemicabango yonke siyithumbela ukumlalela uKristu;

2 AbaseKhorinte 11:3

Kodwa ngilovalo lokuthi njengalokhu inyoka yamkhohlisa uEva ngobuqili bayo, ngokunjalo imicabango yenu mhlawumbe ingaduhiswa, iyekele ukuthembeka okuqotho kuKristu.

AbaseGalathiya 1:2

labazalwane bonke abalami, sithi kuwo amabandla aseGalathiya:

AbaseGalathiya 1:6

Ngiyamangala ngoba limhlamuke masinyane kangaka yena owalibizela emuseni kaKristu, liye kwelinye ivangeli;

AbaseGalathiya 2:14

Kodwa kuthe sengibonile ukuba kabahambi ngokweqiniso levangeli, ngathi kuKefasi phambi kwabo bonke: Uba wena ungumJuda, uhamba ngokwabezizwe ungahambi ngokwabaJuda, ungabacindezela kanjani abezizwe ukuba bahambe ngokwabaJuda na?

AbaseGalathiya 3:3

Kanti liyizithutha kangaka na? Liqalile ngoMoya; selizakucina ngawenu amandla na?

AbaseGalathiya 4:9

kodwa khathesi njengalokhu selimazi uNkulunkulu, kumbe kangithi selisaziwa nguNkulunkulu, libuyelelani empini yemimoya yalumhlaba ebuthakathaka leyize na? Lithanda ukuphinda libe yizigqili zawo na?

AbaseGalathiya 5:11

Kodwa mina, bazalwane, uba ngisatshumayela ukusoka, ngisazingelelwani na? Ngabe sesisusiwe isikhubekiso sesiphambano.

Abase-Efesu 3:8

Mina engimncinyane kulabo bonke abangcwele ngawuphiwa lowomusa wokutshumayela kwabezizwe ivangeli lenotho kaKristu engelakulinganiswa,

Abase-Efesu 4:14

Ngakhoke kasingabe sisaba ngabantwana abazuliswa bethwalwa yimimoya yonke yokufundisa, sikhohliswa ngabantu ngobuqili babo obulamacebo aduhisayo.

Abase-Efesu 5:15

Ngakhoke qaphelisisani ukuthi lihamba kanjani, kungabi njengezithutha kodwa njengabahlakaniphileyo,

UDutheronomi 32:6

Liyibonga iNkosi kanjalo, lina bantu abayizithutha labangahlakaniphanga na? Kayisuye uyihlo owalidalayo, walenza, walimisa na?

2 AbaseThesalonika 1:8

Uzaphindisela kwabangamaziyo uNkulunkulu lakwabangalaleli ivangeli leNkosi yethu uJesu.

1 uTimothi 6:4

uyazikhukhumeza lowo, kazi lutho. Uphethwe yinkani lokuphikisana ngamazwi, okubanga umona, lombango, lokuthuka, lemicabango emibi,

AmaHebheru 11:8

Ngokukholwa uAbrahama walalela ebizwa ukuba asuke aye endaweni ayezakuyinikwa ibe yilifa lakhe; waphuma engazi lapho aya khona.

AmaHebheru 5:9

lapho esephelelisiwe waba ngumthombo wokusiliswa okungapheliyo kibo bonke abamlalelayo,

1 UPhethro 1:22

Ngokulalela iqiniso selihlambulule imiphefumulo yenu ukuthanda abazalwane ngobuqotho; ngakhoke thandanani ngokupheleleyo ngenhliziyo yonke.

1 UPhethro 4:17

Ngoba sekuyisikhathi sokuba ukuthonisiswa kuqale endlini kaNkulunkulu; uba kuqala ngathi, kuzakuba yini ukuphela kwalabo abangalalelanga ivangeli likaNkulunkulu na?

2 UPhethro 2:18

Ngokuziqakisa okuyize bayabayenga ngezinkanuko zomzimba langamanyala labo asebephose baphuma ekuduheni;

Isambulo 18:3

ngoba izizwe zonke zidakiwe liwayini lokungcola kwalo, lamakhosi omhlaba aphingile lalo, labathengisi bomhlaba banothiswe yinotho yalo enkulu.

Isambulo 2:20

Kodwa ngilalokhu ngawe ukuthi umvumele owesifazana uJezebeli, ozibiza ngokuthi ungumprofethikazi, ukufundisa aduhise inceku zami ukuba ziphinge, lokuba zidle ukudla okuhlatshelwe izithombe.

1 USamuyeli 13:13

USamuweli wathi kuSawuli: Wenze ubuthutha; kawuwugcinanga umlayo weNkosi uNkulunkulu wakho eyakulaya wona; ngoba iNkosi ibizakuwumisa kokuphela umbuso wakho koIsrayeli.