AbaseGalathiya 2:20 - iBhayibhili Elingcwele 1978

²⁰ Ngibethelwe kanye loKristu; kakuseyimi ophilayo, kodwa uKristu uphila kimi; ukuphila engikuphila khathesi ngikuphila ngokukholwa iNdodana kaNkulunkulu eyangithandayo, yazinikela ngenxa yami.

IBhayibhili Elingcwele LesiNdebele

²⁰ Sengibethelwe kanye loKhristu, akuseyimi engiphilayo, kodwa uKhristu uphila phakathi kwami. Ukuphila engikuphila emzimbeni, ngikuphila ngokukholwa eNdodaneni kaNkulunkulu, eyangithandayo njalo yazinikela ngenxa yami.

AbaseGalathiya 2:20 ပူးပေါင်းရင်းမြစ်များ

Ingoma 7:10

Mina ngingowesithandwa sami, sona siyangifisa kakhulu.

UMatewu 20:28

njengalokhu iNdodana yomuntu kayizanga ukukhonzwa, kodwa ukukhonza lokunika ukuphila kwayo, kube lihlawulo labanengi.

UMatewu 4:3

Kweza umlingi, wathi kuye: Uba uyiNdodana kaNkulunkulu, tshono ukuba lamatshe abe yizinkwa.

UJohane 1:49

UNathanyeli waphendula wathi: Mfundisi, uyiNdodana kaNkulunkulu; uyiNkosi kaIsrayeli.

UJohane 10:11

Mina ngingumalusi olungileyo. Umalusi olungileyo udela ukuphila kwakhe ngenxa yezimvu.

UJohane 15:13

Kakho olothando olukhulu kulalolu lokuthi umuntu adele ukusila kwakhe ngenxa yabangane bakhe.

UJohane 17:21

ukuba bonke babe munye, njengalokhu wena Baba ukimi, lami ngikuwe, ukuba labo babe kithi, ukuze umhlaba ukholwe ukuthi ungithumile wena.

UJohane 3:16

Ngoba uNkulunkulu wawuthanda umhlaba kangaka, waze wanikela ngeNdodana yakhe ezelwe yodwa ukuba ilowo lalowo okholwa kiyo angabhubhi, kodwa abe lokuphila okungapheliyo.

UJohane 3:35

UYise uyayithanda iNdodana, unikele izinto zonke esandleni sayo.

UJohane 6:57

Njengalokhu uBaba ophilayo ungithumile, lami ngiphila ngoBaba, ngakho ongidlayo laye uzakuphila ngami.

UJohane 6:69

Siyakholwa, sesisazi ukuthi wena ungoNgcwele kaNkulunkulu.

Imisebenzi 8:36

Kwathi besahamba endleleni, bafika emanzini; induna yathi: Khangela, nanka amanzi; kwalani ukuba ngibhaphathizwe na?

Imisebenzi 9:20

Masinyane emasinagogeni abo watshumayela ngoJesu esithi uyiNdodana kaNkulunkulu.

AbaseRoma 1:17

Ngoba ukulunga kukaNkulunkulu kwambulwa kilo, kuqala ngokukholwa, kuphele ngokukholwa; njengokulotshiweyo ukuthi: Olungileyo uzakuphila ngokukholwa.

AbaseRoma 14:7

Ngoba kakho phakathi kwethu ozisilela yena, kakho lozifela yena;

AbaseRoma 3:22

ngitsho ukulunga kukaNkulunkulu okungokukholwa kuKristu kibo bonke abakholwayo. Ngoba kawukho umahluko.

AbaseRoma 4:25

owanikelwa ngenxa yeziphambeko zethu, wavuswa ngenxa yokulungisiswa kwethu.

AbaseRoma 5:2

Ngaye singenisiwe kulumusa esimi kuwo; asithokozeni ngethemba lethu lokuthi sizakuhlanganyela inkazimulo kaNkulunkulu.

AbaseRoma 5:6

Ngoba sisebuthakathaka, ngesikhathi esifaneleyo uKristu wafela ababi.

AbaseRoma 5:8

Kodwa uNkulunkulu uqinisa uthando lwakhe kithi ngalokhu ukuthi uKristu wasifela siseyizoni.

AbaseRoma 6:13

Linganikeli izitho zenu esonweni, zibe yizikhali zokungalungi; kodwa zinikeleni lina kuNkulunkulu njengabavusiweyo kwabafileyo abaphilayo, linikele izitho zenu kuNkulunkulu zibe yizikhali zokulunga;

AbaseRoma 6:8

Kodwa uba sifile kanye loKristu, siyakholwa ukuthi sizakuphila futhi kanye laye.

AbaseRoma 8:10

Kodwa uba uKristu ekini, lanxa umzimba usufile ngenxa yesono, umoya uyikuphila ngenxa yokulunga.

AbaseRoma 8:37

Kodwa kulokhu konke silokunqoba okukhulu ngaye owasithandayo.

1 AbaseKhorinte 6:17

Kodwa ohlangene leNkosi ungumoya munye layo.

2 AbaseKhorinte 1:24

Kakusikho ukuthi sibusa ukukholwa kwenu, kodwa sisebenzela ukuthokoza kwenu kanye lani, ngoba liqinile ekukholweni.

2 AbaseKhorinte 10:3

Ngoba lanxa sikhona emhlabeni kasilwi impi yasemhlabeni;

2 AbaseKhorinte 11:10

Njengalokhu iqiniso likaKristu likimi, kangiyikukwamukwa muntu lokhukuzincoma kwami endaweni zaseAkaya.

2 AbaseKhorinte 13:3

njengoba lifuna ubufakazi bokuthi uKristu ukhuluma ngami. Yena kabuthakathaka ekuliphatheni kwakhe, kodwa ulamandla phakathi kwenu.

2 AbaseKhorinte 13:5

Zihloleni lina, libone ukuba lisekukholweni yini; zihlolenike. Kanti kalazi hini ukuthi uJesu Kristu ukini na? Uba kungenjalo lingabangafanelanga.

2 AbaseKhorinte 5:14

Ngoba uthando lukaKristu luyasiqhubezela, sibona lokhu ukuthi munye owafela bonke; ngakhoke bonke sebafa.

2 AbaseKhorinte 5:15

Wafela bonke, ukuze abaphilayo bangabe besaziphilela, kodwa baphilele yena owabafelayo, wabuye wavuka.

2 AbaseKhorinte 5:7

ngoba sihamba ngokukholwa, kasihambi ngokubona.

AbaseGalathiya 1:4

owazinikela ngenxa yezono zethu, ukuba asophule kulesisikhathi esibi sakhathesi ngokwentando kaNkulunkulu uBaba;

AbaseGalathiya 2:16

Kodwa siyazi ukuthi umuntu kalungisiswa ngemisebenzi yomlayo, kuphela ngokukholwa kuKristu Jesu; lathi sakholwa kuKristu ukuba silungisiswe ngokukholwa kuKristu kungesikho ngemisebenzi yomlayo; ngoba ngemisebenzi yomlayo kakuyikulungisiswa muntu.

AbaseGalathiya 3:11

Kusobala ukuthi ngomlayo kakulamuntu ongalungisiswa phambi kukaNkulunkulu; ngoba kuthiwa: Lowo olungileyo ngenxa yokukholwa uzakuphila.

AbaseGalathiya 5:24

AbakaKristu Jesu babethele umzimba kanye lokuhugeka lezinkanuko zawo.

AbaseGalathiya 6:14

Kodwa kimi kakungabi khona lakanye ukuzincoma, kuphela ngesiphambano seNkosi yethu uJesu Kristu, okubethelwe ngaso umhlaba kimi, lami kuwo umhlaba.

Abase-Efesu 3:17

uKristu ahlale enhliziyweni zenu ngokukholwa. Lokhu selilempande, lesisekelo othandweni,

Abase-Efesu 5:2

lihambe ngothando, njengalokhu uKristu wasithanda, wazinikela ngenxa yethu, abe ngumnikelo lomhlatshelo olephunga elimnandi kuNkulunkulu.

Abase-Efesu 5:25

Madoda, thandani omkenu, njengoKristu walithanda ibandla, wazinikela ngenxa yalo,

AbaseFiliphi 1:21

Ngoba kimi ukusila kunguKristu, ukufa kuyinzuzo;

AbaseFiliphi 4:13

Ngingakwenza konke ngaye ongiqinisayo.

AbaseKholose 1:27

Bona uNkulunkulu wathanda ukubazisa ukuthi ingakanani inotho lobukhosi baleyomfihlakalo phakathi kwabezizwe; leyomfihlakalo yilokhu ukuthi uKristu uphakathi kwenu, lilethemba lenkazimulo.

1 AbaseThesalonika 1:10

lilindele iNdodana yakhe ivela ezulwini, ayivusa kwabafileyo, uJesu osophula olakeni oluzayo.

1 AbaseThesalonika 5:10

owasifelayo ukuba, loba siphapheme loba silele, sihlale kanye laye.

UThithu 2:14

Yena wazinikela ngenxa yethu ukuze asihlenge ebubini bonke, lokuzihlambululela abantu abangabakhe abatshisekela izenzo ezinhle.

AmaHebheru 8:3

Yilowo lalowo umpristi omkhulu umiselwe ukunikela ngeminikelo lemihlatshelo; ngakhoke kuyadingeka ukuba laye lumpristi abe lakho okuthile kokunikela.

1 UPhethro 1:8

Yena liyamthanda lingambonanga, elithi lakhathesi lingamboni likholwe kuye, lithokoze ngentokozo enkulu engakhulumekiyo,

1 UJohane 1:7

kodwa uba sihamba ekukhanyeni njengalokhu yena esekukhanyeni, silokuhlanganyela omunye lomunye, legazi likaJesu iNdodana yakhe liyasihlambulula ezonweni zonke.

1 UJohane 4:14

Sibonile, siyafakaza ukuthi uBaba uyithumele iNdodana yakhe ibe nguMsilisi womhlaba.

1 UJohane 5:20

Siyazi ukuthi iNdodana kaNkulunkulu isifikile, yasinika ukuqedisisa ukuze simazi oweqiniso; sikuye oweqiniso lokhu sikiyo iNdodana yakhe uJesu Kristu. Yena unguNkulunkulu weqiniso lokuphila okungapheliyo.

Isambulo 1:5

lakuJesu Kristu ufakazi othembekileyo, olizibulo kwabafileyo lombusi wamakhosi omhlaba. Kuye osithandayo lowasikhulula ezonweni zethu ngegazi lakhe,

Isambulo 3:20

Khangela, ngimi ngasemnyango ngiqoqoda; uba umuntu esizwa ilizwi lami, avule umnyango, ngizakungena ngidle laye, laye adle lami.