AbaseGalathiya 2:6 - iBhayibhili Elingcwele 1978

⁶ Kodwa labo okuthiwa ngabadumileyo — loba bengobani kakutsho lutho kimi; uNkulunkulu kakhethi muntu — ngithi labo abadumileyo kabangelekelelanga ngalutho;

IBhayibhili Elingcwele LesiNdebele

⁶ Labo ababeqakathekiswa, loba beyilokho ababeyikho khona akwenzi mahluko kimi; uNkulunkulu kahluleli ngokubonakala ngaphandle, labobantu kabengezanga lutho elizwini lami.

AbaseGalathiya 2:6 ပူးပေါင်းရင်းမြစ်များ

UJobe 34:19

ongazazisi izikhulu, engananzi isinothi ukwedlula umyanga, ngoba bonke bengumsebenzi wezandla zakhe na?

UMatewu 22:16

Bathumela kuye abafundi babo kanye labakaHerodi, bathi: Mfundisi, siyazi ukuthi wena uqotho, ufundisa indlela kaNkulunkulu ngeqiniso; kawukhathali ngomuntu, ngoba kawunanzi isimo somuntu.

UMakho 12:14

Beza bathi kuye: Mfundisi, siyazi ukuthi wena uqotho, kawukhathali ngomuntu, ngoba kawunanzi isimo somuntu, kodwa ufundisa indlela kaNkulunkulu ngeqiniso. Kuvunyelwe yini ukuthela kuKesari ingabe atshi? Sithele ingabe singatheli na?

ULukha 20:21

Bambuzake besithi: Mfundisi, siyazi ukuthi wena ukhuluma ufundise ngokuqondileyo, kawukhathaleli muntu, kodwa ufundisa indlela kaNkulunkulu ngeqiniso.

Imisebenzi 10:34

Kwang’khona uPetro wavula umlomo wakhe, wathi: Impela ngiyabona ukuthi uNkulunkulu kakhangeli ubuso bomuntu,

Imisebenzi 5:36

Ngoba ngaphambi kwalezinsuku kwasuka uTewuda wazitshaya umuntu omkhulu; amlandela amadoda angaba ngamakhulu amane; kodwa wabulawa, kwathi labo ababemlandela bachitheka, baphela.

AbaseRoma 2:11

Ngoba uNkulunkulu kakhethi muntu;

2 AbaseKhorinte 11:5

Ngithi kangisileli ngalutho kulabo abaphostoli abakhulu.

2 AbaseKhorinte 12:11

Sengize ngaba yisithutha, kodwa yini elingicindezele kukho. Bekufanele ukuba ngivezwe yini. Ngoba kangisilele ngalutho kulabo abaphostoli abakhulu, loba ngingesilutho lwalutho.

2 AbaseKhorinte 5:16

Ngakhoke thina kasisayikuhlola umuntu ngokwabantu, lanxa sake samhlola uKristu ngokwabantu, kodwa khathesi kasisamhloli.

AbaseGalathiya 2:2

Ngaya khona ngoba ngambulelwa nguNkulunkulu ukuba ngiye khona. Ngabalandisela ngevangeli engilitshumayela phakathi kwabezizwe, kodwa ngakwenza lokhu phambi kwabadumileyo bebodwa, funa mhlawumbe kungaba yikuthi ngigijimela ize, loba sengagijimela ize.

AbaseGalathiya 6:3

Ngoba uba umuntu ezitshaya ulutho, yena engasilutho, uyazikhohlisa.

UDutheronomi 10:17

Ngoba iNkosi uNkulunkulu wenu inguNkulunkulu wabonkulunkulu, leNkosi yamakhosi, uNkulunkulu omkhulu, olamandla, owesabekayo, ongakhethi muntu, ongamukeli umvuzo wokuthengwa.

AmaHebheru 13:17

Lalelani abakhokheli benu, lizehlisele ngaphansi kwabo, ngoba balinda imiphefumulo yenu njengabantu abazakulandisa ngayo. Kabakwenze lokhu ngokujabula, bangabubuli, ngoba lokhu kakulakusiza.

AmaHebheru 13:7

Khumbulani abakhokheli benu labo abalitshumayeza ilizwi likaNkulunkulu, liqaphelise ukuphela kokuhamba kwabo, lilingisele ukukholwa kwabo.

1 UPhethro 1:17

Uba likhuleka lisithi Baba kuye owahlulela ilowo lalowo ngokwemisebenzi yakhe engabandlululi, hambani ngokwesaba esikhathini senu liyizihambi emhlabeni.