AbaseFiliphi 2:27 - iBhayibhili Elingcwele 1978

²⁷ Lempela wagula waphos’ukufa; kodwa uNkulunkulu wamhawukela, engahawukeli yena yedwa, kodwa ehawukela lami, ukuze ngingabi losizi phezu kolunye.

IBhayibhili Elingcwele LesiNdebele

²⁷ Ngempela wayegula njalo waphose wafa. Kodwa uNkulunkulu waba lesihawu kuye, kungayisikho kuye kuphela kodwa lakimi ukuba angiphephise osizini phezu kosizi.

AbaseFiliphi 2:27 ပူးပေါင်းရင်းမြစ်များ

2 AmaKhosi 20:1

Ngalezonsuku uHezekiya wagula, waphos’ukufa. UIsaya umprofethi indodana kaAmozi wafika kuye wathi: INkosi ithi: Lungisa indlu yakho, ngoba uzakufa, kawuyikusila.

UJobe 5:19

Uzakukukhulula enhluphekweni eziyisithupha, lakweziyisikhombisa kawuyikuthintwa yibubi.

AmaHubo 34:19

Zinengi inhlupheko zolungileyo, kodwa iNkosi iyamkhulula kuzo zonke.

U-Isaya 27:8

Ngokubaxotsha langokubasa ekuthunjweni ibatshayile abantu bayo; yabasusa ngomoya wayo olamandla ngokuphephetha komoya wasempumalanga.

U-Isaya 38:17

Ubuhlungu bami babenzelwe ukungisiza mina; nguwe olondoloze ukuphila kwami ukuba ngingayi emgodini wokuchitheka, ngoba uziphosele ngemva kwakho zonke izono zami.

U-Isaya 43:2

Lapho udabula emanzini ngizakuba lawe; lalapho udabula emifuleni, kayiyikukukhukhula; lalapho uhamba emlilweni, kawuyikutsha, lelangabi kaliyikukutshisa.

UJeremiya 10:24

Siqondisa, wena Nkosi, kodwa kube ngokufaneleyo, kungabi ngolaka lwakho, funa usenze sibe yinto engesilutho.

UJeremiya 45:3

Uthi wena: Maye mina! ngoba iNkosi yengezelela usizi ebuhlungwini bami, sengikhathele yikukhala, kangifumani ukuphumula.

UJeremiya 8:18

Kangilakududuzeka osizini lwami, inhliziyo yami iyagula phakathi kwami.

UHabhakhukhi 3:2

Wathi: Nkosi, ngizwile umbiko ngawe, ngiyesaba izenzo zakho. Ziphinde futhi kuliminyaka, wenze ukuba zaziwe kuliminyaka; ukhumbule umusa lanxa ulolaka.

Imisebenzi 9:37

Kulezonsuku wagula, wafa; sebemgezisile bamlalisa endlini ephezulu.

1 AbaseKhorinte 10:13

Kalifikelwanga yikulingwa okungejwayelekanga ebantwini. UNkulunkulu uthembekile, kayikuvuma ukuba lilingwe ngokungaphezu kwamandla enu; kodwa nxa ukulingwa kufika, uzakulinika indlela yokuphepha, ukuze libe lamandla okukuthwala.

2 AbaseKhorinte 2:7

kungcono khathesi ukuba limthethelele, limduduze, funa onjalo ahlulwe lusizi olukhulu.

AbaseFiliphi 2:26

ngoba wayelilangatha lonke, ekhathazekile ngoba lizwile ukuthi ubegula.

AbaseFiliphi 2:28

Ngakhoke ngitshisekela ukumthuma, ukuze kuthi nxa selimbona futhi, lithokoze, losizi lwami lunciphe.

AbaseFiliphi 2:30

ngoba ngenxa yomsebenzi kaKristu waphose wafa edela ukusila kwakhe, ukuze aphelelise okusileleyo ekungisebenzeleni kwenu.