AbaseFiliphi 4:11 - iBhayibhili Elingcwele 1978

¹¹ Kakusikho ukuthi ngitsho mayelana lokuswela kwami, ngoba sengifundile ukuba nganeliswe loba ngihlezi ngokunjani.

IBhayibhili Elingcwele LesiNdebele

¹¹ Kangitsho lokhu ngenxa yokuthi ngiyaswela ngoba sengafunda ukwaneliseka kuyo yonke imimo.

AbaseFiliphi 4:11 ပူးပေါင်းရင်းမြစ်များ

UGenesisi 28:20

UJakobe wasefunga isifungo esithi: Uba uNkulunkulu ezakuba lami, angilondoloze ekuhambeni kwami, angiphe ukudla lezingubo zokwambatha,

U-Eksodasi 2:21

UMose wazimisela ukuhlala lalowomuntu; yena wamnika uMose uZipora indodakazi yakhe.

ULukha 3:14

Lamabutho athi kuye: Thinake, sizakwenzani? Wathi kuwo: Lingamamuki muntu ulutho, lingadlelezeli; yaneliswani ngumvuzo wenu.

2 AbaseKhorinte 11:27

Ngangisekutshikatshikeni lekukhathazekeni, ngingalali insuku ezinengi; ngisekulambeni lasekomeni, kanengi ngizila ukudla, ngibulawa ngamakhaza ngihambaze.

2 AbaseKhorinte 6:10

njengabalosizi, kanti siyathokoza njalonjalo; njengabayanga, kanti sinothisa abanengi; njengabangelalutho, kanti silakho konke.

2 AbaseKhorinte 8:9

Ngoba liyawazi umusa weNkosi yethu uJesu Kristu ukuthi, lanxa wayenothile, waba ngumyanga ngenxa yenu, ukuze ngobuyanga bakhe linothe lina.

2 AbaseKhorinte 9:8

UNkulunkulu ulamandla okulinika kakhulu iziphiwo zonke zomusa, ukuze kuthi ngokwanela kwenu ezintweni zonke lasezikhathini zonke, likhule emisebenzini yonke emihle,

AbaseFiliphi 3:8

Yebo impela, konke ngikutshaye ize ngenxa yobukhulu bokumazi uKristu Jesu iNkosi yami. Ngilahlekelwe yikho konke ngenxa yakhe, ngikutshaya imfucuza, ukuze ngizuze uKristu,

AmaHebheru 10:34

Ngoba lazwelana lababotshiweyo, lavuma ngokuthokoza ukwamukwa impahla yenu, lokhu lisazi ukuthi lina lilempahla enhle kulaleyo, impahla engapheliyo.