AbaseFiliphi 4:14 - iBhayibhili Elingcwele 1978

¹⁴ Kodwa lenze kuhle ngokuhlanganyela kwenu ekuhluphekeni kwami.

IBhayibhili Elingcwele LesiNdebele

¹⁴ Kodwa kwakukuhle ukuthi lihlanganyele lami ekuhluphekeni kwami.

AbaseFiliphi 4:14 ပူးပေါင်းရင်းမြစ်များ

1 AmaKhosi 8:18

Kodwa iNkosi yathi kubaba uDavida: Njengoba bekuyisifiso sakho ukungakhela indlu, wenze kuhle ngokufisa lokho;

2 ImiLando 6:8

Kodwa iNkosi yathi kubaba uDavida: Njengoba bekuyisifiso sakho ukungakhela indlu, wenze kuhle ukufisa lokho;

UMatewu 25:21

Inkosi yayo yathi kiyo: Kuhle, nceku elungileyo lethembekileyo; uthembekile ezintweni eziyingcosana; ngizakukubeka phezu kwezinengi; ngena ekuthokozeni kwenkosi yakho.

AbaseRoma 15:27

Yebo, kwaba kuhle kibo; ngoba lembala balomlandu kibo; ngoba uba abezizwe behlanganyela kanye labo ezintweni zabo zokomoya, abezizwe balomlandu futhi wokubasebenzela ezintweni zokomzimba.

AbaseGalathiya 6:6

Ofundiswayo ilizwi kahlanganyele lalowo omfundisayo ezintweni zonke ezinhle.

AbaseFiliphi 1:7

Impela kufanele ukuba ngikhumbule ngokunjalo ngani lonke, ngoba ngiyalithanda kakhulu, ngoba ekubotshweni kwami lasekuvikeleni kwami lasekuqiniseleni kwami ivangeli lina lonke lihlanganyela lami, emuseni kaNkulunkulu.

AbaseFiliphi 4:18

Kodwa ngilakho konke ngokupheleleyo; nganelisiwe nginikwe nguEpafrodithu iziphiwo elazithumelayo, eziliphunga elihle, umnikelo omuhle lowamukelekayo kuNkulunkulu.

1 uTimothi 6:18

Kabenze okuhle banothe ngemisebenzi emihle, baphane babelane,

AmaHebheru 10:33

Kokunye lisenziwa umbukiso ngenhlamba langezinhlupheko, kokunye lihlanganyela labanye ababephathwa ngokunjalo.

AmaHebheru 10:34

Ngoba lazwelana lababotshiweyo, lavuma ngokuthokoza ukwamukwa impahla yenu, lokhu lisazi ukuthi lina lilempahla enhle kulaleyo, impahla engapheliyo.

AmaHebheru 13:16

lingakhohlwa ukwenza okuhle lokuphana; ngoba iminikelo enjalo iyamthokozisa uNkulunkulu.

Isambulo 1:9

Mina Johane, umzalwane wenu lohlanganyela kanye lani ekuhluphekeni lasembusweni lasekubekezeleni esilakho kuJesu, ngangisesihlengeni esithiwa yiPatmosi ngenxa yelizwi likaNkulunkulu langenxa yokufakazela uJesu.