AbaseFiliphi 3:19 - iBhayibhili Elingcwele 1978

¹⁹ ukuphela kwabo kuyikubhujiswa, unkulunkulu wabo uyisisu, lodumo lwabo lusehlazweni labo, bathanda izinto zomhlaba.

IBhayibhili Elingcwele LesiNdebele

¹⁹ Isiphetho sabo yikubhubha, unkulunkulu wabo yisisu sabo, lodumo lwabo lusehlazweni labo. Ingqondo yabo isezintweni zasemhlabeni.

AbaseFiliphi 3:19 ပူးပေါင်းရင်းမြစ်များ

AmaHubo 17:14

lakubo abantu ngesandla sakho, Nkosi, abantu basemhlabeni abasabelo sabo sikulokhukuphila. Gcwalisa izisu zabo ngezinto zakho, ukuze abantwana babo bazuze okwanele ukubasuthisa, batshiyele lezingane zabo.

AmaHubo 52:1

Uzincomelani ngokubi okwenziwa phezu kolungileyo, wena qhawe na?

UJeremiya 44:17

Kodwa sizakwenza konke esizimisele ukukwenza; sizatshisela iNkosikazi yaphezulu impepha, siyithululele iminikelo yokuthululwa, njengokuba besisenza thina, labobaba, lamakhosi ethu, lezikhulu zethu, emizini yakoJuda lasezindleleni zeJerusalema; ngoba sasilokudla okunengi, sihlezi kuhle singaboni okubi.

UHezekhiyeli 13:19

Lingingcolisile phakathi kwabantu bami ngenxa yengcosana nje yebhali langezihletshana zezinkwa, labulala abantu abangafanelanga ukufa, layekela abantu abangafanelanga ukuphila ngamanga enu ebantwini bami abalalela amanga.

UHezekhiyeli 34:3

Liyadla amahwahwa, lizigqokise ngoboya, lihlabe ezinonileyo, kodwa lingazelusi izimvu.

UHosiya 4:7

Ngokwanda kwabapristi kuyanda lokona kwabo kimi. Udumo lwabo ngizaluphendula lube lihlazo.

UMikha 3:11

Inhloko zalo zahlulelela imali, abapristi balo bafundisela inkokhelo, abaprofethi balo bavumisela imali; kanti bathembela eNkosini besithi: INkosi kayikho phakathi kwethu na? Ngakhoke kasiyikwehlelwa ngokubi.

UMikha 3:5

INkosi ithi ngabaprofethi abaduhisa abantu bami, ababathembisa ukuthula lapho besazuza ukudla, kodwa lowo ongabaniki ukudla balwe laye:

UMalaki 1:12

Kodwa lina liyalona ngokuthi itafula yeNkosi ingangcoliswa, langokuthi linganikela phezu kwayo ukudla elikudelelayo.

UMatewu 16:23

Yena waphendula, wathi kuPetro: Buyela emva kwami, Sathane; uyisikhubekiso kimi, ngoba kawucabangi ngezinto zikaNkulunkulu kodwa ngezabantu.

UMatewu 25:41

Izakuthi kibo abangakwesokhohlo: Sukani kimi lina eliqalekisiweyo, liye emlilweni ongapheliyo olungiselwe uSathane lezithunywa zakhe.

ULukha 12:19

Besengisithi kumphefumulo wami: Mphefumulo, ulempahla ezinengi ezibekelwe iminyaka eminengi; phumula, udle, unathe, uthokoze.

ULukha 16:19

Kwakukhona umuntu othile onothileyo owayegqoka eziyibubende lamalembu amahle, esidla okumnandi insuku zonke.

ULukha 18:4

Kwaba yisikhathi elokhu engavumi; kodwa ngasemuva wanakana wathi: Lanxa mina ngingamesabi uNkulunkulu, ngingakhathaleli muntu,

AbaseRoma 16:18

ngoba abanjalo kabakhonzi iNkosi yethu uKristu, kodwa bakhonza inkanuko zabo; ngamazwi langokulalisa ngolimi bakhohlisa izinhliziyo zabangelacala.

AbaseRoma 6:21

Lazuza umvuzo bani na? Kalizuzanga lutho, kuphela lokho osekulithelela inhloni; ngoba ukucina kwakho kuyikufa.

1 AbaseKhorinte 3:3

ngoba liseyibo abomhlaba. Nxa kusekhona umhawu lokuphikisana phakathi kwenu, kalisibo abomhlaba na? Kalihambisi okwabantu na?

1 AbaseKhorinte 5:2

Kodwa lina liyazikhukhumeza kulokuba likhale; lalowo owenze lokho kasuswe phakathi kwenu.

1 AbaseKhorinte 5:6

Kakukuhle ukuzincoma kwenu. Kalazi yini ukuthi imvubelo encinyane ibilisa inhlama yonke na?

2 AbaseKhorinte 11:12

Engikwenzayo ngizakukwenza futhi, ukuze ngibathathele ithuba labo abafuna ithuba lokuba bafunyanwe belingana lathi kulokho abazincoma ngakho.

2 AbaseKhorinte 11:15

Ngakhoke kakusinto enkulu, uba izinceku zakhe zizitshaya izinceku zokulunga; ukuphela kwazo kuzakuba njengokwemisebenzi yazo.

AbaseGalathiya 6:13

Ngoba ngitsho lalabo abasokayo kabawugcini umlayo, kodwa bathanda ukuba lisoke ukuze bazincome ngokusoka kwenu.

AbaseFiliphi 2:21

ngoba bonke bazifunela okwabo, bengafuni okukaJesu Kristu.

AbaseKholose 3:2

Nakanani ngokwaphezulu, linganakani ngokwasemhlabeni.

2 AbaseThesalonika 1:9

Bazakulahlwa ngokubhujiswa okungapheliyo, basuswe phambi kwakhe laphambi kwenkazimulo yamandla akhe,

2 AbaseThesalonika 2:12

ukuba bonke abangakholwanga iqiniso kodwa bethokoziswa yikungalungi balahlwe.

2 AbaseThesalonika 2:8

Kung’khonake ezakwambulwa lowo oMubi, kodwa iNkosi uJesu izakumqeda ngomoya womlomo wayo, imbhubhise ngokubonakala kwayo ekufikeni kwayo.

1 uTimothi 6:5

lokuxabana kwabantu abangqondo zabo zonakele, abalahlekelwe liqiniso, besithi ukukhonza uNkulunkulu kuyindlela yenzuzo.

2 uTimothi 3:4

labanikela abanye, labalamawala, labagcwele ukuzikhukhumeza, labathanda ukuzithokozisa kulokuthanda uNkulunkulu,

UJakhobe 4:16

Kodwa liyazincoma liziqakise; konke ukuzincoma okunje kubi.

2 UPhethro 2:1

Kodwa kwavela abaprofethi bamanga phakathi kwabantu, njengokuba lakini kuzakuba khona abafundisi bamanga abazakungenisa ngensitha izifundiso ezichithayo, bephika iNkosi eyabathengayo, bezilethela ngokuphangisa ukuchitheka.

2 UPhethro 2:13

bamukele umvuzo ngokungalungi kwabo. Bathi kuyikuthokoza ukuminza emini, bengcolile, bebabi, beminza ekuthokozeni kwabo, bezitika lani.

2 UPhethro 2:3

Ekufiseni kwabo imali bazakuthengiselana ngani ngamazwi obuqili; ukulahlwa kwabo sekukade kusebenza phakathi kwabo, lokuchitheka kwabo kakuwozeli.

UJuda 1:10

Kodwa lababantu bathuka konke abangakwaziyo; lalokho abakwaziyo ngemvelo njengezinyamazana ezingelangqondo babhubha ngakho.

UJuda 1:16

Laba bangabangungunayo labasolayo, behamba ngenkanuko zabo, bekhuluma amazwi aqatha, bezikhukhumeza, besebenzisa amazwi okulalisa ngolimi ngenxa yenzuzo.

UJuda 1:4

Ngoba sekungenile ngokunyenya abantu abathile abamiselwa lokhukulahlwa kudala, abantu abeyisa uNkulunkulu, abaphendula umusa kaNkulunkulu wethu ube ngamanyala, bephika uMbusi oyedwa leNkosi yethu uJesu Kristu.

Isambulo 18:7

Linikeni ukuhlupheka lokulila okungangalokho elizidumise lazikholisa ngakho. Lithi enhliziyweni yalo: Ngihlezi ngiyinkosikazi, kangisuye umfelwakazi, futhi kangisoze ngabona ukulila.

Isambulo 19:20

Isilo sasesibanjwa kanye lomprofethi wamanga owenza izibonakaliso phambi kwaso, aduhisa ngazo labo ababelophawu lwesilo lalabo abakhonza umfanekiso waso; isilo lomprofethi wamanga kwaphoselwa echibini lomlilo elivutha isolufa.

Isambulo 21:8

Kodwa amagwala, labangakholwayo, labangcolileyo, lababulali, leziphingi, labathakathi, labakhonza izithombe, labo bonke abaqambi bamanga, isabelo sabo sizakuba echibini elivutha umlilo lesolufa, okuyikufa kwesibili.

Isambulo 22:15

Ngaphandle kukhona izinja, labathakathi, leziphingi, lababulali, labakhonza izithombe, labo bonke abathanda inkohliso beyenza.

1 USamuyeli 2:29

Kungani pho useyisa imihlatshelo yami leminikelo yami engayimisayo na? Kungani uhlonipha amadodana akho ukudlula mina ngokuwavumela azitike ngokuhle kweminikelo yabantu bami uIsrayeli?